Jeremías 34:10 - Chuj San Sebastian Bible

¹⁰ Smasnil eb' yajal yet' smasnil eb' chon̈ab', 'ix schaj sc'ojl eb' jun trato cha. 'Ixta 'ix yutj eb' ya'n 'el eb' smoso chi 'a libre. Man̈x 'ic 'ajx pural eb' moso chi smunlj 'a eb'.

Chuj San Mateo Bible

¹⁰ Masanil eb' yajal yed' masanil eb' anima, ix scha sc'ol jun trato chi' eb'. Icha chi' ix aj yac'anel eb' schecab'vum eb' chi' d'a libre. Man̈xa junoc eb' tz'ac'ji pural yac'an servil junocxo yetchon̈ab'.

Jeremías 34:10 Iomraidhean Croise

Ex 21:2

Toto 'ay junc win eyit chon̈b' tze mana, yic tz'och e mosooc, cojn waque ab'il tzmunlj 'ayex, ax 'a yucl ab'il tzyica'an sb'a, may tas tztojo yic tzyica'an pax sb'a cha.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Jeremías 26:10

A yic 'ix yab'n eb' yajl yaj 'a chon̈b' Judá yuj tas 'ix uji, 'ix cot eb' 'a sdespacho win rey, 'ix 'at eb' 'a yatut Dios. A 'a jun puerta 'a'to, ata x'em wocn eb'.

Jeremías 26:16

Yuj cha, 'ix yaln eb' yajl cha, yet' eb' chon̈b' chi 'a eb' ya'mal 'och sti eb' 'anma 'a Dios, yet' 'a eb' tzyalch sb'a schecb'oc Dios: Man̈ smojc tzcham jun winc tic, yujto a 'a sb'i Jehová qui Diosalec 'ix paxtin 'ayn̈ec, xchi eb'.

Jeremías 34:11

Xlajw cha, 'ix snan pax sb'a sc'ojl eb' yajl cha, yujto 'ix ya'l ewin eb' smoso chi 'a libre. Yuj cha, 'ix ya'n pural eb' smunlj pax eb' smoso chi 'a jun 'ejm xo.

Jeremías 36:12

Yuj cha, 'ix 'at 'a 'aj 'ay sdespacho win rey 'a scuarto win 'ajtz'ib', atn 'a 'aj yamn yaj eb' caw niwc yel'ch yopiso: atn Elisama, win 'ajtz'ib', Delaía yunnal Semaías; Elnatán yunnal Acbor; Gemarías yunnal Safán; Sedequías yunnal Hananías, yet' jun tzo'n̈ xo ewin 'aych yopiso.

Jeremías 38:4

Yuj cha, 'ix yaln eb' yajl chi 'a win rey chi 'ixtic: —Mil cham jun winc tic, yujto tzjaw schab'c'ojlal eb' soldado 'ayt 'ec' 'a yol chon̈b' tic yuj spaxti win tzyala, tzya'n pax win somchjoc snab'en smasnil eb' 'anma'. A wal jun winc tic, caw man̈oc swach'l eb' quit chon̈b' tzsaya, palta to tzjuw 'el snab'en eb' yu'uj, xchi eb'.

Lv 25:10

Ax 'a ab'il cincuenta, ata tzeyala, to niwn yel'ch jun ab'il cha, yujto ata tz'el smasnil tas 'a libre. Ata tz'el eb' 'anma 'a libre eb' schon̈jnac 'och sb'a mosoal, sec tztac' spax eb' 'a scal eb' yican 'a yol schon̈ab'. An̈jtona eb' schon̈jnac 'el slu'um, ata tztac' smeltzj can pax lum yico'oc eb'.

Mr 6:20

yujto yojc xon win Herodes cha, to tojl snab'en Juan, caw yic xon Dios yaji. Yuj cha, xiw winac, 'ix ya'n win tan̈wxoc sec matz cham yuj 'ix Herodías cha. 'Ay 'aj tzyal Juan 'ab'x 'a win Herodes cha, wach'xam ma'ix nachj 'el wal yuj win si'mb'il, palta caw stzalj win yab'n 'a 'a.