Jeremías 2:26 - Chuj San Sebastian Bible

²⁶ 'Icha wal tz'aj sq'uixw 'el junc 'elc'm 'a yic tz'ilchji, 'ixta 'oj eyaj e q'uixw 'el ex israel yet' eb' e reyal, eb' sat yajal, eb' ya'mal 'och e ti 'ayin, yet' pax ex in checab'.

Chuj San Mateo Bible

²⁶ Icha val sq'uixvi junoc elc'um ayic syamchajelta, icha val chi' ol aj e q'uixvi a ex israel ex tic yed' eb' e reyal, eb' eyajal, eb' sacerdote yed' pax eb' syaloch sb'a in checab'oc.

Jeremías 2:26 Iomraidhean Croise

Esdras 9:7

Yictax 'a yol stiempoal eb' qui mam quichm on̈, masnto ticnec, caw wal 'ayn̈ 'at 'a scal maysch'olnil on̈. On̈ 'ajx 'och 'a yol sc'ab' sreyl jun tzo'n̈ xo nacion̈ yet' eb' qui reyal, yet' pax eb' ya'mal 'och qui ti 'a 'aych on̈. 'Ay mach xlaj milx cham 'ayn̈ on̈, on̈ laj 'ijxc 'at 'a 'icha presoal on̈, 'ix laj 'el'x 'at tastc 'ay 'ayn̈ on̈, caw wal q'uixweltac on̈ 'ajcni, 'icha wal caj ticnec on̈.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Is 1:29

'Ixta to b'i'an ax eyecn q'uixwc e b'a, yujto xlaj eyal e b'a 'a yechl jun tzo'n̈ comn dios, xeyi'n 'ejm e b'a 'a eb' te niwc mach' 'ay 'a calte'.

Is 44:11

Smasnil eb' tzyac' 'emmquilal 'a jun tzo'n̈ yechl cha, 'oj q'uixwc can 'el eb'. A eb' tzb'on jun tzo'n̈ yechl cha, 'anman̈ej eb'. Toto tzmolb'tzej sb'a eb' smasnil 'a wojltac, yic tzin b'eyc'ojlan eb', caw wal 'oj tzq'uixw can 'el eb', ax xiw chan̈ eb'.

Is 44:9

A eb' tzb'on yechl jun tzo'n̈ comn dios, may jac yel'ch eb', may pax yel'ch jun tzo'n̈ yechl tzchamc'ojlej eb' cha. A eb' tz'och 'emmquilal 'a jun tzo'n̈ cha, 'icha to matz uj yiln eb'. May snab'en eb', yuj cha, caw 'oj can eb' 'a q'uixwc'ojlal yu'uj.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Jeremías 22:22

'Oj 'ijxoc 'at eb' eyajlil yuj eb' 'ajc'ojl 'icha junc niwquil 'ic', ax eb' 'aych eyet'oc, 'oj 'ijxoc 'at eb' 'icha presoal. Toxn̈ej 'oj e q'uixw can 'eli. Man̈x 'a yel'ch 'oj eyajcni, yuj ton wal e maysch'olnilal.

Jeremías 32:32

A eb' israel yet' eb' et chon̈b' 'aj Judá cha, caw stzuntzj cot eb' yowl in c'ojl yuj jun tzo'n̈ smaysch'olnilal xlaj sb'o'. Lajn xoj tas tz'el sb'on eb' yet' sreyal, eb' yajal, eb' ya'mal 'och sti eb' 'ayin, eb' in checab', yet' pax smasnil eb' 'anma cajn 'a Jerusalén yet' 'a Judá.

Jeremías 4:9

A Jehová tzaln pax 'ixtic: A yic 'oj jawc jun c'u cha, a wal win rey yet' eb' yajl 'aych yet'oc, caw 'oj 'ib'xoc eb' yuj xiwlal. A eb' ya'mal 'och sti eb' 'anma 'ayin, toxn̈ej 'oj satcn sc'ojl eb', ax eb' in checab', caw 'oj xib'tc sb'a eb', xchi Dios.

Jeremías 48:27

Ex 'aj Moab, nac coti chajtlto e tzetzjnac eb' 'aj Israel, e b'uchjnac eb', 'icha xo 'elc'm yaj eb' 'a e sat.

Ez 16:54

sec 'oj techjoc q'uixwelal yu'uj, yic tzyi'n 'ejm sb'a yuj tas sb'o cha. 'Oj 'och sniwnalc sc'ojl chab' chon̈b' cha,

Ez 22:26

Ax eb' ya'mal 'och sti eb' 'anma 'a scal eb', ma'ix syiclj eb' in ley, may yel'ch xyutj eb' in cajnub', a tas wic yaji, may yel'ch 'a sat eb'; ma'ix schecltej 'el eb' 'aj 'ay tas wach' yet' tas maysch'olnil 'a sat ley, ma'ix syiclj eb' sc'ul 'iljelal wic yaji, may wel'ch xon jac 'a sat eb'.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.