Jeremías 30:8 - Chuj San Sebastian Bible

⁸ An Jehová in, tztac' wuj smasnil, an tzwala: Caw 'oj in col 'elt eb' in chon̈b' 'a 'aj 'aych mosoal. Man̈x 'oj 'och eb' mosoal 'a eb' chuc chon̈b'al jun 'ejm xo.

Chuj San Mateo Bible

⁸ A in Jehová Yajal in d'a Smasanil sval icha tic: Ol viq'uel te' yugo ayoch d'a sjaj eb' in chon̈ab', aton b'aj ayoch eb' checab'vumal. Man̈xa b'aq'uin̈ ol och eb' checab'vumal d'a eb' ch'oc chon̈ab'il.

Jeremías 30:8 Iomraidhean Croise

Salmos 107:14

'Ix yi'n 'elt eb' 'a scal q'uic'q'uinal, 'a 'aj 'ay yet'l chamel, sn̈i'chtan 'el q'uen cadena chi 'a eb'.

Is 10:27

A 'a jun tiempoal cha, atta 'oj yi'l jun eyictz 'aych 'a eyib'n̈ yuj eb'. 'Icha tz'aj yijx 'el te yugo 'ay q'ue 'a scal sch'ac junc wacax, c'un xoj yeli, yujto wan xo laj sc'a'i, 'ixta jun eyic cha.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 14:25

'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.

Is 14:3

Ex israel, a yic 'oj e colchj 'el yuj Jehová 'a scal e cusc'ojlal 'a 'aj 'ayx 'och mosoal,

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Jeremías 25:14

'Oj wa'ch eb' 'a yol sc'ab' jun tzo'n̈ niwc nacion̈, yet' 'a yol sc'ab' jun tzo'n̈ niwc yajl to caw 'ay xo smay sb'inaxi. 'Ixta wal 'oj yutc eb' schan spac, atn tas smoj schan eb' yuj tas tz'el sb'oni, xchi Dios 'ayin.

Jeremías 27:2

'Ix yaln 'ixtic: B'o jaye'oc lasu yet' junc te yugo, tzlajw cha, tza'n 'och 'a a jaj.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 28:10

Xlajw cha, xyi'n 'el Hananías chi jun te yugo 'aych 'a in jaj an Jeremías in, 'ix sma'n wecchjoc.

Jeremías 28:13

'Ixic, 'at al 'a Hananías, chajtlto an Jehová in, an tzwala: Stac' a ma'n wecchjoc te yugo, palta ax jun yugo to nab'a hierro a 'oj wa'xcan sjelc te'.

Jeremías 28:4

An Jehová in, an tzwala, to 'oj wi'x meltzjoc Jeconías yunnal Joacim sreyl Judá, yet' smasnil eb' 'anma 'ijxnac 'at 'icha presoal 'a Babilonia cha. Yowlal 'oj wi'x can 'el yopiso win sreyl Babilonia 'a eyib'an̈, xchi Dios, xchi Hananías.

Ez 30:18

A yic 'oj in satnc 'el Egipto yet' sjelnal, atn b'an̈quintaquil, 'oj 'och q'uic'q'uinl 'a c'u, ax stup yoc c'u 'a chon̈b' Tafnes, 'oj q'uic'b'oc 'el smasnil yol yic Egipto yuj jun 'asn 'oj 'och 'a yib'an̈, ax yijx 'at smasnil 'anma 'icha presoal yuj eb' 'ajc'ojl cha.

Ez 34:27

'Oj ya'x te 'awb'ente sat, til wal sb'al lum lum chi 'oj yac'a', caw junc'ojlal 'oj can eb' 'anma chi 'a sat lu'um. A yic 'oj in coln 'elt eb' 'a yol sc'ab' eb' 'aj 'aych mosoal cha, 'aj to man̈ yico'oc sb'a eb', ax yojcan 'el eb' to an Jehová in, an tzin col eb'.

Nahúm 1:13

'Oj ex in col 'elt 'a yol sc'ab' eb' asirio, ax in n̈i'chtan q'uen cadena 'aych 'ayx yuj eb', xchi Dios.