Jeremías 33:2 - Chuj San Sebastian Bible

² An Jehová in, an xin b'o yolyib'n̈q'uinl tic, xin tojlb'tzan can 'a yet'ul, an tzwal 'ayach:

Chuj San Mateo Bible

² A in Jehová in in b'onaquem yolyib'an̈q'uinal tic. Vach' vutejnaccan luum d'a yed'tal, a in sval d'ayach icha tic:

Jeremías 33:2 Iomraidhean Croise

Salmos 102:16

A yic 'oj a b'onc pax chan̈ Sión jun 'ejm xo, 'oj a ch'ox a b'a yet' a tzictznial.

Salmos 87:5

'Ixtc wal 'oj 'aj yalx yuj chon̈b' Sión: A jun tic yet' junx chon̈b' cha, ata 'elncta eb' 'a Sión, 'oj schic eb'. Ax Dios yel xo wal niwn yel'chi, a 'oj wach' b'onc jun chon̈b' tic.

Ex 15:3

A Jehová caw jeln 'a owal; Jehová ton wal sb'i.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 42:8

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Is 43:21

B'ob'ilx wu'uj, yic tzeyaln wach' paxti 'ayin.

Is 62:7

May cab' 'iljelal eyu'uj masnto tzb'ox chan̈ chon̈b' Jerusalén jun 'ejm xo, ax smasnil 'anma 'a yolyib'n̈q'uinl tic, 'oj yal eb' wach' paxti yu'uj.

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Jeremías 16:21

'Ix yaln Jehová 'ixtic: Yuj cha, jun 'ejmn̈ej 'oj wac' yojcoc 'el eb' in poder. 'Ixta 'oj 'aj snachj 'el yuj eb', to an ton Jehová in, xchi Dios.

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.

Jeremías 51:19

Caw wal chuc yel sDiosal Jacob, a xb'on smasnil tas. A si'jnac 'el Israel yic tz'och schon̈b'oc. A Jehová tztac' yuj smasnil, 'ixtnta ton sb'i.

Am 5:8

Meltzjan̈c 'a Jehová, atn jun b'ojnac jun tzo'n̈ c'anal tzcuch mo'otz, yet' pax jun tzo'n̈ tzcuch ucwan̈. A tz'a'n 'och q'uic'q'uinl 'a sacq'uinlal, a tz'a'n 'och pax sacq'uinl 'a q'uic'q'uinlal. A tz'i'n cot a a 'a a mar, tzlajw cha, tzsecn 'ejm a 'a sat lum lum tic. A tz'a'n lajwc 'el eb' soldado caw wal cob' 'ay yip, tzlajw can 'ejm scuartel eb'. Jehová ton wal sb'i.

Am 9:6

A Jehová xb'on satcha'an̈, a x'a'n 'ec' jen̈n 'a yib'n̈ lum lum tic. A tz'awtn cot eb' a cotc a 'a a mar, tzya'n 'ejm secnjoc a 'a yib'n̈ lum lum tic. Jehová ton wal sb'i.

A Ch'an̈ Carta D'a Eb' Hebreo 11:10

A Abraham cha, stan̈wjnac junx chon̈b' 'ay 'ejm yipnub'al yich, atn jun 'ayc' 'a jun 'ejmn̈ej. A Dios, a najnac cani, chajtl 'ajnc sb'o jun chon̈b' cha, yujto a b'ojnac paxi.

A Ch'an̈ Carta D'a Eb' Hebreo 11:16

Palta snib'jnac eb' junx schon̈b' caw wach', atn jun chon̈b' 'ay 'a satcha'an̈. Yuj cha, a Dios, matz q'uixwi, yic tzyaln eb' sDiosaloc, yujto tox xyac' lista jun chon̈b' chi yico'oc eb'.

Apoc 21:10

Xlajw cha, 'ix ch'oxn Yespíritu Dios jun chi 'ayn 'a 'icha waychil. Ax jun ángel cha, in yi'n 'at 'a sjolm jun niwquil tzalan, caw chan̈ yajq'ue'i. Ata xch'ox wil jun niwquil chon̈b' Jerusalén, atn jun yic Dios, 'ix 'emt 'a satcha'an̈, jun 'ix 'elt 'a yojltac Dios.

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.