Jeremías 2:32 - Chuj San Sebastian Bible

³² ¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Chuj San Mateo Bible

³² ¿Tom ol sat sc'ol junoc ix cob'es d'a ston̈, ma d'a spichul ayic sb'at ix d'a nupnajel? Palta a exxo pax in chon̈ab' ex tic, junjun c'u tzin b'atn̈ej satc'olal eyuuj.

Jeremías 2:32 Iomraidhean Croise

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Gn 24:30

Yujto 'ix yil win q'uen 'icha yumchiquin, yet' q'uen brazalete 'aych 'a sc'ab' 'ix yanb' cha, 'ix yab'n pax tas xyutj 'ix yaln tas xyal win winc cha; yuj cha, x'at Labán 'a 'aj 'ayc' win schecb' Abraham 'a sti a 'uc'b'il a cha.

Gn 24:53

Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

A Ch'an̈ Schab'l Libro Samuel 1:24

¡Ex 'ix 'aj Israel, 'o'n̈ec yuj Saúl! atn jun man̈x jantcoc sja'l ex spichn yet' e pichul, xya'n pax 'och q'uen oro yelwnub'loc e pichl cha.

Salmos 106:21

'Ix ya'n sat eb' sc'ojl 'aych Mamin, palta to colwjum aj 'a eb', til wal tas satjub'tac xa b'o 'a Egipto yuj eb'.

Salmos 9:17

A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Jeremías 13:10

A jun tzo'n̈ et chon̈b' yel xo wal maysch'olnil tic, caw matz nib'j eb' tzyiclj in checnb'il, cojn tas tzchaj sc'ojl eb', an̈j chi tzb'o eb'. 'Ix 'och tza'n eb' yuj jun tzo'n̈ comn dios yic tzya'n servil eb', yet' yuj ya'n eb' 'emmquilal 'a 'a. An Jehová in, an tzwala to lajn wal eb' yet' jun jal-l man̈x 'a jac yopiso tic.

Jeremías 13:25

Atn wal chi 'aych xon 'a eyib'n̈ ex 'aj Israel, a chi smoj wa'n 'ayex. Yujto in 'atcn satc'ojlal eyu'uj, ax jun tzo'n̈ yechl to may jac yel'chi, axn̈ej eb' xeya'ch yipc e c'ojol.

Jeremías 18:15

Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Jeremías 2:11

Tom 'ay junc nacion̈ tox 'ix 'actn can sdiosal, wach'xam a sdiosal cha, man̈ caw Diosoc. Ax xo ax in chon̈b' ex tic, in eyactj cani, ex 'och tza'n yuj jun tzo'n̈ comn dios, wach'xam to tzex b'inax cob' wu'uj.

Jeremías 2:33

Lajn ex 'icha eb' 'ix 'ajmul 'ix, yojc b'e 'aj tz'ati yic tzsayn 'ec' ewin winac. 'Ixta ex jun xo. ¡Cuywjum ex 'a tas maysch'olnil!

Jeremías 23:27

A jun tzo'n̈ eb' cha, tzna eb' tas tzin 'aj in 'atcn satc'ojlal yuj eb' in chon̈ab', yuj swaych eb' tzyal-laj 'a jun jun. 'Icha wal yutjnac sb'a eb' e mam eyicham, 'atnc in satc'ojlal yuj eb', cojxn̈ej Baal xyac' servil eb'.

Jeremías 3:21

Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.

Jueces 8:34

'Ix yac' eb' israel sat sc'ojl 'a Jehová sDiosal. Man̈x 'ic sna cot eb', toto a xcoln eb' 'a yol sc'ab' eb' 'ajc'ojl oyn 'och 'a 'a.