Jeremías 34:1 - Chuj San Sebastian Bible

¹ A Nabucodonosor sreyl Babilonia, 'ix cot yet' smasnil eb' soldado, yet' eb' cotnc 'a smasnil nacion̈ 'aych 'a yaln̈ schecnb'il winac. 'Ix wul ya'nc eb' owl 'a Jerusalén yet' 'a jun tzo'n̈ xo eb' chon̈b' 'ayc' 'a sla'nil. A yic cha, 'ix yaln Jehová 'ayn an Jeremías in tic 'ixtic:

Chuj San Mateo Bible

¹ Ayic van yac'an oval vin̈aj Nabucodonosor sreyal Babilonia d'a Jerusalén yed' d'a juntzan̈xo chon̈ab' ay d'a slac'anil, yed'nac masanil eb' soldado vin̈ yed' masanil juntzan̈ nación aycan d'a yalan̈ smandar vin̈, ata' ix lolon Jehová d'ayin Jeremías in tic, ix yalan icha tic:

Jeremías 34:1 Iomraidhean Croise

Jeremías 1:15

An Jehová in, an tzwal 'ayach, 'oj wawtc cot smasnil eb' nacion̈ 'ay 'a stojlal norte, ax sjaw jun tzo'n̈ sreyl eb' 'a tic, ax sb'on chan̈ junjn eb' sdespacho 'a sti spuertail chon̈b' Jerusalén tic, 'oj 'och oyn eb' 'a spatquil 'el smuroal jun chon̈b' tic, yet' pax 'a smasnil chon̈b' 'ay 'a yol yic Judá.

Jeremías 32:1

A 'a yol yic slajn̈il ab'il xo yoch Sedequías reyl 'a chon̈b' Judá, ata 'ix paxtin Jehová 'ayn an Jeremías in tic, atn 'a yic swajxclan̈il xo ab'il yoch Nabucodonosor reyl 'a Babilonia.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Jeremías 34:7

Ya' sb'a cha, a eb' soldado yic Babilonia, 'ayx 'och eb' yac' owl 'a Jerusalén, 'a Laquis yet' 'a Azeca, wan ya'n eb' yip yoch 'a smuroal jun tzo'n̈ chon̈b' tic. A 'a yol yic Judá, cojxn 'oxe chon̈b' tic mantzac 'ejm yuj eb'.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Dn 4:22

A mach tzch'ox jun te cha, ach ton mamin rey, caw 'ix ach q'uib' yet' a b'inab'ilal. 'Ix 'och ep, masnto 'ix q'ue'ch a b'inax 'a satcha'an̈. 'Ix c'och a'n yajlil 'a 'aj tzlajw c'och lum lum tic.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.