Jeremías 3:12 - Chuj San Sebastian Bible

¹² Ach Jeremías, 'ixic, 'at alcn 'el jun tzo'n̈ paxti tic 'a eb' et israelal. Ata tzach 'at q'ueln 'a stojlal norte, tzaln 'a eb' 'ixtic: A Jehová, a tzaln 'ixtc 'ayex: ¡Ex israel to caw tenmtac, meltzjan̈c cot 'ayin! An Jehová in, an tzwala, to man̈ owloc 'oj wutc ex in chani, man̈ smasnilc tiempo 'ay cot wowl 'ayex, yujto caw wal 'ay in chamc'ojlal.

Chuj San Mateo Bible

¹² Ach Jeremías, ixic q'uelan d'a stojolal norte, tzalanb'at jun lolonel tic d'a eb' etisraelal ay d'a norte chi'. A val Jehová tz'alan d'ayex icha tic: Ex israel te pit, meltzajan̈ecxicot d'ayin. Man̈ ovaloc ol vutej ex in chaani, man̈ masaniloc tiempo aycot voval d'ayex, yujto tz'oc' in c'ol d'ayex.

Jeremías 3:12 Iomraidhean Croise

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 17:23

Yuj cha, 'ix yi'n 'el Jehová eb' israel chi 'a yojltac, 'icha wal 'ix yutj yaln eb' schecab'. Yuj cha, 'ix 'ijx can 'at eb' israel 'a chon̈b' Asiria; ata xcan eb' ta'.

A Ch'an̈ Schab'il Libro Yic Yab'ixal Eb' Rey 17:6

Ax yic sb'aln̈il xo ab'il yoch Oseas reyal, 'ix 'ajx ganar chon̈b' Samaria chi yuj eb' soldado Asiria. Xlajw cha, 'ix 'ijx 'at eb' israel 'a chon̈b' Asiria yu'uj. Xya'n pural win scan cajn eb' 'a chon̈b' Halah 'a yol yic Habor 'a sti a a yic Gozán, yet' 'a jun tzo'n̈ xo chuc chon̈b'al 'a yol yic eb' Medo.

A Ch'an̈ Schab'il Libro Yic Yab'ixal Eb' Rey 18:1

A yic yoxl ab'il xo yoch Oseas yunnal Ela reyl 'a chon̈b' Israel, 'ix schan 'el Ezequías yunnal Acaz ya'n reyl 'a Judá.

2 Cr 29:10

A ticnec, tox xin nalb'ej in b'on in trato yet' Jehová qui Diosalec an̈ israel on̈c tic, sec wach' tzyij 'el yowl sc'ojl 'a quib'n̈ec.

2 Cr 30:9

Toto 'oj eya'x 'och e c'ojl 'a Jehová, a eb' 'ajc'ojl 'ix 'i'n 'at eb' quit israelalec yet' eb' eyunnal 'a 'icha presoal, 'oj cusch sc'ojl eb' 'a eb', ax yajx paxt eb' yuj eb' 'a e chon̈ab'. Yujto a Jehová qui Diosalec, caw wach' snab'en, tz'o'ch sc'ojol. Toto tzeya'x 'och e c'ojl 'a 'a, man̈x 'oj 'el ch'umn 'ayex, xchi.

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Salmos 103:8

Caw wach' snab'en Jehová, c'un yo'ch sc'ojl 'ayn̈ec, man̈ comnoc tzcot yowal, yujto caw 'ay schamc'ojlal.

Salmos 103:9

Man̈toc junjn rato tzon̈ stumnec, man̈ smasnilc tiempo 'ay cot yowal.

Salmos 145:8

Mamin Jehová, caw wal wach' a nab'en, tz'o'ch pax a c'ojol. Man̈ comnoc tzcot owal, yujto 'ay a chamc'ojlal.

Salmos 79:5

Mamin Jehová, ¿b'a'n̈ to wal tz'ec' yowl a c'ojl 'a quib'n̈ on̈? ¿Tom an̈ja caw c'ac' a c'ojl 'a quib'n̈ 'icha te c'ac' an̈ja chac sc'aq'uil?

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 31:6

Ex yin̈tl can Israel, meltzjan̈c 'a jun mach 'ajtil caw tenmtac xeyutj e b'a.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Jeremías 11:6

Xlajw cha, xyaln pax Jehová 'ixtc 'ayin: Al jun tzo'n̈ paxti tic 'a eb' 'anma 'ay 'a yol yic Judá, yet' 'a yoltc scayeal Jerusalén. Al 'a eb' 'ixtic: Macljec eyab' tas tzyal jun trato tic, tzlajw cha, tze b'eylb'ani, xa chi 'a eb'.

Jeremías 12:15

Ax yic 'oj lajwc in satn 'el eb' cha, 'ixta to b'i'an, ax yo'x 'och in c'ojl 'a eb' jun 'ejm xo, ax wi'n pax meltzjoc eb' 'a sat slu'um, yet' 'a schon̈ab'.

