Jeremías 30:5 - Chuj San Sebastian Bible

⁵ 'Ix yaln 'ixtic: Caw tz'ab'x yel 'aw yuj xiwc'ojlal, man̈x 'a jac tzaljc'ojlal.

Chuj San Mateo Bible

⁵ Ix yalan icha tic: Tz'ab'chaj val yel av yuj xivc'olal, man̈xalaj tzalajc'olal.

Jeremías 30:5 Iomraidhean Croise

Is 5:30

A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 25:36

'Ab'c wal sc'acw eb' yilmal chon̈ab', 'ab'c yel yaw eb' yuj yailal, yujto tox 'ix lajw 'el schon̈b' eb' yuj Jehová.

Jeremías 30:4

Atn wal spaxti Jehová tic 'ix yal 'a yib'n̈ chon̈b' Israel yet' 'a Judá.

Jeremías 46:5

¡Tas jun wan yuj tic! A tzwila to a eb' soldado win Necao wan laj smeltzj eb' 'a spatc yuj xiwc'ojlal. A wal eb' 'a'm owl cob' cha, caw sactzicnac s'at eb' 'eloc. Man̈xtzac yil't eb' jac 'a spatic.

Jeremías 6:22

'Ix yaln Jehová 'ixtic: A wal 'a caw snajtil lum lum 'ay 'a stojlal norte, ata 'ay jun niwquil nacion̈ caw jelan, wan ya'n lista sb'a scoti.

Jeremías 6:26

Ex wit chon̈ab', 'a'c 'och te pichl n̈achtac sat yuj e ch'oxn 'el e cusc'ojlal. 'E'n̈ec b'alb'noc 'a scal stan̈il c'ac', 'ochn̈ec 'a niwquil cusc'ojlal, 'o'n̈ec wal si'mb'il, 'icha yic tzcham junc eyunnal to jun c'otn̈ wali, yujto a jun mach 'oj qui satnec 'eli, caw jab'xoj sjaw 'ayn̈ec.

Jeremías 8:16

¡Wan sjaw eb' 'ajc'ojl 'ayn̈ec! ¡Checl xo sjormj yol sn̈i schej eb' 'a chon̈b' Dan! A yic tz'oc' no', caw tz'ib'x lum lum tic yuj no'. Caw tzjaw eb' wul satl jun qui nacion̈ec tic yet' smasnil tas 'ay 'a 'a, yet' jun qui chon̈b'ec tic, yet' pax qui masnil an̈ cajn on̈c 'a 'a, 'oj xchic eb'.

Jeremías 8:19

Caw wal tz'ab'x yel yaw eb' wit chon̈b' 'a smasnil yol qui nacion̈ tic. ¿Tom man̈x 'ayc 'ec' Jehová 'a Sión? ¿Tom man̈x 'ayc 'ec' qui Reyl ta'? xchi eb'. 'Ix ta'w Jehová 'a eb' 'ixtic: ¿Tas yuj xe tzuntzj cot yowl in c'ojol, yic xeyaln e b'a 'a jun tzo'n̈ yechel, atn jun tzo'n̈ comn dios may jac yel'chi, chuc 'aj cotnac? xchi 'a eb'.

Jeremías 9:19

A 'a chon̈b' Sión, caw tz'ab'x yoch 'oc'l yuj cusc'ojlal, yal cab' eb' 'ixtic: Caw wal 'oltacn̈ec, tox on̈ lajwec 'eli, caw wal tzcab'c syal q'uixwc'ojlal. A ticnec yowlal 'oj cactquec can jun qui chon̈b'ec tic, yujto tox 'ix lajw slan̈chj 'ejm catutec, xchi cab' eb' tz'oc' cha, xchi Jehová.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Habacuc 1:10

Ton̈j tzb'uchwj eb' 'a eb' rey yet' 'a eb' 'anma to niwn yel'ch yalni. Ton̈j tzewj eb' yuj jun tzo'n̈ chon̈b' 'aych smuroal. Tzlaj yi' cot eb' lum lu'um yic tzb'on chan̈ eb' ste'nub'oc 'a spatc 'el muro cha. 'Ixta tz'aj yem junc chon̈b' chi yuj eb'.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.