Jeremías 38:13 - Chuj San Sebastian Bible

¹³ Xlajw cha, xya'n 'ejm ewin ch'an̈ lasu cha, yamb'il can sn̈i ch'an̈ yuj ewinac, in sto'n q'uet ewin yet' ch'an̈. Xlajw cha, axta in cancn 'a 'amac', 'a 'aj 'ayc' eb' tztan̈wni despacho.

Chuj San Mateo Bible

¹³ Ix yac'anem ch'an̈ lasu chi' eb' vin̈, ix in yic'anq'ueta eb' vin̈. Axo d'a yamaq'uil b'aj ayec' eb' stan̈van palacio ix in yactejcan eb' vin̈.

Jeremías 38:13 Iomraidhean Croise

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

A Ch'an̈ B'ab'el Libro Yic Yab'ixal Eb' Rey 22:27

Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

Nehemías 3:25

A Palal yunnal Uzai, a 'ix b'on jun muro 'a 'isquinyo, yet' jun torre niwquil ste'il 'ay 'a sdespacho win rey, atn 'a yamq'uil yatut eb' soldado 'aj tzmacwji. Ax Pedaías yunnal Faros sb'on yico',

Pr 29:10

A eb' milm 'anma', tzpatquilx can 'el eb' wach' snab'en yuj eb', tznib'j eb' smil cham eb' wach' cha.

Jeremías 26:16

Yuj cha, 'ix yaln eb' yajl cha, yet' eb' chon̈b' chi 'a eb' ya'mal 'och sti eb' 'anma 'a Dios, yet' 'a eb' tzyalch sb'a schecb'oc Dios: Man̈ smojc tzcham jun winc tic, yujto a 'a sb'i Jehová qui Diosalec 'ix paxtin 'ayn̈ec, xchi eb'.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Jeremías 37:21

Yuj cha, xyaln win rey Sedequías to ata tzin can 'a 'amac', 'a 'aj 'ayc' eb' tztan̈wni jun despacho cha, ax 'a junjn c'u tz'ajx junjn pan 'ayin, ata tzmanx 'ixm 'a eb' b'om pan. 'Ichn̈jta x'aji, ya' sb'a 'ayt 'ixm pan chi 'a yol chon̈ab'. 'Ixtnta in 'aj in cancn 'a 'amc' cha.

Jeremías 38:12

'Ix yaln win 'ixtc 'ayin: —'A'ch jun tzo'n̈ nip chi 'a yaln̈ a c'ab', sec wach' ma'oj a lajw yuj ch'an̈ lasu tic, xchi winac. Yuj cha, xin b'on 'icha 'ix yal win cha.

Jeremías 38:28

Yuj cha, in cann̈j 'a 'amac', 'a 'aj 'ayc' eb' tztan̈wni despacho, masnto 'a yic 'ix 'ejm Jerusalén.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Lm 3:58

Mamin, ach in a colcn 'elt 'a yol sc'ab' chamel.

A Tas Sc'ulejnac Eb' Schecab' Jesús Hechos 23:35

Yuj cha, xyaln win 'ixtc 'a 'a: —Jaw cab' ewin tzach 'a'n queja chi b'el, 'ixta to b'i'an, ax wab'ni tas a mul, xchi win 'a 'a. Xlajw cha, xya'n win tan̈wxoc 'a yol yatut win rey Herodes, 'aj tzyac' win yajlil.

A Tas Sc'ulejnac Eb' Schecab' Jesús Hechos 24:27

Chab' ab'il xyac' win 'ixta yet' Pablo cha, xlajw cha, x'el win 'a yopiso, ax win Porcio Festo x'ochx can sjelc winac. Ax yic x'el win Félix chi 'a yopiso, 'ix wach' 'atcn Pablo 'a preso yu'uj, sec tzalj eb' israel yet' winac.

A Tas Sc'ulejnac Eb' Schecab' Jesús Hechos 28:16

Ax yic on̈ c'och 'a Roma chi 'on̈, ['ix ya'n 'och win capitan̈ chi eb' preso 'a yol sc'ab' junx win syajlil eb' soldado 'ayc' ta'.] Palta ax Pablo, ma'ix 'och 'a preso yet' eb', ton̈j 'ix tan̈wx yuj jun win soldado.

A Tas Sc'ulejnac Eb' Schecab' Jesús Hechos 28:30

Ax Pablo cha, smajnej jun n̈a, ata xcan chab' ab'il, ax eb' xlaj c'och c'umnoc, c'uxn 'ix schaj sc'och eb'.