Jeremías 3:21 - Chuj San Sebastian Bible

²¹ Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

Chuj San Mateo Bible

²¹ Tz'ab'chaj yoch jaj d'a lum tzalquixtac man̈xa ste'al, aton eb' israel tz'el yav yoq'ui sc'anan colval eb'. Ix elcan eb' d'a sb'eal tojolal. Ix in b'at satc'olal yuj eb', a in Jehová sDiosal in eb' tic.

Jeremías 3:21 Iomraidhean Croise

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Pr 10:9

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

Pr 19:3

A qui man̈ nab'enalec, a tzon̈ 'a'nec satoc, ax tz'aji, a 'a yib'n̈ Jehová tzca'c 'ochi.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 13:25

Atn wal chi 'aych xon 'a eyib'n̈ ex 'aj Israel, a chi smoj wa'n 'ayex. Yujto in 'atcn satc'ojlal eyu'uj, ax jun tzo'n̈ yechl to may jac yel'chi, axn̈ej eb' xeya'ch yipc e c'ojol.

Jeremías 18:15

Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Jeremías 7:29

¡Ex 'aj Jerusalén, joxc 'el xil e jolm yuj cusc'ojlal, tze juln can 'eli! ¡'Ixquec 'a lum tzalctac to caw cusltac, tze b'itnan jun tzo'n̈ b'it yic cusc'ojlal! Yujto an Jehová in, caw xcot wowl 'ayex, tox ex wactj cani, xchi Dios.

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Ez 7:16

A eb' 'oj yac' ganar s'atcn 'elc 'a lum jolmctac witz 'icha no 'uch, 'oj c'acwc eb' yab'n syal yuj smul cha.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Nm 22:32

Yuj cha, xyaln jun yángel Jehová chi 'a 'ixtic: —¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'.

2 Co 7:10

Toto tzon̈ cusc 'icha tznib'j Dios, yuj jun cusc'ojlal cha, tzqui nanec qui b'a, ax qui colchjec. Toto 'ixta', matz on̈ caw cusc yu'uj, palta 'ay junc'aj xo cusc'ojlal. A jun cha, yic yolyib'n̈q'uinl tic. A eb' tzcus 'ixta', ton̈j tz'atcn eb' 'a chaml 'a jun 'ejmn̈ej yu'uj.