Jeremías 29:12 - Chuj San Sebastian Bible

¹² 'Oj lajwc cha, ax eyaln e b'a 'ayin, caw 'oj e leslwi 'ayin, ax wab'n pax e lesl cha.

Chuj San Mateo Bible

¹² Ol lajvoc chi', ol eyal e b'a d'ayin, ol ex lesalvoc d'ayin, ol vab'an e lesal chi'.

Jeremías 29:12 Iomraidhean Croise

2 Cr 33:13

Ax yic xleslwi cha, 'ix yab'n Dios slesal, 'ix ya'n meltzjc pax 'a Jerusalén yet' 'a yopiso. Yuj cha, xyojcan 'el Manasés to a Jehová Dios toni.

2 Cr 6:38

toto yet' smasnil qui c'ojl on̈, yet' smasnil qui nab'en on̈, tzqui nan qui b'a 'aj 'ayn̈ 'ec' 'a 'icha presoal cha, ax qui leslwi 'aych 'a stojlal cot lum lum tic a'jnac 'a eb' qui mam quichm tic on̈, yet' 'a jun chon̈b' sic'b'il 'el oj tic, yet' pax 'a jun n̈a b'ob'il eco'oc tic wu'uj,

Job 22:27

Toto 'ay tas 'oj a c'an 'a 'a, 'oj yab'i', ax ya'n 'ayach, tza'n 'el'choc pax a ti tza'cn 'a 'a.

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Is 30:19

Ex 'aj Sión, ex to cajn ex 'ec' 'a Jerusalén, man̈ ex 'oc'oc, a Jehová 'oj 'o'ch sc'ojl 'ayex yic tzyab'n yel eyaw, 'oj ta'wc 'ayx muc'uc.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Jeremías 50:4

'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'.

Jeremías 51:50

Tzyal Jehová 'a eb' israel 'ayc' 'a Babilonia: A machx 'oj eyac' ganar e yel 'a jun chaml 'oj ujc cha, 'ixquec 'eloc. Man̈ ex cancn ta'. Wach'xam najt 'aycn e lu'um, palta 'a'c 'och wal e nab'en 'ayn an Jehová in tic, nac cot pax Jerusalén.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.