Jeremías 28:1 - Chuj San Sebastian Bible

¹ A 'a yic yol 'uj 'a jun ab'il cha, tzyal 'el'chi atn 'a yic schan̈l ab'il yoch Sedequías reyl 'a Judá, a Hananías yunnal Azur 'aj Gabaón, atn jun tzyalch sb'a schecb'oc Dios, 'ix 'at 'a yatut Dios 'a 'aj 'ayn 'ec' an Jeremías in. Wal 'a sat eb' ya'mal 'och sti eb' 'anma 'a Dios, yet' 'a sat smasnil eb' chon̈ab', xyaln 'ixtic:

Chuj San Mateo Bible

¹ Ayic schan̈il ab'il yoch vin̈aj Sedequías reyal d'a Judá, ayic yoil ujal yoch jun ab'il chi', a vin̈aj Hananías yuninal vin̈aj Azur, aj Gabaón, jun vin̈ syaloch sb'a schecab'oc Dios, ix lolon vin̈ d'ayin Jeremías in tic d'a templo. D'a yichan̈ eb' sacerdote yed' d'a yichan̈ eb' anima smasanil, ix yalan vin̈:

Jeremías 28:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 3:4

tz'at ya'noc pax xajmb'al chi 'a Gabaón. Jun mil xajmb'al tz'at yac' tz'a ta', yujto niwn yel'ch jun lugar cha.

A Ch'an̈ Schab'il Libro Yic Yab'ixal Eb' Rey 24:18

Junschawinc ab'il sq'uinl Sedequías yic 'ix schan 'el yich ya'n reyal; uxlche ab'il 'ix yac' reyl 'a Jerusalén: Ax snun Hamutal sb'i, yisl Jeremías 'aj Libna.

2 Cr 36:11

A Sedequías 21 ab'il sq'uinal yic schan 'el yich ya'n reyal, uxlche ab'il xyac' reyl 'a Jerusalén.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

Jeremías 27:1

A yic tot 'ochnc Sedequías win yunnal Josías, reyl 'a Judá, ata xpaxtin Jehová 'ayn an Jeremías:

Jeremías 27:12

Yuj cha, in meltzj waln pax jun tzo'n̈ tic 'a Sedequías sreyl Judá. 'Ix waln 'ixtc 'a 'a: 'A'ch a b'a 'a yaln̈ schecnb'il sreyl Babilonia yet' 'a eb' schon̈b' winac, sec wach' ma'oj a chami.

Jeremías 27:3

Tzlajw cha, tzaln 'at junc checnb'il 'a eb' sreyl Edom, Moab, Amón, Tiro yet' Sidón. A 'a eb' checb' tzjaw 'a Jerusalén yic tzwul yilnc eb' win rey Sedequías, a 'a eb' tzalb'ti.

Jeremías 28:11

Wal 'a sat smasnil eb' chon̈ab', 'ix yaln 'ixtic: —A Jehová 'ix aln 'ixtic: Yic wal chab' ab'il ticnec, ax wi'n 'el jun yugo 'aych 'a yib'n̈ jun tzo'n̈ nacion̈ yuj win Nabucodonosor, ax in ma'n can wecchjoc, xchi Dios, xchi Hananías. Xlajw xoj cha, in 'at an Jeremías in tic.

Jeremías 28:17

A 'a yic yucl xo 'uj yoch jun ab'il cha, 'ix cham Hananías.

Jeremías 28:5

Xlajw cha, an Jeremías in, schecb' Dios waji, in ta'w 'a win Hananías cha, 'a sat eb' ya'mal 'och sti eb' 'anma 'a Dios yet' 'a sat smasnil eb' 'anma 'ayc' 'a yamq'uil yatut Dios cha, 'ix waln 'a 'ixtic:

Jeremías 29:15

Ax tic tzeyala: 'Ayx eb' schecb' Jehová 'a qui calc 'a Babilonia tic, xe chi.

Jeremías 36:12

Yuj cha, 'ix 'at 'a 'aj 'ay sdespacho win rey 'a scuarto win 'ajtz'ib', atn 'a 'aj yamn yaj eb' caw niwc yel'ch yopiso: atn Elisama, win 'ajtz'ib', Delaía yunnal Semaías; Elnatán yunnal Acbor; Gemarías yunnal Safán; Sedequías yunnal Hananías, yet' jun tzo'n̈ xo ewin 'aych yopiso.

Jeremías 37:13

Palta a yic in c'och 'a spuertail chon̈b' 'a yol yic Benjamín cha, ata 'ay jun winc tzcuch Irías yunnal Selemías, yixchicn Hananías, a win cha, yajl yaj 'a eb' tztan̈wni puerta cha. A jun winc chi in yamn 'och wa'an, xyaln win 'ayn 'ixtic: —¡Ach tic, 'aych xo 'och yet' eb' 'aj Babilonia cha! xchi win 'ayin.

Jeremías 37:19

A jun tzo'n̈ xyalch sb'a schecb'oc Dios, eb' 'ix alni to ma'oj jawc win sreyl Babilonia wul yac' owl yet' jun chon̈b' tic, toc 'ix a'ch eb' 'a preso.

Jeremías 49:34

A yic schan 'el Sedequías yich ya'n reyl 'a Judá, a yic cha, 'ix yal Jehová 'ixtc 'a 'ayn an Jeremías in tic yuj chon̈b' Elam.

Jeremías 51:59

A 'a yic schan̈l ab'il yoch Sedequías reyl 'a Judá, a yic cha, 'ix yaln Jeremías win schecb' Dios jun tzo'n̈ paxti tic 'a win Seraías yunnal Nerías, win yixchicn Maasías. A win Seraías cha, ajun win yet' win rey Sedequías yic 'ix 'at eb' 'a Babilonia, a win 'ajcuenta sayn yet'l win rey 'aj wach' scani yic tz'ec' win 'aj tz'eq'ui.

Ez 13:6

Tzcob' yal eb' to 'ay tas tzyila, tznan eb' tas tzyutj ya'n 'es, tzyaln cob' eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwal 'a eb'. Tzlaj cob' stan̈wnoc eb' yel'ch tas tzyal cha.

Os 7:3

Caw wal tzalj eb' rey yet' eb' yajal yuj smaysch'olnilal eb', yet' yuj yixtm 'anmal eb'.

Josué 10:12

A yic x'ajx eb' amorreo chi 'a yol sc'ab' eb' israel yuj Jehová, a 'a jun c'u cha, ata xyal Josué 'a Jehová 'ixtc 'a sat smasnil chon̈ab': 'Och cab' wan c'u 'a yib'n̈ chon̈b' Gabaón; 'och cab' wan 'uj 'a yib'n̈ lum ya'lical Ajalón, xchi.

Josué 9:3

Palta ax eb' heveo cajn 'a Gabaón, 'ix yab' eb' tas 'ix yutj Josué chon̈b' Jericó yet' chon̈b' Hai.