Jeremías 22:13 - Chuj San Sebastian Bible

¹³ 'Oltacch wali, yuj wal a maysch'olnilal, tza b'on chan̈ a despacho, yet' atut to niwc tz'ajb't 'a cha'an̈. Tzac' munljoc eb' 'anma', palta matz a toj sc'u eb'.

Chuj San Mateo Bible

¹³ Ob'iltac ach, yuj val a chucal tza b'oanq'ue a palacio yed' a nivac pat. Tzac' munlaj eb' anima, palta max a tuplaj sc'u eb'.

Jeremías 22:13 Iomraidhean Croise

2 Cr 36:5

A Joacim 25 ab'il sq'uinal, yic schan 'el yich ya'n reyal, uxlche ab'il xyac' reyl 'a Jerusalén. Palta caw maysch'olnil x'el sb'on 'a sat Jehová sDiosal.

Job 31:39

Q'uinloc 'ay tas ton̈j in c'uxjnac 'a smunljel junc mach, man̈toc tojb'il wu'uj, toto yixtjnac sb'a jun 'ay yic lum lum chi sb'oni,

Is 5:8

'Oltac wal eb' cob' niwn yatut tzb'o'o, tzcob' smacn 'ec' eb' lum lum smasnil yico'oc. Tznib'n eb' to man̈x 'a tas tzcan 'a junc xo mach, tznib'n pax eb' to cojxn eb' tzcajn junc chon̈b' cha.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Jeremías 22:18

'Ix yal Jehová 'ixtc yuj win Joacim sreyl Judá win yunnal Josías: May junc mach 'oj 'oc' yuj schamlil Joacim, may junc mach 'oj 'oc'oc yic tzyaln 'ixtic: 'Oltacn̈ wal ach wit 'anma'il, caw 'ix cham win qui reyal, 'oltac wal winac, man̈ xchic eb'.

Lv 19:13

Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

Miqueas 3:10

A tas tzeyij 'ec' can 'a eb' 'anma tze mila, yet' tas man̈ tojloc tzeyutj e b'onyaji, a yet' jun tumn chi tze b'o chan̈ Jerusalén, atn chon̈b' yic tzaln Sión.

Habacuc 2:12

'Oltacx wali, xcob' laj e b'o e chon̈b' yuj smasnil tas xlaj eyac' ganar 'a spatc maysch'olnil. Ex 'och ricoal yuj e milm cham 'anma'il.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Dt 15:13

A yic tzeya'n paxoc, man̈ eyac' meltzjoc 'a 'ichn̈jta', 'ay cab' jac tas tzeyac' 'a 'a.

Santiago 5:4

A eb' e majn xmunlj 'ayex, 'in ma'ix e toj eb', ton̈j xeyixtj paxti eb'. Yuj cha, tz'awj chan̈ eb' 'a e patic, tzyaln eb' e mul. Ax yaw eb' cha, tzc'och 'a Cajlil 'a satcha'an̈.