Jeremías 22:17 - Chuj San Sebastian Bible

¹⁷ Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Chuj San Mateo Bible

¹⁷ Palta a ach tic, an̈ej b'eyumal tza nib'ej d'a spatic chucal. Tza checan miljoccham eb' anima malaj smul, tzixtan eb' etchon̈ab', xchi Jehová.

Jeremías 22:17 Iomraidhean Croise

A Ch'an̈ B'ab'el Libro Yic Yab'ixal Eb' Rey 21:19

'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

A Ch'an̈ Schab'il Libro Yic Yab'ixal Eb' Rey 23:37

Caw maysch'olnil x'el sb'on 'a sat Jehová, lajn 'icha sb'ojnac eb' smam yicham.

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

2 Cr 36:8

Ax jantcto yab'xil Joacim, yet' sb'eyb'al to maysch'olnil, yet' pax tas tu 'ix 'el sb'oni, ata tz'ib'b'il can 'a ch'an̈ libro yic yab'xil eb' sreyl Israel yet' Judá. Ax jun yunnal tzcuch Joaquín, a x'ochx can reyl sjeloc.

Job 31:7

Q'uinloc xwij 'el in b'a 'a jun b'eyb'al yic tojlal, mto xwa't in b'a 'a scal tas nib'b'entac yochi, mto 'ay tas man̈ wico'oc x'ilchj 'ayin,

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Pr 24:2

yujto cojn 'elc'l nab'il yuj eb', cojn tu paxti'al tzlaj yal eb'.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Jeremías 19:4

Yujto in eyactjcani, xeya'n can 'och jun lum tic slumoc jun tzo'n̈ chuc diosal. 'Ix eya'n tz'a incienso 'a jun tzo'n̈ comn dios cha, jun tzo'n̈ to man̈ eyojcoc, an̈jtona eb' e mam eyicham, yet' pax eb' e reyal, man̈ yojcoc pax eb'. Caw niwn eb' 'anma may smul xe mil chamoc.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Jeremías 6:6

A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Jeremías 7:6

Man̈x eyixtc eb' chuc chon̈b'al, eb' meb'a 'unn chamnc smam yet' eb' 'ix 'ix chamnc yichmil. Man̈x e mil cham eb' 'anma may smul. Man̈x eyac' 'emmquilal 'a jun tzo'n̈ comn dios tzex jun 'eli.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Ez 19:6

A yic x'och no quelmal, 'ix c'och no 'a scal e no mam león cha. 'Ix scuyn sb'a no syamn schib'ej, ax x'aji, 'anma syam pax no schib'joc.

Ez 19:7

'Ix laj smac' 'ejm lan̈chjoc no jun tzo'n̈ cuartel, til wal chon̈b' xyac' juwc 'el no', 'ix juw 'el pax sat lum lum yu'uj. A yic tz'el yaw no', caw wal tzxiw smasnil 'anma yu'uj.

Ez 19:9

Xya'ch eb' ch'oc 'a 'a, smacn 'och eb' 'a yol jaula, xyi'n 'at eb' 'a win sreyl Babilonia, axta xya'ch eb' 'a preso. 'Ixta xyutj eb' sec man̈xtzac 'ab'x yel yaw 'a lum jolmctac witz yic chon̈b' Israel. (A tzyal 'el'ch jun 'ab'x tic atn snun eb' sreyl chon̈b' Israel.)

Ez 22:6

Ax eb' syajlil chon̈ab', yaln̈ej tas yopiso eb', tzyac' eb' yip smilw 'anma'.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Miqueas 2:2

Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Miqueas 3:10

A tas tzeyij 'ec' can 'a eb' 'anma tze mila, yet' tas man̈ tojloc tzeyutj e b'onyaji, a yet' jun tumn chi tze b'o chan̈ Jerusalén, atn chon̈b' yic tzaln Sión.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Ro 1:29

C'aync eb' yet' jantcn̈ej tu nab'enal, [yet' 'ajmulal]. An̈j maysch'olnil 'aj 'aych snab'en eb'. Tznib'j 'och eb' ricoal. Caw tu eb'. Tznib'n 'och eb' tas 'ay 'a junc xo mach. Ma'm cham 'anma eb'. 'A'm owl eb'. 'Ixtm 'anma eb'. Caw palta sb'eyb'al eb'. Alm peclal pax eb'.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

Josué 7:21

A 'a scal jun tzo'n̈ tas 'ay 'a Jericó, ata xwij cot jun te pichl cotnc 'a Babilonia, yujto caw wach' yilxi. Xwi'n cot chab' ciente q'uen plata yet' jun teln̈ q'uen oro, 'ec'b'al jun libra yalil. 'Ix in nib'j 'och jun tzo'n̈ tic, yuj cha, xwi'n coti. Ata mucn eb' wuj 'a yol in mantiado. A 'a yaln̈ te pichl cha, ata c'ub'b'il 'el q'uen tumn chi wu'uj, xchi winac.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

A Ch'an̈ B'ab'el Libro Samuel 8:3

Palta a eb' 'unnab'il cha, man̈oc sb'eyb'al smam eb' chi xyi'aj. 'Ix snib'j eb' tz'och ricoal, yuj cha sc'ultac chan eb' tumin, maysch'olnil tzyutj eb' sb'onyaj junc tas.