Jeremías 36:4 - Chuj San Sebastian Bible

⁴ 'Ix wawtn cot win Baruc yunnal Nerías. 'Ix waln smasnil tas 'ix yal Jehová 'ayin, ax Baruc cha, a 'ix tz'ib'n 'a jun ch'an̈ u'un̈.

Chuj San Mateo Bible

⁴ Ix vavtancot vin̈aj Baruc yuninal vin̈aj Nerías. Ix valan d'a vin̈ masanil tas ix yal Jehová d'ayin, ix stz'ib'ancan vin̈.

Jeremías 36:4 Iomraidhean Croise

Is 30:8

'Ix yaln Dios 'ayn 'ixtic: A ticnec, tz'ib'j can 'a yojl junc u'un̈, yuj smasnil tas wan waln 'aych tic, sec tzcan 'ab'xil 'a eb' et chon̈b' tic 'a smasnil tiempo.

Is 8:1

'Ix yaln pax Jehová 'ayn 'ixtic: Say junc niwquil u'un̈, ax a tz'ib'n 'ejm jun paxti tic 'a 'a. Caw wach' tzotj a b'oni, niwc tzotj stz'ib'ul. Maher-salal-hasbaz, 'ixta tzotj a tz'ib'ni.

Jeremías 25:13

Smasnil yailal waljnac cani, 'oj wa' cot 'a yib'n̈ jun nacion̈ cha, atn smasnil tas tz'ib'b'il can 'a jun libro tic, jun tzo'n̈ xwac' alcn 'el ach Jeremías tic 'a yib'n̈ jun tzo'n̈ nacion̈ tic.

Jeremías 30:2

An Jehová e Diosal in ax israel ex tic, an tzwala: Tz'ib'j can smasnil tas 'ix wal 'aych 'a junc ch'an̈ u'un̈.

Jeremías 32:12

Wal 'a sat wican Hanamel cha, yet' 'a sat eb' testigo 'ix 'a'n sfirma 'a ch'an̈ yun̈al trato cha, yet' pax 'a sat smasnil eb' wit chon̈b' wocn 'ec' wet'oc, 'ix wa'n ch'an̈ schab'l 'a Baruc, atn win yunnal Nerías yixchicn Maasías.

Jeremías 36:14

Ax ewin niwc yel'ch yopiso cha, 'ix checn 'at ewin jun win yunnal Netanías atn win Jehudí yixchicn Selemías yin̈tl can win Cus, yic tz'at yalnc 'a win Baruc chajtlto tz'ijx cot ch'an̈ un̈ 'ix 'awtx 'a sat eb' chon̈b' cha, yuj cha, 'ix yi'n cot win Baruc ch'an̈ un̈ chi 'a sat ewinac.

Jeremías 36:21

Xlajw cha, 'ix checx 'at win Jehudí yuj win rey yic tz'at yi'nc win ch'an̈ un̈ chi 'aycn 'a yatut win Elisama cha. Ax yic xjaw win yet' ch'an̈ un̈ cha, 'ix syamn 'och win yawtn ch'an̈ 'a sat win rey, yet' 'a sat smasnil eb' 'ay yopiso oyn 'och smaclni yab'i'.

Jeremías 36:23

A yic xlajw yawtn win Jehudí 'oxe', mto chan̈ macn̈ yojl ch'an̈ un̈ cha, ax win rey cha, 'ix scotc poln 'elt win ch'an̈ yet' jun q'uen cuchlub' tzc'an ewin 'ajtz'ib', xlajw cha, xya'n 'at win ch'an̈ 'a yib'n̈ c'ac' cha. 'Ixta xyutj win sn̈usn smasnil ch'an̈ un̈ cha.

Jeremías 36:26

Palta a yic winac, to 'ix yal win 'a win Jerameel win yin̈tl eb' rey, yet' 'a Seraías yunnal Azriel, yet' 'a Selemías, yunnal Abdeel, chajtlto tzin sjalb't eb' an Jeremías in tic yet' jun win tz'ib'n wun̈ cha, atn win Baruc. Palta ax Jehová on̈ c'ub'n 'eli.

