Jeremías 39:1 - Chuj San Sebastian Bible

¹ A 'a yic slajn̈il 'uj, yic sb'aln̈il ab'il yoch Sedequías reyl 'a Judá, ata 'ix jaw Nabucodonosor sreyl Babilonia yet' eb' soldado 'a Jerusalén, 'ix 'och oyn eb' 'a 'a.

Chuj San Mateo Bible

¹ Ayic slajun̈il uj yic sb'alun̈il ab'il yoch vin̈aj Sedequías reyal d'a Judá, ata' ix javi vin̈aj Nabucodonosor sreyal Babilonia yed' eb' soldado, ix yoymitan Jerusalén eb'.

Jeremías 39:1 Iomraidhean Croise

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Jeremías 32:1

A 'a yol yic slajn̈il ab'il xo yoch Sedequías reyl 'a chon̈b' Judá, ata 'ix paxtin Jehová 'ayn an Jeremías in tic, atn 'a yic swajxclan̈il xo ab'il yoch Nabucodonosor reyl 'a Babilonia.

Jeremías 34:1

A Nabucodonosor sreyl Babilonia, 'ix cot yet' smasnil eb' soldado, yet' eb' cotnc 'a smasnil nacion̈ 'aych 'a yaln̈ schecnb'il winac. 'Ix wul ya'nc eb' owl 'a Jerusalén yet' 'a jun tzo'n̈ xo eb' chon̈b' 'ayc' 'a sla'nil. A yic cha, 'ix yaln Jehová 'ayn an Jeremías in tic 'ixtic:

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 42:18

A Jehová tztac' yuj smasnil, atn qui Diosalec, a tzaln pax 'ixtic: 'Icha wal x'aj sjaw yowl in c'ojl 'a yib'n̈ eb' cajn 'a Jerusalén, 'ixta wal 'oj 'aj sjaw pax 'a eyib'n̈ ax tic, toto 'oj e 'at 'a Egipto cha. 'Oj jawc catb' 'a eyib'an̈. A yic 'oj ex yilnc 'och jun tzo'n̈ xo nacion̈, 'oj xiw eb' eyu'uj, ax ex sb'uchn pax eb'. Man̈x 'a b'a'n̈ 'oj e japx wul eyil jun e lum tic jun 'ejm xo, xchi Dios.

Jeremías 52:1

A Sedequías junschawinquil ab'il sq'uinal yic yoch reyal, uxlche ab'il ya'jnac reyl 'a Jerusalén, Hamutal sb'i snun, yisl win Jeremías 'aj Libna.

Jeremías 6:6

A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Ez 33:21

A 'a yic o'e yoch slajn̈il 'uj yic slajchwil ab'il quijx cot 'icha presoal, ata xjaw jun winc 'ayin, xyalni to ata tzcot 'elc 'a Jerusalén, yujto satl jun chon̈b' chi yuj eb' 'ajc'ojol.

Ez 4:3

Tze'n cot junc q'uen sa'am, tza lin̈n chan̈ 'a a cal yet' jun chon̈b' cha, tzach 'och q'ueln 'a 'a, 'icha cab' to wan a'n owl yet'oc. Atn jun chi tz'och ch'oxnb'ilc 'a eb' et israelal.

Ez 40:1

A 'a yic 25 ab'il xo quijx cot 'icha presoal 'a Babilonia, 'a lajn̈e yoch b'ab'l 'uj, 'a yic schan̈lajn̈il xo ab'il yajx ganar chon̈b' Jerusalén, 'ix 'ochx spoder Jehová 'ayin. Ax Yespíritu 'ix 'a'n wila', 'icha to in yij 'at 'a Jerusalén cha. Axta in c'och yuj 'a sjolm jun tzalan. Ax xwilni, ata 'ay jun chon̈b' 'a stojlal sur, til wal n̈a 'a jun chon̈b' cha.

Ez 5:2

A yic 'oj 'em jun chon̈b' tic yuj eb' oyn 'och chi 'a 'a, ax a n̈usn junc'aj xil a jolm chi 'a spacl jun chon̈b' tic; ax junc'aj xo, 'oj a cotc tzu'c can 'at 'a spatquil 'el jun chon̈b' tic yet' a espada, ax jun yoxc'ajil cha, tza tzicb't can 'a scal 'ic'. Tzyal 'el'chi to an 'oj wic' q'uet wespada 'a yol yet'ul, ax woch tza'n yuj eb' et chon̈b' tic.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.

Dt 28:36

A Jehová 'oj eyi'n 'at yet' e reyl sic'b'il 'och eyu'uj, 'a junc nacion̈ to man̈ eyojcoc, man̈ yojcoc pax eb' qui mam quichmec. Ata 'oj eyac' servil jun tzo'n̈ comn dios, b'ob'il 'a te te', mto 'a q'uen q'ue'en.