Jeremías 34:13 - Chuj San Sebastian Bible

¹³ An Jehová in, e Diosal in, in b'ojnac jun in trato yet' eb' e mam eyicham, yic 'ix wi'n 'elt eb' 'a Egipto, atn 'a 'aj 'aych eb' mosoal, 'aj man̈ yico'oc sb'a eb'. A yic cha, 'ix wala,

Chuj San Mateo Bible

¹³ A in Jehová e Diosal in, vac'naccan jun in trato yed' eb' e mam eyicham ayic vic'annaquelta eb' d'a Egipto, b'aj ayoch eb' checab'oc. Valnac d'a eb' d'a yictax chi'

Jeremías 34:13 Iomraidhean Croise

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 24:3

Xlajw cha, 'ix pax 'emt Moisés 'a lum jolm witz cha, 'ix yaln 'a eb' 'anma yuj smasnil checnb'il 'ix yal Jehová. 'Ix ta'w smasnil eb' 'anma chi 'ixtic: —Smasnil tas 'ix yal Jehová, 'oj qui yiclc on̈, xchi eb'.

Jeremías 11:4

Atn jun in trato in b'ojnac yet' eb' e mam eyicham, yic 'ix wi'n 'elt eb' 'a Egipto. A jun nacion̈ cha, lajn yaj 'a eb' 'icha junc jorna 'aj tzn̈usx 'elt q'uen hierro. 'Ix waln 'a eb' 'ixtic: Yicljec 'ayin, b'oc smasnil tas tzwal 'ayex. To 'ixta', 'oj eyoch in chon̈b'oc, an xo, 'oj woch e Diosaloc, xin chi 'a eb'.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 34:12

Yuj cha, xyaln Jehová 'ayn 'ixtic:

Jeremías 7:22

A yic 'ix wi'n 'elt eb' e mam eyichm 'a Egipto, may tas xwal 'a eb' yuj xajmb'al, yet' yuj ofrenda.

Dt 13:10

A jun 'ixta snab'en cha, julc cham yet' q'uen q'ue'en, yujto tznib'j tzex yij 'el 'a stz'ey Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 16:12

Nac coti chajtlto 'e'nc on̈c mosoal 'a eb' 'aj Egipto. Yuj cha, yowlal tze b'eylb'ej pax jun tzo'n̈ ley tic.

Dt 24:18

Man̈ eyac' sat 'a e c'ojol, yujto an̈ec tic, on̈ 'e'c mosoal 'a Egipto, ax Jehová Dios a on̈ 'i'nec 'elta, yuj cha, tzwaln can 'ayex, to tzeyiclj smasnil jun tzo'n̈ tic.

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Dt 5:27

Wach' tzach 'at ach tic Moisés, 'at 'ab'i tas tzyal Jehová qui Diosalec cha. Ax yic tzach japxi, tzaln cab' on̈ tas tzyal Jehová chi 'ayach. An̈ xo tic qui masnil on̈, 'oj qui yiclc tas tzyal 'aych cha, xchi eb' 'ayin.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 7:8

Yujto 'ay schamc'ojlal Jehová 'ayn̈ec, yuj cha, on̈ yi'n 'elt 'a Egipto 'a 'aj 'ayn̈ec 'och mosoal. Yet' wal spoder on̈ yi'n 'elt 'a yol sc'ab' win rey cha, sec tzyac' 'el'choc tas alb'il can yuj 'a eb' qui mam quichmec 'a pecti'.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

Josué 24:17

Yujto a Jehová qui Diosalec, a 'on̈ 'i'nec 'elt yet' eb' qui mam quichmec 'a Egipto, 'a 'aj on̈ 'e'c mosoal. A b'ojnac jun tzo'n̈ tas caw satjub'tac yilx quiljnaquec. A 'on̈ tan̈wniec 'a yol jun tzo'n̈ b'e 'aj xlaj on̈ b'eyec, yet' 'a yic on̈ 'e'tec 'a scal jun tzo'n̈ xo chon̈ab'.

Jueces 6:8

ax Jehová a 'ix 'a'n cot jun schecb' 'a eb' israel cha, xyaln 'a eb' 'ixtic: 'Ixtc wal yaln Jehová qui Diosalec: An ex wij 'elt 'a Egipto, 'a 'aj 'ayx 'och mosoal, 'aj man̈ eyico'oc e b'a.