Jeremías 27:8 - Chuj San Sebastian Bible

⁸ Toto 'ay junc nacion̈ chi ma'oj ya'ch sb'a 'a yaln̈ schecnb'il Nabucodonosor cha, an Jehová in, an tzwala, to 'oj wa'ch yailal 'a yib'an̈, atn owal, wejel, yet' yab'il, masnto 'oj satl eb' yu'uj.

Chuj San Mateo Bible

⁸ A in Jehová in svala', tato ay junoc nación max yac'och sb'a d'a yalan̈ smandar vin̈aj Nabucodonosor chi', ol vac'och yaelal d'a yib'an̈, aton oval, vejel yed' ilya, masanto ol satel eb' yuj vin̈.

Jeremías 27:8 Iomraidhean Croise

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 27:11

A pax jun tzo'n̈ nacion̈ to 'oj yaln̈j sc'ojl ya'n 'och sb'a 'a yol sc'ab' win sreyl Babilonia cha. An Jehová in, an tzwala to 'oj can cajn eb' 'a sat slu'um. 'Oj munljoc eb' 'a sat lu'um, xchi Dios, xa chi, xchi 'ayin.

Jeremías 27:13

¿Tas yuj 'oj ac' cham a b'a yet' eb' a chon̈b' yuj owal, yuj wejel, yuj pax yab'il? Yujto 'ix yal Jehová to 'oj jawc jun tzo'n̈ tic 'a yib'n̈ smasnil nacion̈ to ma'oj ya'ch sb'a 'a yaln̈ schecnb'il sreyl Babilonia cha.

Jeremías 28:14

An Jehová in, tztac' wuj smasnil, sDiosal in Israel, an tzwala: 'Ix wa'ch wal jun yugo to nab'a hierro 'a yib'n̈ jun tzo'n̈ chon̈b' tic yic tz'och eb' mosoal 'a win Nabucodonosor cha. An̈jtona e no calte'al noc', 'ix wa'cn 'och e no 'a yaln̈ schecnb'il jun rey cha, xchi Jehová, xa chi 'a 'a, xchi Dios 'ayin.

Jeremías 28:4

An Jehová in, an tzwala, to 'oj wi'x meltzjoc Jeconías yunnal Joacim sreyl Judá, yet' smasnil eb' 'anma 'ijxnac 'at 'icha presoal 'a Babilonia cha. Yowlal 'oj wi'x can 'el yopiso win sreyl Babilonia 'a eyib'an̈, xchi Dios, xchi Hananías.

Jeremías 29:17

An Jehová in, tztac' wuj smasnil, an tzwala: 'Oj wa't owal, wejel, yet' yab'il 'a scal eb'. 'Oj wac' yajxoc eb' 'icha jun tzo'n̈ te higo c'alxo, caw juwnac xo, man̈xtzac stac' sloxi.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Jeremías 40:9

'Ix ya'n can Gedalías chi sti 'a eb' 'ixtic: Man̈ ex xiw eya'n 'och e b'a 'a yol sc'ab' eb' 'aj Babilonia. Cann̈ec cajn 'a tic, 'a'c 'och e b'a 'a yol sc'ab' win sreyl Babilonia cha, sec wach' 'oj eyel'chi.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.