Jeremías 25:3 - Chuj San Sebastian Bible

³ Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.

Chuj San Mateo Bible

³ Ayic 13 ab'il yoch vin̈aj Josías yuninal vin̈aj Amón reyal d'a Judá tic, ix el yich slolon Jehová d'ayin, yuj chi' 23 ab'ilxo slolonn̈ej d'ayin. Tzijtum el ix val d'ayex, palta man̈ jab'oc tze cha eyab'i.

Jeremías 25:3 Iomraidhean Croise

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

A Ch'an̈ B'ab'el Libro Yic Yab'ixal Eb' Rey 22:3

Wal 'a yojltac win Josafat, 'ix yaln win sreyl Israel chi 'ixtc 'a eb' 'aych yopiso yet'oc: —Ax tic, caw eyojc si'mb'il, to a lum chon̈b' Ramot 'a yol yic Galaad quiquec lu'um, palta ¿tas yuj matz quijec 'ec' lum 'a win sreyl Siria cha? xchi winac.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

2 Cr 34:1

A Josías cha, wajxque ab'il sq'uinal yic schan 'el yich ya'n reyal, 31 ab'il 'ix yac' reyl 'a Jerusalén.

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

2 Cr 34:8

A 'a yic swajxclajn̈il ab'il xo yoch reyal, yic tox 'ix lajw sacb'tzan jun nacion̈ cha, yet' yatut Jehová sDiosal, 'ixta to b'i'an, 'ix ya'n nipxc yatut Jehová cha. 'Ix can jun munljel chi 'a yib'n̈ Safán, yunnal Azalía, yet' Amasías sgobernadoral chon̈ab', yet' pax Joah, yunnal Joacaz win 'ajtz'ib'.

2 Cr 36:15

A Jehová sDiosal eb' yet' smam yicham, a x'a'n tennb'ilal 'a eb' yuj eb' schecab', yujto caw tz'o'ch sc'ojl 'a schon̈ab', yet' 'a scajnub'.

Salmos 81:13

A eb' in chon̈ab', comnoc xyab' eb' tas xwala; comnoc sb'eylb'ej eb' israel tas xwal 'a 'a.

Ex 8:20

'Ix yaln pax Jehová 'a Moisés 'ixtic: —A yic q'uic'an 'a caw sq'uin̈b'il to, 'oj 'at win rey 'a sti a niwn a'. Yuj cha, tzach caw seb' q'ue wa'an, tz'at alnc 'a winac to an Jehová in, an tzwal 'ixtic: Chaj 'at eb' in chon̈b' tic yic tz'at ya'nc eb' 'emmquilal 'ayin.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Jeremías 1:2

A yic yoxlajn̈il xo ab'il yoch win Josías yunnal Amón reyl 'a chon̈b' Judá, ata x'el yich spaxtin Jehová 'ayin.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 25:4

Wach'xam til wal 'ejm schecjnac cot Jehová eb' schecb' 'ayex, palta toc xe chaj eyab'i', ma'ix eyiclj xon jab'oc.

Jeremías 26:5

Ma'ix e chaj eyab' pax tas xwac' yal eb' in checab', caw niwn 'ejm yaljnac eb' 'ayex, atn jun tzo'n̈ an̈ja matz e chaj eyab' ticnec.

Jeremías 29:19

yujto ma'ix schaj eb' yab' tas 'ix wac' yal eb' in checab', caw niwn 'ejm xyal eb' 'a eb'. An Jehová in, an tzwala to an̈jtona ax tic, ma'ix e chaj eyab' pax jun xo.

Jeremías 32:33

Ma'ix cot q'ueln eb' 'ayin, palta to a yichspatc eb' xya' cot 'ayin. Wach'xam caw ma'ix 'och wan in cuyn eb', palta ma'ix schaj xon eb' yab'i', a tas 'aj xin tench wan eb', caw may yel'ch 'a sat eb'.

Jeremías 35:14

A eb' yin̈tl Jonadab yunnal Recab, caw tzyiclj eb' tas yaljnac smam yichm cha, to matz yu'j eb' yal uva. Caw syiclj eb' tas yaljnac smam yichm cha. 'Ixta in pax an tic, til wal 'ejm xwal in checnb'il 'ayex. Palta caw an̈ja matz eyiclej.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 36:1

A yic schan̈l ab'il xo yoch Joacim win yunnal Josías reyl 'a Judá, ata 'ix yal Jehová 'ayn 'ixtic:

Jeremías 36:2

'Ij cot junc ch'an̈ un̈ 'aj tzach tz'ib'ni, tzlajw cha, tza tz'ib'n can smasnil tas 'ix walcn 'el 'a yib'n̈ Israel, 'a Judá, yet' 'a jun tzo'n̈ xo nacion̈, yictax in yamn 'och wal 'aych 'a yol stiempoal Josías masnto ticnec.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Jeremías 7:13

An Jehová in, an xwal 'ayx 'a b'ab'el, yet' 'a schalal yuj e b'eyb'al cha, palta ax tic, ma'ix e chaj eyab' tas xwala.

Jeremías 7:25

Yictax yelt eb' e mam eyichm 'a Egipto, masnto 'a jun c'u tic, 'ix in checn̈j 'at eb' in checb' eyet'oc.

Ez 33:4

Toto 'ay mach matz chaj yab'i' yic tz'oc' q'uen trompeta cha, ax tz'aji tzcham yuj eb' 'ajc'ojl cha, mun tzyij cot chaml 'a yib'an̈.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Mr 1:35

Ax 'a yic 'ayt sacb'i, q'ui't wal jab'xo 'ix q'ue wan Jesús, 'ix 'at 'a sti 'el chon̈ab', axta xleslwi.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Jn 8:47

A eb' yic Dios, tzya'ch eb' schicn 'a spaxti'. Palta ax xo tic, man̈ ex yico'oc Dios. Yuj cha, matz yal e c'ojl tzeya'ch e chicn 'a 'a, xchi Jesús 'a eb'.

2 Ti 4:2

Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.