Jeremías 32:9 - Chuj San Sebastian Bible

⁹ 'Ix in mann jun lum chi 'a win wican Hanamel cha, 'ix wa'n uclajn̈e q'uen tumn plata stojloc lu'um.

Chuj San Mateo Bible

⁹ Ix in manan lum d'a vin̈aj Hanamel chi', ix vac'an 17 q'uen plata stojoloc luum.

Jeremías 32:9 Iomraidhean Croise

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Gn 37:28

Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

A Ch'an̈ B'ab'el Libro Yic Yab'ixal Eb' Rey 20:39

Ax yic x'ec' win rey cha, caw 'ip 'ix 'awj 'a winac, xyaln 'ixtic: —An a checb' in tic, in c'och 'a scal owal, at wal cha, 'ix jaw jun win soldado 'ayn yet' jun win winac, xyaln win soldado chi 'ixtc 'ayin: Tza tan̈wj jun winc tic, toto tz'at win 'elc 'ayach, ach xo 'oj a tup lajwc smul winac, mto tzac' 'oxe'oc mil q'uen tumn plata yuj winac, xchi win soldado chi 'ayin.

Nehemías 5:15

Palta 'icha eb' gobernador 'e'nc 'a yaln̈taxi, caw wal 'icha 'ictz yaj eb' 'a eb' chon̈ab', junjn c'u tzya'n eb' 40 q'uen tumn plata yuj tas tzc'ux eb', yet' yuj yal uva tzyu'j eb'. An̈jtona', caw wal tz'ixtx eb' chon̈b' yuj eb' schecb' eb'. Palta an xo tic, man̈ 'ixta'oc tzwutej, yujto caw niwn yel'ch Dios 'a in sat.

Ester 3:9

Yuj cha, toto tzchaj a c'ojl mamin rey, 'a'l junc ley sec tzyab' smasnil chon̈ab' chajtlto 'oj lajwc 'el eb' smasnil. Toto chaj a c'ojl tzsatl eb' smasnil, an xo an tic 'oj wac' junc nan̈l swajxquil mil quintal q'uen tumn plata 'a win tzmoln 'a tumn mamin rey, yic tz'och q'uen eco'oc, xchi winac.

Ex 21:32

Toto a junc win smoso, mto junc 'ix ya'mal servil junc mach tztecx cham yuj no wacax, yowlal tz'ajx lajn̈schawinc q'uen tumn plata 'a jun spatron̈ jun moso cha, lajchwe onza yalil, tzlajw cha, tzjulx can cham pax no wacx cha.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Ez 4:10

Yechl tzotj tas tza c'ux 'a junjn c'u, tzechtej mel-loc libra tas tza c'ux 'a junjn c'u, checln̈ej pax yorail 'aj tzach wa'i.

Os 3:2

Yuj cha, xin cha mann pax 'ix wistzilc jun 'ejm xo, olajn̈e q'uen tumn plata xwac' stojloc 'ix, yet' chan̈e quintal 'ixm cebada.