Jeremías 22:6 - Chuj San Sebastian Bible

⁶ 'Ix yaln Jehová 'ixtic: A sdespacho win sreyl Judá, lajn yilx 'a in sat 'icha swach'l yilx lum Galaad, 'icha pax jolm witz Líbano. Palta tzwa'cn in ti', to 'oj wa'cn 'och 'a cusltac lumal. Man̈x 'a mach 'oj can cajn 'a jun despacho tic.

Chuj San Mateo Bible

⁶ Ix yalanxi Jehová icha tic. A spalacio vin̈ sreyal Judá, a d'a yol in sat lajan val icha svach'il yilji lum Galaad, icha pax lum jolom vitz Líbano. Palta svac' in ti' svalani to ol meltzajcanoch icha tz'inan luumal. Man̈xa mach ol cajnaj d'ay.

Jeremías 22:6 Iomraidhean Croise

Gn 37:25

Xlajw cha, x'em wocn eb' swa'i. Ya' sb'a cha, xyiln eb' scot jun tzo'n̈ eb' ismaelita xcot 'a Galaad, 'ay perjuma, bálsamo yet' mirra 'aych 'a yib'n̈ scameyo ewinac, yic tz'at schon̈c eb' 'a Egipto.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Cantares 4:1

Ach cob's 'ix to chamc'ojlb'il wu'uj, caw wal wach' elxi, nib'jub'tac elx 'ochi. A yol a sat, caw wach' yaj 'elt q'ueln 'a yojl 'och te nip 'ay 'emt 'a a sat, lajn wal yilx 'icha yol sat no 'uch. A xil a jolom, lajn wal yaj 'ejm tzicn 'icha yemt quitzcnoc no chiwo 'a lum spa'nil switzl Galaad.

Cantares 5:15

A yoc na, lajn yilx 'icha junc piral b'ob'il 'a q'uen mármol, te'n 'ejm q'uen 'a yib'n̈ sb'achnub'al nab'a oro, lajn pax yilx ni 'icha te c'ute niwc stel 'ay 'a Líbano.

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 37:24

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw niwc stel 'a yol yic Líbano. Xin ch'acn te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ayb't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Jeremías 21:11

Al pax 'a eb' sreyl Judá, atn eb' yin̈tl can David, to an tzwal 'ixtc 'a eb': Tzcham wal e maclni eyab' tas tzwal an Jehová in tic: Wach' cab' tzeyutj e b'eyc'ojlwi 'a junjn c'u. Tze col eb' tz'ixtx yuj eb' 'ixtm 'anma'. Toto tu tzeyutj e b'eyc'ojlwi cha, 'oj jawc yowl in c'ojl 'a eyib'n̈ 'icha junc c'ac' caw ow sn̈ilchji, man̈x 'a mach tztac' sma'n tupoc.

Jeremías 21:14

An Jehová in, an tzwala, to 'oj wa'ch yailal wal 'a eyib'an̈, 'icha wal tas smoj e chan yuj tas tz'el e b'oni. 'Oj wa'ch sc'a'l e despacho, ax smasnil tas 'ay 'a spatquil 'eli, 'oj tz'aoc, xchi Dios, xin chi 'a eb' schecb' win rey Sedequías cha.

Jeremías 22:24

A Jehová tzaln 'ixtc 'a Jeconías sreyl Judá win yunnal Joacim: Wach'xam ach tic, caw 'ay tzach 'och wu'uj, 'icha junc colc'ab' 'aych 'a swach' c'ab' eb' niwc winac, palta tzwac' in ti', to 'oj ach in julcn 'eli.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 4:20

Caw tzoltzni sjaw yab'xil yailal tzlaj uji. Smasnil jun nacion̈ tic, caw tox 'ix 'ixtx 'eli. Wal 'a yajn̈ej xma'x 'ejm lan̈chjoc watut, caw x'ixtx 'el 'aj tzin 'ec' cajan.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 50:12

Yuj cha, a e chon̈b' 'aj 'aljnac ex, caw q'uixweltac 'oj 'ajcni. Slajb'xoj 'oj 'ajcn 'a yib'n̈ jun tzo'n̈ xo nacion̈. Tacn̈ lum 'oj 'ajcni, man̈x 'a tas 'oj can 'a 'a.

Jeremías 7:34

'Oj wac' sat chan̈ eb' 'anma 'a yoltc chon̈b' Judá. Ax 'a yoltc scayeal Jerusalén, man̈x 'a b'it yic q'uin̈ 'oj 'ochoc, man̈x 'a tzaljc'ojlal. Man̈x 'a pax b'it yic nupnel 'oj 'ochoc, 'icha wal lum cusltac lu'um, 'ixta 'oj 'ajcn jun chon̈b' tic, xchi Dios.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Zacarías 11:1

Jacw cab' b'e 'a Líbano, ax smasnil te c'ute 'ay ta', tz'a cab' te yuj c'ac'.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Dt 3:25

Tzin tew wal 'ayach, comnoc tzin a chaj 'ec' 'a sc'axpil 'ec' a Jordán tic. Tzin nib'j tzin c'och 'a sat jun lum caw wach' cha. Tzin nib'j wal tz'at wil lum lum 'ay 'a jolmctac witz cha, yet' pax lum Líbano, xin chi 'a 'a.