Jeremías 33:11 - Chuj San Sebastian Bible

¹¹ Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Jeremías 33:11 Iomraidhean Croise

1 Cr 16:34

Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

1 Cr 16:8

Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.

2 Cr 20:21

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

2 Cr 29:31

Xlajw cha, xyaln Ezequías 'ixtc 'a eb' chon̈ab': A ticnec tox xe sacb'tzej e b'a 'a yojltac Jehová. Yuj cha, cotn̈ec, 'ijec cot e xajmb'al yet' e yofrenda 'a yatut Jehová, yuj eyaln yuj diosal 'a 'a, xchi 'a eb'. Xlajw cha, xyi'n cot smasnil eb' chon̈b' xajmb'al, yet' yofrenda yuj yaln eb' yuj diosal 'a Dios. Ax smasnil eb' to tz'el wal 'a sc'ojl ya'n yico', 'ix yac' eb' no xajmb'al to tz'a smasnil.

2 Cr 5:13

Xlajw cha, junn̈j xyutj eb' yutz'n strompeta cha, junn̈j xyutj eb' sjaj sb'itni, junn̈j xyutj pax eb' yaln wach' paxti', yuj yaln eb' yuj diosal 'a Jehová. 'Ix 'utz'x trompeta, 'ix yucx platillo, yet' jun tzo'n̈ xo yamc'ab', yic tz'och b'it 'a Dios. Ya' sb'a wan sb'itn eb', 'ix yaln eb' 'ixtic: Calc wach' paxti 'a Jehová, yujto yel xo wach' snab'en, yujto 'ay schamc'ojlal 'a jun 'ejmn̈ej, xchi eb' 'a sb'it. A 'a yic jun rato cha, 'ix macchj 'el yol yatut Jehová chi yuj jun 'asun.

2 Cr 7:3

A wal yic 'ix yiln smasnil eb' israel yeml jun c'ac' yet' stzictznil Jehová 'a yib'n̈ jun n̈a cha, 'ix 'em cumn eb', squiln 'ejm eb' snan̈l sat 'a sat lum yaln sb'a, yuj yaln eb' yuj diosal 'a Jehová, tzyaln eb' 'ixtic: Caw wach' snab'en, a schamc'ojlal may b'a'n̈ 'ay slajub', xchi eb'.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Nehemías 12:43

A wal yic jun c'ul cha, man̈x jantcoc xajmb'al x'ajxi. Ax eb' 'anma cha, caw 'ix tzalj chan̈ eb', yujto a Dios x'a'n jun niwquil tzaljc'ojlal chi 'a eb'. An̈jtona', caw 'ix tzalj pax eb' 'ix 'ix yet' eb' 'unin. A jun tzaljc'ojlal 'ix uj 'a Jerusalén cha, caw 'ix 'ab'x 'a najat.

Nehemías 8:12

Xlajw cha, x'at smasnil eb' chon̈b' wa'oc, xyu'n eb' tas xyuq'uej, ax eb' may yico', xya'n eb' yic eb'. 'Ix wa eb' 'a tzaljc'ojlal, yujto 'ix nachj 'el yuj eb' tas 'ix 'ajx scuy eb' cha.

Salmos 106:1

¡Alx cab' wach' paxti 'a Jehová! Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

Salmos 107:1

Calc wach' paxti 'a Jehová, yujto caw wach' snab'en, a schamc'ojlal may b'a'n̈ 'ay slajub'.

Salmos 107:22

Calc qui wach' paxti 'a 'a. A jun cha, 'icha to qui xajmb'al tz'aji, yet' qui tzaljc'ojlal tzcalnec 'el yab'xil tas sb'ojnac.

Salmos 116:17

'Oj wac' in xajmb'al 'a Jehová yic alj yuj diosal, yic tzwaln in b'a 'a 'a.

Salmos 147:13

Yujto a x'a'n 'och yip yijl spuertail qui chon̈b'ec, xya'n pax syaxilal 'a yib'n̈ eb' cunnalec 'a yol qui chon̈b'ec tic.

Salmos 85:7

Mamin Jehová, ch'ox wal a chamc'ojlal 'ayn̈ on̈, tzon̈ a coln pax 'eli.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 52:8

'Ab'ec, a eb' stan̈mal chon̈ab', caw wal checl yel yaw eb'. Junlajn yel yaw eb' smasnil yuj tzaljc'ojlal, yujto caw wal tzyil eb' tas tz'aj smeltzj paxt Jehová 'a lum tzaln Sión.

Is 52:9

Ex 'aj Jerusalén to lan̈chjnac can 'ejm e chon̈ab', 'el cab' eyaw e b'itn yuj tzaljc'ojlal, yujto a Jehová 'ix 'o'ch sc'ojl 'a schon̈b' tic, yuj cha, ex colx 'elt yu'uj.

Jeremías 16:9

Yujto an Jehová in, tztac' wuj smasnil, e Diosal in, an tzwala: An 'oj wac' lajwc jun tzo'n̈ b'it yic tzaljc'ojlal tz'och 'a yic q'uin̈al, yet' jun tzo'n̈ b'it yic nupnel. A jun tic, 'oj ujc 'a yol e tiempoal tic, caw ax 'oj eyila'.

