Jeremías 36:8 - Chuj San Sebastian Bible

⁸ 'Ix sb'on win Baruc smasnil tas 'ix wal an Jeremías in tic 'a 'a. 'Ix 'at 'a yatut Jehová, 'ix yawtn spaxti Jehová tz'ib'b'il 'a ch'an̈ un̈ cha.

Chuj San Mateo Bible

⁸ Ix sc'ulan vin̈aj Baruc chi' masanil tas ix val chi' d'ay. Ix b'at vin̈ d'a stemplo Jehová, ix yavtan slolonel Jehová chi' vin̈, aton tas ix stz'ib'ej vin̈ chi'.

Jeremías 36:8 Iomraidhean Croise

Nehemías 8:3

'Ix chaj 'el yich yawtn ch'an̈ ley chi 'a sat eb' chon̈ab', 'a sq'uin̈b'ial masnto x'och chimc'ual, atn 'a plas 'a sti puerta 'aj tz'elt eb' 'ix 'ix cuchj a cha. Smasnil eb' chon̈ab', smaclj eb' yab' yawtx ch'an̈ un̈ cha, eb' winac, eb' 'ix 'ix yet' smasnil eb' 'unn tzax nachj 'el yu'uj.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Jeremías 32:12

Wal 'a sat wican Hanamel cha, yet' 'a sat eb' testigo 'ix 'a'n sfirma 'a ch'an̈ yun̈al trato cha, yet' pax 'a sat smasnil eb' wit chon̈b' wocn 'ec' wet'oc, 'ix wa'n ch'an̈ schab'l 'a Baruc, atn win yunnal Nerías yixchicn Maasías.

Jeremías 36:4

'Ix wawtn cot win Baruc yunnal Nerías. 'Ix waln smasnil tas 'ix yal Jehová 'ayin, ax Baruc cha, a 'ix tz'ib'n 'a jun ch'an̈ u'un̈.

Jeremías 36:6

Yuj cha, a yic 'oj jawc jun c'u yic c'ajb'c'ojlal jun 'ejm xo, tzach 'at 'a yamq'uil yatut Jehová, ata 'oj awtc ch'an̈ un̈ tic 'ix wac' 'a tz'ib'c tic, sec wach' a smasnil eb' chon̈ab' yet' smasnil eb' 'anma cajn 'a yol yic Judá tzjaw 'a tic, 'oj yab' eb' spaxti Jehová.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

1 Co 16:10

Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.