Jeremías 31:2 - Chuj San Sebastian Bible

² A eb' 'anma 'ix 'at 'elc 'a yol sc'ab' chamel, ata schaj eb' in wach'c'ojlal 'a lum cusltac lu'um, yic wan sayn 'ec' eb' 'aj wach' tz'ilji.

Chuj San Mateo Bible

² A eb' israel ix elcan d'a yol sc'ab' chamel, ix scha in vach'c'olal eb' d'a tz'inan luum, ayic van sayanec' eb' b'aj syic' yip.

Jeremías 31:2 Iomraidhean Croise

Salmos 78:52

Ax eb' qui mam quichmec, 'ix 'ijx b'ey eb' yuj Dios 'a cusltac lu'um. 'Icha wal tzyutj junc 'ilm calnelu yi'n b'ey nan̈loc no calnelu 'a yol b'e, 'ixta xyutj eb'.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

Ex 1:16

—A yic tzeyiln yalj yune eb' 'ix israel cha, cojn yic tz'alj junc 'unn chi muc'uc, tze sayn eyila'; toto 'ix 'unin, q'uib' cab'i', palta toto winc 'unin, tze mil chamoc, xchi win rey cha.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Ex 12:37

'Ix 'el eb' israel 'a Ramesés, 'ix jaw eb' 'a Sucot. 'Aym waque'oc ciente mil eb' winc smoj yoch soldadoil, matz 'och eb' 'ix yet' eb' 'unn sb'isloc.

Ex 2:23

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb',

Ex 33:14

—An wal 'oj in 'at eyet'oc, ax e can 'a junc'ojlal 'a sat lum lum cha, xchi Dios 'a Moisés.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Ez 20:35

'Oj ex wic' 'elt 'a jun tzo'n̈ chon̈b' cha, ax ex wi'n 'at 'a junc cusltac lu'um.

Os 11:4

Xin quetz cot eb' 'ayn 'a chamc'ojlal, 'icha squetzx junc no quelm wacax. Lajn in 'icha junc mach tz'i'n 'el te yugo 'a sjolm junc no wacax, wach' tzyutj ya'n tas tzc'ux no', 'ixta 'ix wutj in b'a 'a eb'.

Nm 10:33

Xlajw cha, 'ix 'el paxt eb' 'a lum Sinaí, atn lum witz 'aj 'ix sch'ox sb'a Jehová, 'oxe c'u 'ix b'ey eb'. B'ab'l scot te scaxail strato Jehová yuj eb', yic sch'oxn junc lugar 'aj wach' yilj eb'.

Nm 14:20

'Ix ta'w Jehová 'a Moisés 'ixtic: —'Oj wac' niwnc'ojlal 'a eb' israel 'icha wal tzotj a c'ann 'ayn tic, palta 'oj wac' xon syailal eb'.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 1:33

A Dios b'ab'l scot cujec, yic sayn 'aj wach' on̈ 'ochcwa'an. A 'a 'ac'wal, a jun c'ac' tzon̈ 'i'nec b'eyoc, ax 'a c'ual, a jun 'asn tzon̈ 'i'nec pax b'eyoc, xchi Moisés.

Dt 12:9

Wal yel, mantzac ex c'och 'a jun lugar 'aj man̈x 'a tas 'oj e na', atn jun 'oj yac' Jehová eyico'oc.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Josué 1:13

—Nac cot tas yaljnac can Moisés 'ayex, atn win schecb' Dios yic yaln can 'ixtic: A Jehová qui Diosalec, a x'a'n jun lum tic 'ayex, sec wach' ata 'oj e can cajan, xchi.