Jeremías 27:7 - Chuj San Sebastian Bible

⁷ Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Chuj San Mateo Bible

⁷ Masanil nación ol can d'a yol sc'ab' vin̈, d'a yol sc'ab' yuninal vin̈ yed' d'a yol sc'ab' yixchiquin vin̈, masanto ol ja sc'ual yac'ji ganar Babilonia chi'. Ichato chi' ol can Babilonia chi' d'a yol sc'ab' juntzan̈xo nación yed' d'a yol sc'ab' juntzan̈xo rey nivac yelc'och yed' yopisio.

Jeremías 27:7 Iomraidhean Croise

Salmos 37:13

Palta ax Jehová, ton̈j tzewj yuj eb', yujto yojtac to a eb' tzb'on maysch'olnil cha, jaye xoj c'u 'ayc' eb'.

Is 13:1

'Aycto yaln can Dios 'a win Isaías, win yunnal Amoz, tas jun tzo'n̈ 'oj jawc 'a yib'n̈ chon̈b' Babilonia, yic yaln 'a win 'ixtic:

Is 21:9

Ax ticnec, tzwil scot jun winc yet' jun caruaje toc'b'il yuj chawn̈ no chej, xchi. Xlajw cha, xyaln jun winc ajun 'a jun caruaje chi 'ixtic: 'Ix 'ejm Babilonia, 'ix lajw 'ejmi. Smasnil jun tzo'n̈ yechl comn dios 'a jun chon̈b' cha, choc' x'ajcn spoj 'a sat lu'um, xchi.

Jeremías 27:22

An Jehová in an tzwala, to 'oj 'ijxoc 'at smasnil 'a Babilonia. Ata 'oj cancn ta', masnto 'a yic 'oj wi'x meltzjoc jun tzo'n̈ chi 'a jun e chon̈b' tic, xchi Dios.

Jeremías 34:1

A Nabucodonosor sreyl Babilonia, 'ix cot yet' smasnil eb' soldado, yet' eb' cotnc 'a smasnil nacion̈ 'aych 'a yaln̈ schecnb'il winac. 'Ix wul ya'nc eb' owl 'a Jerusalén yet' 'a jun tzo'n̈ xo eb' chon̈b' 'ayc' 'a sla'nil. A yic cha, 'ix yaln Jehová 'ayn an Jeremías in tic 'ixtic:

Jeremías 44:30

'Oj wa'ch win Hofra sreyl Egipto 'a yol sc'ab' eb' 'ajc'ojl tznib'n xon milnc chamoc, 'icha wal wutjnac wa'n 'och Sedequías sreyl Judá 'a yol sc'ab' Nabucodonosor sreyl Babilonia, atn jun 'ajc'ojl yajch 'a 'a, jun tznib'n milnc xon chamoc, xchi Dios, xin chi 'a eb'.

Jeremías 46:13

'Ix yal Jehová 'ixtc 'ayn yuj tas 'oj yutc Nabucodonosor sreyl Babilonia ya'n owl 'a Egipto:

Jeremías 52:31

A 'a yic 25 yoch slajchwil 'uj yic 37 ab'il xo yijx 'el rey Joaquín 'a Judá, 'ix 'och Evil-merodac reyl 'a Babilonia. A win tic, 'ix sch'ox swach'c'ojlal 'a Joaquín cha, 'ix yi'n 'elt 'a preso.

Ez 30:24

An 'oj wac' yip win sreyl Babilonia, ax wa'n wespada 'a yol sc'ab'. An 'oj in ma' wecchjoc sc'ab' win faraón cha, caw 'oj 'el yaw yab'n syal 'a yojltac win 'ajc'ojl cha.

Dn 2:37

Ach tic mamin rey, sat aj 'a smasnil eb' rey, yujto a Dios 'aj satcha'an̈, a ach 'a'n 'och reyal. Xya'n a jelnal, xya'n pax ep, yuj cha, caw niwn el'chi.

Dn 4:22

A mach tzch'ox jun te cha, ach ton mamin rey, caw 'ix ach q'uib' yet' a b'inab'ilal. 'Ix 'och ep, masnto 'ix q'ue'ch a b'inax 'a satcha'an̈. 'Ix c'och a'n yajlil 'a 'aj tzlajw c'och lum lum tic.

Habacuc 2:7

A wal yic may tas tze na'a, ax sc'och eb' 'ay e b'oc 'a 'a, 'oj yi' chan̈ sb'a eb' ex xib'toc, man̈x 'a xon jac tas 'oj ya'cn eb' 'ayex.

Habacuc 2:8

'Ix laj eyijcan 'ec' tastc 'ay 'a eb' 'anma 'a jun tzo'n̈ nacion̈, palta a eb' xcant cani, 'oj yi'cc eb' tas 'ay 'ayex. 'Ixta wal 'oj eyaj yuj eb', yujto til wal eb' milb'il eyu'uj, ma'ix 'o'ch e c'ojl 'a eb' 'anma cajn 'a jun tzo'n̈ nacion̈ cha, yet' 'a eb' chon̈b' 'ay 'a yol smacb'en eb'.

Apoc 14:8

'Ay pax junx ángel tza'n yu'uj, 'ix yaln 'ixtic: —Caw 'ix lan̈chj chon̈b' Babilonia. Niwn ton yel'chi, palta caw xlan̈chji. A jun chi x'a'n juwc 'el smasnil nacion̈ yuj yajmulal. 'Icha to xcaw 'och 'u'm 'an̈il junjn nacion̈ yu'uj, xchi.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.