Jeremías 23:8

Palta ax yic 'oj b'ey tiempo, 'ixtc 'oj yutc eb' yalni: Yojc wal Jehová, jun x'i'n 'elt eb' israel 'a stojlal norte yet' 'a jun tzo'n̈ xo chon̈b' 'aj sactzicnac yajcn 'at eb', 'oj xchic eb'. 'Ixta to b'i'an, ax yaj cajn eb' israel 'a slum jun 'ejm xo, xchi Dios.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 3:14

'Ix yaln pax Jehová 'ixtic: Ex in chon̈b' to caw tenmtac, meltzjan̈c cot 'ayn an e Yajlil in tic. Junjn ex, 'oj ex wi' cot 'a junjn chon̈ab'. Chatcwan̈il 'oj ex wutc ex wi'n cot 'a junjn macn̈ 'in̈tal. 'Ixta 'oj ex wutc wi'n meltzjoc 'a Sión.

Jeremías 3:18

A 'a yic jun c'u cha, junxn̈ej 'oj yutc sb'a chon̈b' Judá yet' chon̈b' Israel. Junxn̈ej 'oj eyaj e meltzj cot 'a jun nacion̈ 'ay 'a stojlal norte, ax e jaw cajn 'a lum lum wa'jnac smacloc eb' e mam eyicham.

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Jeremías 3:5

¿Tom smasnil tiempo 'ay cot owl 'ayn̈ on̈? ¿Tom 'ayc'n̈ej owl chi 'a jun 'ejmn̈ej? xe chi. Ya' sb'a wanto eyaln 'ixta', wan e b'on pax jun tzo'n̈ maysch'olnil tze b'o xon cha, xchi Dios 'a eb' israel.

Jeremías 3:7

A in nani, to a yic 'oj lajwc sb'onc eb' jun tzo'n̈ cha, ax smeltzj pax cot eb' 'ayin; palta man̈x 'ic meltzj eb' 'ayin. An̈jtona eb' 'aj Judá, 'ix yil eb' tas tzyutj sb'a eb' 'aj chon̈b' Israel, jun 'ayt yuj sb'a yet' eb', tenmtac xyutj pax sb'a eb' 'ayin.

Jeremías 30:11

An Jehová in, an tzwala: 'Aynn̈ej 'ec' eyet'oc, 'oj in satl smasnil jun tzo'n̈ nacion̈ 'aj ex sactzic can 'at wu'uj. Palta ax xo tic, ma'oj ex in satli. Cojn to 'oj ex in b'eyc'ojloc yet' yailal 'a 'icha wal tas smoj e chani. Ma'oj e cann̈j 'ixta', xchi Dios.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Jeremías 31:21

Ex israel, si'mb'il tzeyilcn jun b'e 'aj tzex 'ati, sec a 'a jun b'e chi 'oj e cotxi, yic 'oj e meltzj pax 'a jun tzo'n̈ e chon̈b' 'ix eyactj can tic. ¡Meltzjan̈c ex chon̈b' israel! ¡Caw meltzjan̈c 'a jun tzo'n̈ e chon̈ab'!

Jeremías 31:8

'Oj wic' meltzjoc eb' 'a jun nacion̈ 'ay 'a stojlal norte, 'oj in molb'tzoc cot eb' 'a 'aj tzlajw c'och yolyib'n̈q'uinal. A 'a scal eb' cha, ata 'oj jawc eb' matz uj yilni, eb' tz'em sb'eyi, eb' 'ix 'ix to 'ayx tz'i'ni, yet' pax eb' 'ix tzat 'alj yune', caw wal niwn 'oj 'aj eb' smeltzj pax cot 'a tic.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Jeremías 4:1

A Jehová tzaln 'ixtic: Toto tze nib'j tzeyactj can maysch'olnilal ex israel, cotn̈ec 'ayin. Toto tzeyij 'el jun tzo'n̈ e diosal caw yajb'entac cha, 'ochn̈ec tza'n wu'uj.

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Ez 11:17

An 'oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n chon̈b' Israel tic eyico'oc.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Lv 26:40

Yujto 'ix 'och stenmtacl eb' 'ayin, yuj cha, 'oj woch 'ajc'ojlal 'a eb', ax wa'n can 'at eb' 'a schon̈b' eb' 'ajc'ojl yajch 'a eb' cha. Toto 'oj sna sb'a sc'ojl eb' 'aj pit 'oj yutc sb'a 'ayin, ax yi'n 'ejm sb'a eb' 'a wojltac yuj yaln q'uet' eb' smul yet' e mul ax tic, tzyactn can eb' sb'on masych'olnilal,

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Dt 30:2

Toto ax tic yet' eb' eyunnal, eyisil tzex meltzj pax 'a Jehová yet' smasnil e c'ojol yet' 'a smasnil e nab'en, tze b'eylb'an pax jun tzo'n̈ schecnb'il wan waln can 'ayx ticnec,