Jeremías 17:26

'Oj cot eb' 'anma cajn 'a jun tzo'n̈ chon̈b' 'ay 'a yol yic Judá, atn eb' 'ay 'a spatquil 'el chon̈b' Jerusalén tic, yet' eb' cajn 'a lum slum Benjamín, eb' 'ay 'a lum pan̈n 'a'lic, eb' 'ay 'a lum jolmctac witz, yet' eb' 'ay 'a lum Négueb. 'Oj yi' cot eb' no noc' tz'ajx tz'a xajmb'alil, yet' jun tzo'n̈ xo xajmb'al, 'oj yi' cot eb' 'ixm trigo tz'ajx ofrendail, incienso, yet' ofrenda yuj yalx yuj diosal 'ayin.

Jeremías 25:10

A wal 'oj wutoc, man̈x 'a 'aj 'oj 'ab'xoc yoch b'it yic q'uin̈ yuj tzaljc'ojlal, yet' b'it yic nupnel. Man̈x 'a 'aj 'oj 'ab'xoc sc'an̈ q'uen cha', man̈x 'a 'aj pax 'oj 'ilxoc yoc cantil.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 30:19

Ata 'oj q'ue eyaw e b'itni, 'oj e tzewj 'a tzaljc'ojlal. Man̈x 'oj 'emtoc e b'isul, an 'oj wac' niwtjoc e b'isl cha. Man̈x 'oj e patquilx 'eli, palta to caw niwn 'oj eyaj 'el'ch wu'uj.

Jeremías 30:3

Yujto 'ay jun c'u 'oj jawoc, 'oj in jel tas 'aych 'a yib'n̈ in chon̈b' Israel yet' 'a Judá. An Jehová in, an tzwala to 'oj wi'x meltzjoc eb' chon̈b' 'a lum lum wa'jnac yico'oc eb' e mam e yicham, xchi Dios.

Jeremías 32:44

A yic 'oj smannc eb', ax sb'on can eb' yun̈al, 'oj ya'cn 'och eb' seyo, yet' pax sfirma eb' testigo 'a 'a. 'Ixta wal 'oj ujc 'a yol yic lum slum Benjamín, yet' pax 'a jun tzo'n̈ aldea 'ay 'a spatquil 'el Jerusalén, yet' pax 'a jun tzo'n̈ xo chon̈b' 'ay 'a yol yic Judá 'a lum jolmctac witz, yet' 'a lum niwc pan̈n 'a'lic, yet' 'a yol yic Négueb. An Jehová in, an tzwala, to 'oj wi'x q'ue'ch eb' in chon̈b' tic jun 'ejm xo, xchi Dios.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Jeremías 7:34

'Oj wac' sat chan̈ eb' 'anma 'a yoltc chon̈b' Judá. Ax 'a yoltc scayeal Jerusalén, man̈x 'a b'it yic q'uin̈ 'oj 'ochoc, man̈x 'a tzaljc'ojlal. Man̈x 'a pax b'it yic nupnel 'oj 'ochoc, 'icha wal lum cusltac lu'um, 'ixta 'oj 'ajcn jun chon̈b' tic, xchi Dios.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.

Jonás 2:9

Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Sofonías 3:14

B'itnan̈c ex 'aj chon̈b' Sión, q'ue cab' eyaw e b'itn ex israel. Tzaljan̈c ex 'aj Jerusalén, caw tzaljan̈c wal si'mb'il.

Zacarías 10:7

A eb' 'aj Israel, caw te'n 'oj 'aj eb' 'icha soldado, 'oj tzaljoc chan̈ eb' 'icha eb' tzalj yu'n yal uva jawnc sti'. A yic 'oj yilnc yunnal eb' jun tic, 'oj tzaljc pax eb'. Caw 'oj tzaljc sc'ojl eb' yuj in colwal.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Jn 3:29

Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

A Ch'an̈ Carta D'a Eb' Hebreo 13:15

Yuj cha, smasnil tiempo yowlal tzcalc wach' paxti 'a Dios yuj Jesucristo. A yet' qui ti', tzcalc swach'l Dios. A jun tzcalc tic, atn jun qui xajmb'al tzca'c 'a 'a.

Apoc 18:23

Man̈x 'a junc cantil 'oj yac' sacq'uinl ta', man̈x 'a b'a'n̈ 'oj 'ab'xoc yel 'aw yuj junc q'uin̈ nupnel. 'Ixta 'oj 'aj jun chon̈b' cha, yujto a eb' chon̈wjum 'ayc' ta', yel xo niwn yel'ch eb' 'a yib'n̈ smasnil eb' 'anma 'a yolyib'n̈q'uinal. An̈jtona', c'uxn xlaj 'ixtx paxti eb' 'anma 'a junjn nacion̈ yuj yajchumal, yet' ya'm 'esal jun chon̈b' cha, xchi jun ángel cha.