Jeremías 34:9 - Chuj San Sebastian Bible

⁹ 'Ixtc x'aj jun trato chi sb'o'i, to a smasnil eb' to yit chon̈b' 'aych smosooc, yowlal tz'ajx 'el eb' 'a libre, wach'xam winac, mto 'ix, sec wach' man̈x 'a junc eb' yit chon̈b' eb' chi tz'ochcn mosoal.

Chuj San Mateo Bible

⁹ Icha tic ix aj jun trato chi': Masanil eb' israel ayoch checab'oc d'a eb' yetchon̈ab', tz'ac'jiel eb' d'a libre, vach'chom vinac, vach'chom ix, yic man̈xa junoc yetchon̈ab' eb' tz'ochcan schecab'oc.

Jeremías 34:9 Iomraidhean Croise

Gn 14:13

Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.

Gn 40:15

Yujto an tic, ton̈j 'elc'b'iln cot 'a scal eb' hebreo, man̈ in mojc 'ayn 'och 'a preso tic, yujto may xon jac tas tu xin b'o'o, xchi José cha.

Ex 2:6

A yic 'ix sjacn 'ix sti jun xuc cha, ax xyiln 'ix to tz'ulc 'unn jun chi 'ay 'ejm 'a yojol, caw tz'oq'ui. Yuj cha, caw wal 'ix 'o'chsc'ojl 'ix 'a 'a, 'ix yaln 'ix 'ixtic: —A jun 'unn tic, yic eb' 'ix israel, xchi 'ix.

Ex 3:18

'Oj scha eb' yab' 'ayach. Tzlajw cha, tzach 'at yet' eb' yichm wincal chon̈b' Israel 'a yojltac win sreyl Egipto cha, tzeyaln 'a win 'ixtic: A Jehová qui Diosal an̈ hebreo on̈ tic on̈, a 'ix sch'ox sb'a 'ayn̈ on̈. Yuj cha, to tzon̈ a chaj 'at 'a lum cusltac lu'um, to tz'at cac' qui xajmb'al 'a qui Diosal on̈, 'aym 'oxe'oc c'u ste'nb'il jun lugar cha, xe chi 'a winac.

Jeremías 25:14

'Oj wa'ch eb' 'a yol sc'ab' jun tzo'n̈ niwc nacion̈, yet' 'a yol sc'ab' jun tzo'n̈ niwc yajl to caw 'ay xo smay sb'inaxi. 'Ixta wal 'oj yutc eb' schan spac, atn tas smoj schan eb' yuj tas tz'el sb'oni, xchi Dios 'ayin.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 30:8

An Jehová in, tztac' wuj smasnil, an tzwala: Caw 'oj in col 'elt eb' in chon̈b' 'a 'aj 'aych mosoal. Man̈x 'oj 'och eb' mosoal 'a eb' chuc chon̈b'al jun 'ejm xo.

Jeremías 34:10

Smasnil eb' yajal yet' smasnil eb' chon̈ab', 'ix schaj sc'ojl eb' jun trato cha. 'Ixta 'ix yutj eb' ya'n 'el eb' smoso chi 'a libre. Man̈x 'ic 'ajx pural eb' moso chi smunlj 'a eb'.

1 Co 6:8

Palta 'in 'ayx man̈ tojloc tzeyutj e b'a jun xo. 'In 'ayx tzex laj 'och 'elc'l jun xo. 'In 'ixta pax tzeyutj e b'a 'a eb' eyit creyenteal.

2 Co 11:22

Hebreo ton eb', palta hebreo in jun xo. Israel ton eb', palta israel in jun xo. Yin̈tl ton Abraham eb', palta yin̈tl in pax Abraham yet' eb'.

Dt 15:12

Toto 'ay junc quit chon̈b'ec tzchon̈ch sb'a mosoal 'ayex, winac mto 'ix, cojn waque ab'il tzex yac' servil, ax 'a yucl ab'il, tzeya'n 'el 'a libre.

A Scarta San Pablo D'a Eb' Aj Filipos 3:5

Yucb'ixial xo walji, wajx circuncidar, yujto israel in. Yin̈tl in can Benjamín. Hebreo in, yujto hebreo pax in mam in nun. Caw yiclum in 'a smasnil ley yic Moisés, yujto fariseo in paxi.

A Ch'an̈ B'ab'el Libro Samuel 14:11

Ax yic xch'oxn sb'a eb' schawn̈il 'a 'aj 'ay yet'l eb' filisteo macwjum cha, yic xyiln sb'a eb' 'a eb', 'ix yaln eb' filisteo chi 'ixtic: 'Iltec, yaj eb' hebreo 'a cha, wan laj yeltoc eb' 'a yol sjul 'aj sc'ub'jnac 'el sb'a, xchi eb'.

A Ch'an̈ B'ab'el Libro Samuel 4:6

A yic xyab'n eb' filisteo chi jun tzo'n̈ 'aw yic tzaljc'ojlal cha, 'ix laj yalnc eb' 'a junjn 'ixtic: ¿Tas laj wal yuj 'ay jun tzo'n̈ 'aw chi 'a scamplamento ewin hebreo cha? xchi eb'. Ax xyab'n eb' to a te scaxail strato Jehová xc'och 'a camplamento cha,

A Ch'an̈ B'ab'el Libro Samuel 4:9

Caw te'n tzcutjec qui b'a an̈ soldado filisteo on̈ tic yic tzon̈ 'ochc 'a owl yet' eb' hebreo cha, sec matz on̈ 'ochc can schecb'oc eb', 'icha x'aj eb' cujec, xchi eb'.