Jeremías 2:7 - Chuj San Sebastian Bible

⁷ An wijnac 'och eb' 'a sat jun lum lum caw 'ay syaxil sat tic, sec wach' tzc'ux eb' tas wach' tz'el-l 'a sat lu'um. Palta ax xo ax yin̈tl ex eb' tic, ex cajn ex 'a sat in lum tic, caw xjuw 'el lum eyu'uj, eyuj ton wal b'i'an, yuj cha, man̈xtzac in nib'j jun lum tic.

Chuj San Mateo Bible

⁷ A in ix vac'och eb' d'a lum te yax sat tic, b'aj te ay tas vach' syab'lej eb'. Palta a exxo yin̈tilal ex eb' tic, ex cajan ex d'a sat in luum tic, ix eyixtejb'at luum yuj e chucal, yuj chi' maxtzac scha in c'ol jun in luum tic.

Jeremías 2:7 Iomraidhean Croise

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Is 19:25

A Jehová tztac' yuj smasnil, 'oj yac' swach'c'ojlal 'a yib'n̈ eb' nacion̈ cha, ax yaln 'ixtic: 'Oj wac' in wach'c'ojlal 'a yib'n̈ in chon̈b' Egipto, yet' 'a yib'n̈ Asiria, atn in b'ob'en, yet' 'a yib'n̈ Israel, atn jun chon̈b' to wic xon yaji, 'oj schioc.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Jeremías 3:9

Yujto may yel'ch 'ajmulal chi 'a sat eb' israel, yuj cha, 'ix juw 'el lum lum tic yuj eb'. 'Ix ya'n eb' 'emmquilal 'a q'uen q'ue'en, yet' 'a te te'.

Jeremías 32:23

Palta a yic x'och eb' scaj jun lum tic, yic 'ix schan eb' smacl lu'um, caw man̈x 'ic schaj eb' yab' tas 'ix ala, man̈x 'ic syiclj eb' a checnb'il, ma'ix sb'o eb' tas 'ix ac' sb'o'. Yuj cha, 'ix a'n cot jun niwquil yailal tic 'a quib'n̈ on̈.

Jeremías 32:30

Yictax yel yich chon̈b' Israel, 'ix sb'eylb'ej eb' jun tzo'n̈ tas matz chaj in c'ojol, 'ixta pax eb' et chon̈b' 'ay 'a Judá. An Jehová in, an tzwala to caw matz yactj eb' stzuntzn cot yowl in c'ojol yet' jun tzo'n̈ yechl mun b'ob'il yuj eb'.

Ez 20:24

Yujto ma'ix sb'eylb'ej eb' in ley yet' in checnb'il, ma'ix syiclj eb' sc'ul 'iljelal to wic yaji, 'ix ya'n 'och eb' snab'en 'a jun tzo'n̈ sdiosal smam yicham,

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 20:6

A 'a jun tiempoal cha, ata 'ix wa'cn in ti', to tzwij 'elt eb' 'a Egipto, tzwi'n cot eb' 'a lum lum caw wal 'ay syaxil sat, atn lum yel xo wal wach' 'a yib'n̈ lum lum smasnil.

Ez 23:35

Yuj cha, an Jehová in, an tzwal 'ixtic: Yujto 'ix ac' sat a c'ojl 'ayin, in a patquilj can 'eli, yuj cha, 'oj wac' ab' syal yuj ajmulal cha, xchi Dios 'a yib'n̈ Jerusalén.

Ez 36:17

Ach 'anma', a yic 'ayt 'ec' eb' e mam eyichm 'a slu'um, caw wal xyixtj 'el slum chi yuj stu b'eyb'al. A jun sb'eyb'al eb' cha, caw wal yajb'il 'el wu'uj.

Os 9:3

Man̈x 'oj stac' eya'jc 'a schon̈b' Jehová. 'Oj e 'atx can 'a Egipto. A 'a chon̈b' Asiria, ata 'oj e c'ux tas man̈ wach'c 'icha yaln ley.

Miqueas 2:10

Q'uen̈ec wa'an, 'ixquec. Man̈x smojc 'ayx 'ec' 'a tic, yujto til wal maysch'olnil x'el e b'on 'a sat lum lum tic, yuj cha, tox xjuw 'el lum 'a jun 'ejmn̈ej.

Nm 13:27

'Ix yaln eb' 'ixtc 'a Moisés: —On̈ xit' quil lum lum chi 'aj on̈ a checb'ti. Yel ton wal b'i'an, caw wach' lu'um, yax sat lu'um, yaj sat eb' te 'awb'ente tic 'ay 'a lu'um.

Dt 21:23

a sniwnal jun 'anma cha, matz tac' scan junc 'ac'wl 'a 'aj 'ayc' cha. Yowlal tzmucx 'a jun c'u cha, sec matz eyixtj 'el lum lum 'oj yac' Jehová eyico'oc, yujto a junc 'anma tzq'ue t'un̈n 'a spenc te', tzcatb'tzax can yuj Dios.

Dt 32:9

Yujto an̈ec yin̈tl on̈ Jacob, an̈ec on̈ si'cn 'och Jehová yico'oc.

Dt 6:18

A cab' tas wach' tze b'o'o. Tojln̈ej cab' tzeyutj e b'a 'a sat Jehová, sec wach' tzex 'el'chi, ax eyica'an lum lum 'aj ya'jnac sti ya'n 'a eb' qui mam quichmec.