Jeremías 28:5 - Chuj San Sebastian Bible

⁵ Xlajw cha, an Jeremías in, schecb' Dios waji, in ta'w 'a win Hananías cha, 'a sat eb' ya'mal 'och sti eb' 'anma 'a Dios yet' 'a sat smasnil eb' 'anma 'ayc' 'a yamq'uil yatut Dios cha, 'ix waln 'a 'ixtic:

Chuj San Mateo Bible

⁵ Ix in tac'vi d'a vin̈ d'a yichan̈ eb' sacerdote yed' d'a yichan̈ masanil anima ayec' d'a templo chi'. Ix valan icha tic:

Jeremías 28:5 Iomraidhean Croise

1 Cr 3:19

Eb' yunnal Pedaías: atn Zorobabel, yet' Simei. Ax eb' yunnal Zorobabel: atn Mesulam yet' Hananías, yet' pax 'ix Selomit yanb' eb' cha.

Jeremías 19:14

A yic xlajw in b'on an Jeremías in tic jun tzo'n̈ cha, in meltzj pax 'a Tofet, atn 'a 'aj in checx 'at yuj Jehová yic tz'at walnc 'el spaxti'. Xlajw cha, in 'och lin̈n 'a yamq'uil scajnub' Dios, 'ix waln 'ixtc 'a smasnil eb' chon̈ab':

Jeremías 26:2

'Ix yaln 'ixtic: Ata tzach 'aj lin̈n 'a yamq'uil watut, tzlajw cha, tzaln smasnil tas tzwac' al 'a smasnil eb' 'anma tzcot 'a Judá, yic tzwul ya'nc 'ejm sb'a eb' 'a watut an Jehová in. May junc paxti chi matz ala.

Jeremías 28:1

A 'a yic yol 'uj 'a jun ab'il cha, tzyal 'el'chi atn 'a yic schan̈l ab'il yoch Sedequías reyl 'a Judá, a Hananías yunnal Azur 'aj Gabaón, atn jun tzyalch sb'a schecb'oc Dios, 'ix 'at 'a yatut Dios 'a 'aj 'ayn 'ec' an Jeremías in. Wal 'a sat eb' ya'mal 'och sti eb' 'anma 'a Dios, yet' 'a sat smasnil eb' chon̈ab', xyaln 'ixtic:

Jeremías 7:2

'Ochn̈ lin̈n 'a sti spuertail watut an Jehová in tic, tzlajw cha, tzaln 'a eb' 'anma chi ta', to an tzwac' al 'ixtc 'a eb': E masnil ex cajn ex 'a chon̈b' Judá, ex tzex 'och 'a jun puerta tic, yic tz'at eya'nc 'emmquilal 'a Jehová, macljec eyab' jun tzo'n̈ spaxti tic.