Jeremías 27:22 - Chuj San Sebastian Bible

²² An Jehová in an tzwala, to 'oj 'ijxoc 'at smasnil 'a Babilonia. Ata 'oj cancn ta', masnto 'a yic 'oj wi'x meltzjoc jun tzo'n̈ chi 'a jun e chon̈b' tic, xchi Dios.

Chuj San Mateo Bible

²² A in svala' to masanil tas ix can chi' ol ic'jocb'at d'a Babilonia, ata' ol cann̈ej, masanto ayic ol ex vic'anxi meltzaj d'a e chon̈ab' tic, xchi Jehová.

Jeremías 27:22 Iomraidhean Croise

A Ch'an̈ Schab'il Libro Yic Yab'ixal Eb' Rey 25:13

'Ix sma'n poj eb' soldado caldeo chi smasnil jun tzo'n̈ yamc'ab' nab'a bronce 'ay 'a yol yatut Dios: atn yoyal, yet' jun tzo'n̈ sb'achnub'al yaln̈ jun tzo'n̈ cotc pila, yet' jun niwquil pila 'aj 'ay 'ejm a a'. 'Ix yi'n 'at eb' q'uen bronce chi 'a Babilonia.

2 Cr 36:21

'Ixta 'ix 'aj yel'ch tas ya'jnac Jehová yal-l win Jeremías. 'Ixta x'aj yilj lum lu'um, yujto niwn tiempo may munljel xb'o 'a sat lu'um, masnto stz'acw 70 ab'il.

Esdras 1:11

A sb'isl jun tzo'n̈ yamc'ab' oro yet' plata 'ay 5,400 'a smasnil. Smasnil jun tzo'n̈ tic, 'ix yij pax meltzjoc Sesbasar yic 'ix 'elt 'a Babilonia yet' eb' ajun yet'oc, 'ix c'ochx eb' 'a Jerusalén.

Esdras 7:19

Ax pax smasnil jun tzo'n̈ yamc'ab' x'ajx 'ayach, yic tzc'anx 'a yatut a Diosal, ach wal caw tza'ch 'a yojltac a Diosal 'a Jerusalén cha.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Jeremías 20:5

Smasnil e ricoal 'a yol e chon̈ab', smasnil tas caw chan̈ stojl 'ay 'ayex, yet' pax smasnil sricoal eb' sreyl Judá, 'oj wac' 'a yol sc'ab' eb' 'ajc'ojl cha, ax yi'n 'at eb' 'a Babilonia.

Jeremías 27:21

Yuj cha, 'ix yaln Jehová 'ixtic: 'Ab'c tas tzwal an Jehová in tztac' wuj smasnil, sDiosal in Israel, an tzwal yuj jun tzo'n̈ yamc'ab' xcan to 'a watut cha, yet' pax jun tzo'n̈ xcan 'a sdespacho win sreyl Judá yet' 'a Jerusalén.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Jeremías 32:5

Ax win Nabucodonosor cha, 'oj yac' win 'ijxoc 'at 'a Babilonia. Ata 'oj cann̈j ta', masnto 'oj wilx in b'a yet'oc. Wach'xam 'oj cob' eyac' owl yet' eb' caldeo, palta ma'oj stac' eyu'uj, xchi Dios, xin chi. Yuj wal jun tzo'n̈ paxti cha, wajx 'och 'a preso.

Jeremías 34:2

An Jehová in, e Diosal in, an tzwal 'ayach, to tz'at al 'ixtc 'a Sedequías sreyl Judá: Al 'a 'a to an Jehová in, an tzwal 'ixtic: 'Oj wa'ch jun chon̈b' tic 'a yol sc'ab' sreyl Babilonia, a 'oj n̈usnoc cani.

Jeremías 34:3

Ach tic man̈x 'oj stac' a 'at 'eloc. 'Oj a yamchj yuj eb' soldado winac, ax ach ya'n 'och eb' 'a yol sc'ab' win rey cha. A yic 'oj a c'och 'a yojltac, ax spaxtin win et'oc, 'oj lajwc cha, ax ejx 'at 'a Babilonia.

Jeremías 34:5

palta to 'oj a cham wal 'a tzaljc'ojlal. An Jehová in, an tzwac' in ti', to 'icha wal yutjnac eb' 'anma ya'n tz'a incienso yic smucx eb' a mam echam, atn eb' 'ochnc reyal 'a yic mantzac ach 'och ach tic, an̈jtona 'ixta 'oj yutc pax eb' ya'n tz'a incienso yic 'oj a mucxi. Caw 'oj 'oc' eb' o'oj, ax yaln eb' 'ixtic: ¡'Ay, caw 'ix cham win qui reyal! 'oj xchic eb', xchi Dios, xa chi 'a 'a, xchi Dios 'ayin.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 9:2

A yic yab'lil xo yoch win Darío chi yajlil, an Daniel in tic, 'ayn 'och in cuy jun tzo'n̈ ch'an̈ libro yic Dios, tzin nan yuj tas yaljnac can Jehová 'a Jeremías atn jun schecab', chajtlto a chon̈b' Jerusalén 'oj ma'xoc 'ejm lan̈chjoc, ax scan 70 ab'il 'a sictaquil, xchi 'a ch'an̈ un̈ tz'ib'b'il can yuj Jeremías.