Jeremías 38:2 - Chuj San Sebastian Bible

² To a Jehová 'ix aln 'ixtic: A mach 'oj can 'a yol chon̈b' tic, 'oj cham yuj owal, yuj wejel, yuj pax yab'il. A pax mach 'oj 'at 'eloc, ax ya'n 'och sb'a 'a yol sc'ab' eb' 'aj Babilonia, a eb' cha, 'oj colchjoc to 'el eb'.

Chuj San Mateo Bible

² A Jehová tz'alan icha tic: A mach ol can d'a yol chon̈ab' tic, ol cham yuj oval, yuj vejel, ma yuj ilya. Axo mach ol yac'och sb'a d'a yol sc'ab' eb' aj Babilonia, a eb' chi' ol colchaj eb', man̈ ol chamlaj eb'.

Jeremías 38:2 Iomraidhean Croise

Jeremías 21:4

to a Jehová qui Diosalec an̈ israel on̈c tic, a tzaln 'ixtic: 'Oj wac' meltzjoc eb' a soldado 'a spatic, atn eb' tzcob' 'a'nc owl yet' win sreyl Babilonia yet' eb' soldado. Ax eb' soldado cha, atn eb' 'ayc' 'a spatquil 'el smuroal jun chon̈b' tic, 'oj in molb'tzoc 'oxt eb' 'a yol jun chon̈b' tic.

Jeremías 24:8

Ax pax Sedequías sreyl Judá, yet' eb' 'aych yajlil yet'oc, yet' pax smasnil eb' cajn 'a Jerusalén, atn eb' xcanto 'a jun nacion̈ tic, yet' pax eb' xc'och cajn 'a Egipto, a eb' cha, lajn wal yaj eb' 'a in sat 'icha te sat higo c'al xo, matz tac' sloxi.

Jeremías 27:11

A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.

Jeremías 27:13

¿Tas yuj 'oj ac' cham a b'a yet' eb' a chon̈b' yuj owal, yuj wejel, yuj pax yab'il? Yujto 'ix yal Jehová to 'oj jawc jun tzo'n̈ tic 'a yib'n̈ smasnil nacion̈ to ma'oj ya'ch sb'a 'a yaln̈ schecnb'il sreyl Babilonia cha.

Jeremías 29:16

Palta a Jehová tzaln 'ixtc yuj win rey 'aych can pax sjelc David 'a sdespacho, yet' 'a eb' 'aycn 'a jun chon̈b' tic, atn eb' eyican to e b'a yet'oc, eb' ma'ix 'ijx 'at eyet' 'icha presoal.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Jeremías 39:18

An tzwala, yujto in a'ch yipc a c'ojol, yuj cha, 'oj ach in col-l 'a yol sc'ab' eb', sec ma'oj ach smil cham eb', xchi Dios, xa chi 'a winac, xchi 'ayin.

Jeremías 42:17

Smasnil eb' 'oj c'och cajn 'a Egipto, yowlal 'oj chamn̈j eb' yuj owal, yuj wejel, yet' pax yuj yab'il 'a cha. May junc mach 'oj can 'a spitznal, may junc mach 'oj stac' s'at 'elc 'a jun yailal 'oj wa' cot cha, xchi Dios.

Jeremías 42:22

Yuj cha, 'ojquejec 'eli, chajtlto 'oj e cham yuj owal, yuj wejel, yuj pax yab'il 'a jun chon̈b' 'aj tze nib'j tzex c'och cajn cha, xin chi 'a eb'.

Jeremías 44:13

'Oj wa'ch wal eyailal machx cajn ex 'ec' 'a Egipto tic, 'icha wutjnac wa'n syailal eb' 'aj Jerusalén yet' owal, wejel, yet' pax yab'il.

Jeremías 45:5

Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 6:11

'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il.

Ez 7:15

A 'a sti 'el chon̈ab', owl 'ay ta', ax 'a yol chon̈ab', ata 'ay yab'il yet' wejel. A eb' 'anma 'aycn 'el 'a sti 'el chon̈ab', 'oj cham eb' yuj owal, ax eb' 'aycn 'a yol chon̈ab', a wejel yet' yab'il 'oj milnc eb'.