Jeremías 27:19 - Chuj San Sebastian Bible

^19-20 A yic x'ijx 'at Jeconías yunnal Joacim, sreyl Judá yuj Nabucodonosor sreyl Babilonia, 'ix 'ijx 'at yet' smasnil eb' niwc winc 'ay 'a Judá cha, yet' eb' 'ay 'a Jerusalén. A 'a yic jun tiempoal cha, ma'ix 'ijx 'at jun tzo'n̈ niwc 'oy yet' jun niwquil pila nab'a bronce, yet' sb'achnub'al yalan̈, yet' pax jun tzo'n̈ xo yamc'ab' yic yatut Dios.

Chuj San Mateo Bible

^19-21 Ayic ix ic'jib'at vin̈aj Jeconías sreyal Judá, vin̈ yuninal vin̈aj Joacim yuj vin̈aj Nabucodonosor sreyal Babilonia, ix ic'jipaxb'at eb' ayoch yajalil d'a Jerusalén yed' vin̈. Ayic ix ic'jib'at eb' chi' maj ic'jib'atlaj juntzan̈ nivac oy, jun nivan pila nab'a bronce yed' sb'achnub'al yed' juntzan̈xo syamc'ab'il templo yed' tas ix can d'a spalacio eb' sreyal Judá yed' Jerusalén. Yuj chi' ix yal Jehová icha tic: Ab'ec tas sval a in Jehová Yajal in d'a Smasanil, e Diosal in a ex israel ex tic.

Jeremías 27:19 Iomraidhean Croise

A Ch'an̈ B'ab'el Libro Yic Yab'ixal Eb' Rey 7:23

An̈jtona', sb'on pax win Hiram chi jun niwquil pila nab'a bronce yic a'. Setn xoj x'aji, nan̈l yol metro x'aj yojol, 'ix cot 'a jun pac' sti' masnto 'ix c'och 'a jun pac' xo. Ax pax ste'il, chab' metro yet' 25 centímetro x'aji, nan̈l schan̈lajn̈il metro x'aj spatic.

A Ch'an̈ B'ab'el Libro Yic Yab'ixal Eb' Rey 7:27

An̈jtona', sb'on pax lajn̈e careta nab'a bronce, jun metro yet' 80 centímetro stel jun jun. 'Ixta pax sat, jun metro yet' 35 centímetro x'aj chan̈ spimal.

A Ch'an̈ Schab'il Libro Yic Yab'ixal Eb' Rey 25:13

'Ix sma'n poj eb' soldado caldeo chi smasnil jun tzo'n̈ yamc'ab' nab'a bronce 'ay 'a yol yatut Dios: atn yoyal, yet' jun tzo'n̈ sb'achnub'al yaln̈ jun tzo'n̈ cotc pila, yet' jun niwquil pila 'aj 'ay 'ejm a a'. 'Ix yi'n 'at eb' q'uen bronce chi 'a Babilonia.

A Ch'an̈ Schab'il Libro Yic Yab'ixal Eb' Rey 25:17

A junjn 'oy cha, 'ec'b'al wajxque metro ste'il, 'aych chab' metro nab'a bronce smacloc sjolom, axta b'ac'b'il 'och jun q'uen malla 'icha chim, ax 'a q'ue'en, ata 'aych pax yelwnub'l 'icha yilx te granada. A jun tzo'n̈ cha, nab'a bronce smasnil, lajnn̈ej yaj sb'o chab' 'oy cha.

2 Cr 36:18

An̈jtona', smasnil yamc'ab' yic yatut Dios, niwac yet' scotcal, yet' jantcn̈ej tas 'ay ta', yet' jantcn̈ej tas 'ay 'a yatut win rey, yet' eb' 'aych yajlil yet'oc, c'uxn 'ix yij 'at smasnil 'a Babilonia.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Dn 1:2

A Dios a 'ix 'a'n 'ajxc ganar win rey Joacim yet' schon̈b' yuj win rey Nabucodonosor cha. 'Ix ya'n pax 'ajxc 'och jun tzo'n̈ syamc'ab'il yatut Dios 'a yol sc'ab' win rey cha. Ax yic 'ix japx win 'a Babilonia, 'ix ya'n 'och win jun tzo'n̈ yamc'ab' chi 'a yol yatut sdiosal. 'Ix yi'n cot win jun tzo'n̈ eb' 'aj Judá chi 'icha presoal.