Jeremías 4:25 - Chuj San Sebastian Bible

²⁵ Ax xwilni, man̈x 'a junc 'anma 'a sat lu'um, a smasnil no ch'ic, 'ix 'at no 'eloc.

Chuj San Mateo Bible

²⁵ Ix vilani man̈xalaj anima, axo masanil noc' sjen̈vi toxo ix b'at noc' elelal.

Jeremías 4:25 Iomraidhean Croise

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Jeremías 9:9

¿Tom man̈ smojc wa'n syailal eb' yuj tas tzb'o cha? An Jehová in, an tzwala, to caw smoj wa'n spac 'a junc chon̈b' 'ixta tzb'o'o, xchi Dios.

Ez 38:20

Ax smasnil no chay 'a yojl a mar, no ch'ic tz'ec' jen̈n̈oc 'a satcha'an̈, no calte'al noc', no tzjuc sb'a 'a sat lu'um, yet' eb' 'anma', caw 'oj 'ib'xoc chan̈ eb' yuj xiwlal 'a wojltac. Ax laj scot c'acp 'a eb' lum jolmctac witz, 'a eb' lum tzalctac. 'Oj laj cot q'uen niwc tenm 'a pac'an, ax laj slan̈chj 'ejm eb' chon̈b' yet' smuroal.

Os 4:3

Yuj cha, caw wal cusltac 'oj 'ajcn slum jun nacion̈ tic. 'Oj laj 'el yip eb' 'anma cajn 'a 'a. 'Oj laj cham no calte'al noc', no ch'ic, yet' smasnil e no chay 'ay 'a yojl a mar.