Jeremías 36:27

A yic tox 'ix n̈usx ch'an̈ un̈ yuj win rey, atn ch'an̈ 'aj tz'ib'b'il jun tzo'n̈ paxti waljnac 'a Baruc, ata 'ix yalx Jehová 'ayn 'ixtic:

Jeremías 36:28

'Ij cot junc xo ch'an̈ u'un̈, tzlajw cha, tza tz'ib'n can pax 'ejm 'a ch'an̈ jun tzo'n̈ paxti xa tz'ib'j 'a b'ab'el, ch'an̈ sn̈us win Joacim sreyl Judá.

Jeremías 36:32

Xlajw cha, xwi'n pax cot junx b'e'n̈ ch'an̈ u'un̈, 'ix wa'n 'a win Baruc, win 'ajtz'ib' yaj 'ayin. Ax win stz'ib'n pax smasnil tas 'ix walx cha, tzyal 'el'chi, atn smasnil tas tz'ib'b'il 'a ch'an̈ sn̈us win Joacim. 'Ayt jun tzo'n̈ xo stz'acb' xwac' stz'ib'c 'och to pax 'a ch'an̈.

Jeremías 36:6

Yuj cha, a yic 'oj jawc jun c'u yic c'ajb'c'ojlal jun 'ejm xo, tzach 'at 'a yamq'uil yatut Jehová, ata 'oj awtc ch'an̈ un̈ tic 'ix wac' 'a tz'ib'c tic, sec wach' a smasnil eb' chon̈ab' yet' smasnil eb' 'anma cajn 'a yol yic Judá tzjaw 'a tic, 'oj yab' eb' spaxti Jehová.

Jeremías 43:3

A win Baruc, yunnal Nerías, a tzaln jun tzo'n̈ paxti chi 'a qui patquec, sec tzon̈ 'ejmec yuj eb' 'aj Babilonia, yic tzon̈ smilnec cham eb', mto tzon̈ yijec 'at eb' 'icha presoal, xchi ewinac.

Jeremías 51:59

A 'a yic schan̈l ab'il yoch Sedequías reyl 'a Judá, a yic cha, 'ix yaln Jeremías win schecb' Dios jun tzo'n̈ paxti tic 'a win Seraías yunnal Nerías, win yixchicn Maasías. A win Seraías cha, ajun win yet' win rey Sedequías yic 'ix 'at eb' 'a Babilonia, a win 'ajcuenta sayn yet'l win rey 'aj wach' scani yic tz'ec' win 'aj tz'eq'ui.

Jeremías 51:60

An Jeremías in, an xin molb'tzej smasnil tas 'ix alxi to 'oj jawc 'a yib'n̈ Babilonia, 'ix in tz'ib'n can 'a jun ch'an̈ u'un̈.

Ez 2:9

Ax xwilni 'ay jun c'ab' xjaw 'a wojltac, 'ix cot b'achn 'ayn yet' jun ch'an̈ un̈ chulb'ilb'ec'an.

Dn 7:1

'Ay jun 'ac'wal, 'a yic yab'lil xo yoch win Belsasar reyl 'a Babilonia, 'ay jun swaych Daniel x'ochi. 'Ay tas xyil 'a swaych cha. Ax 'a yic x'el swayan̈, 'ix stz'ib'n can jun tzo'n̈ tas caw niwc yel'ch xyil cha.

Zacarías 5:1

'Ay jun tzo'n̈ xo xch'oxx wil 'a 'icha waychil. 'Ix wil yec' quen̈n̈oc jun ch'an̈ un̈ tz'ib'b'il.

Ro 16:22

An Tercio in tic, wan in tz'ib'n 'at jun scarta Pablo tic 'ayex. Tzwa't stzatzl e c'ojol, yujto yic ex xo Cajlil quet' on̈.