Jeremías 2:25 - Chuj San Sebastian Bible

²⁵ ¡Ex 'aj Israel, 'ochn̈ec wan eyoyb'x 'ec' e sayn 'ec' e diosal. Nab'an̈ej tze mac' lajwc eyoc, nab'an̈ej tztacj e ti eyeq'ui! Palta ax tic, xeyal 'ixtic: Ma'ay, an̈ tic on̈, tox 'ix ca'ch qui c'ojl 'a jun tzo'n̈ comn dios on̈, yuj cha, 'oj cochn̈j tza'n yuj eb' on̈, xe chi.

Chuj San Mateo Bible

²⁵ Ex israel, actejec e b'eyec' e sayanec' e comon diosal. Nab'an̈ej slajvi eyoc yed' stacji e ti' e b'eyeq'ui. Palta a ex tic tzeyala': Maay, ayoch co pensar d'a juntzan̈ comon dios, yuj chi' ol caln̈ej co b'a d'ay, xe chi.

Jeremías 2:25 Iomraidhean Croise

2 Cr 28:22

Wach'xam caw niwn yailal xjaw 'a yib'n̈ rey Acaz cha, palta an̈ja yoch smul 'a Jehová.

2 Cr 28:23

'Ix yac' xajmb'al 'a jun tzo'n̈ scomn diosal eb' 'aj Damasco, yujto x'ajx ganar yuj eb'. Xyaln cob' 'ixtic: A jun tzo'n̈ sdiosal eb' sirio tzcolwj 'a eb' sreyal, an̈jtona 'in, 'oj wac' in xajmb'al 'a jun tzo'n̈ sdiosal eb' cha, sec wach' 'oj colwjc pax eb' 'ayin, xchi Acaz. 'Ixtnta x'aj swach' cot 'a yib'n̈ yet' smasnil eb' yit chon̈ab'.

Is 2:6

Mamin Jehová, yel ton wal b'i'an 'actb'il can eb' a chon̈b' tic o'oj, atn eb' yin̈tl can Jacob, yujto til wal tz'aj sniwtj eb' 'ajchum 'a jun chon̈b' tic, atn eb' xlaj cot 'a stojlal 'aj tzq'uel c'u yet' eb' tznan 'el paxti', 'icha tzyutj sb'a eb' filisteo. Tzlaj sb'o eb' strato yet' eb' chuc chon̈b'al.

Is 57:10

Caw tzex c'unb' laj eyec' 'a najt cha, palta matz nachj xon 'el jac eyu'uj, to may jac yel'ch jun tzlaj e b'o cha. Yujto 'ay cob' tas tze nib'j eyic', yuj cha, matz cob' ex 'och wan eyeq'ui.

Jeremías 13:21

'Ix yaln Jehová 'ixtic: ¿Tas 'oj eyal ticnec ex 'aj Jerusalén, yic 'oj 'och jun tzo'n̈ 'anma yac' yajlil 'a eyib'an̈, atn jun tzo'n̈ eb' xe sayq'ui, yic tz'och eb' e wach'c'ojloc? 'Oj ya'ch wal eb' yailal 'a eyib'n̈ si'mb'il, 'icha yab'n junc 'ix 'ix syail yic tz'alj yune'.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Jeremías 18:12

Ax yaln eb' 'aych 'ixtic: Man̈ extc a tiempo on̈ a tenn 'och wan 'a jun tzo'n̈ cha. Yujto an̈ tic, tzqui nib'j tzon̈ b'eyn̈j 'ixtic, junjn on̈, 'oj qui b'o tas maysch'olnil 'icha tznib'j qui c'ojol, 'oj schic eb' 'ayach, xchi 'ayin.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 22:20

'Ix yaln Jehová 'ixtic: Ex 'aj Judá, q'uen̈ec c'och 'a jolm witz Líbano, tzlajw cha, tzex 'awj ta'. Caw 'ip tzex 'awj 'a lum jolmctac witz 'ay 'a Basán, yet' pax 'a eb' lum tzalctac 'a yol yic Abarim. Yujto smasnil eb' 'aych eyet'oc, c'uxn satl eb'.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Lm 1:2

Lajn 'icha junc 'ix 'ix ji'jmtac yoc' 'a junjn 'ac'wal; jichlji yem yal sat 'a spac'b'il sti'. Ax eb' nacion̈ wach' cob' yaj yet'oc, may junc eb' tz'a'n sniwnal sc'ojol. Smasnil eb' swach'c'ojl cha, 'ix meltzj 'och eb' 'ajc'ojlal 'a 'a.

Lm 4:4

A eb' 'unn tzat chuwi, caw wal 'ay stacn̈til eb', tzcan tzayn yac' eb' 'a yol sjom. Tzcob' sc'an eb' tas tzc'uxu, palta may mach tz'a'n 'a eb'.

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Os 2:3

Toto ma'oj sb'o 'icha tzwal tic, 'oj wi'l sq'uixwel, 'oj in jitcn 'eli, 'icha yajl jitan yic yalji. 'Icha pax lum tacn̈ lu'um, 'ixta 'oj wutc cani, ax scham yuj tacn̈ti'al.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Malaquías 3:14

'In 'ixtc wal tzeyutj eyalni: Nab'an̈ej tzca'c servil Dios. ¿Tas wal 'oj ca'c ganar, toto tzqui yicljec tas tzyala, yic tzca'nec 'och qui pichl n̈achtac sat 'a yojltac, yic tzqui ch'oxnec 'el qui cusc'ojlal yuj qui mul?

Lc 15:22

Palta ax smam cha, xyaln 'ixtc 'a eb' smoso: 'Ixquec muc'uc, 'at 'ijec cot jun tzo'n̈ pichl caw wach', tzeya'n 'och 'a jun wunnal tic. Tzeya'ch scolc'ab', tzeya'n 'och xan̈ab'.

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Ro 8:24

Yictax on̈ colchjec, tzca'c 'och yipc qui c'ojol, to 'oj qui wach' chac qui colnb'ilec. Q'uinloc tox 'ix qui chajec jun chi ticnec, to 'ixta', man̈x yowlalc tzat qui tan̈wjec sjawi. Yujto a tas tzquilc yet' qui sat, man̈xtzac qui tan̈wjec sjawi.

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.

Dt 32:16

Caw 'oj e tzuntzc cot yowl sc'ojl Dios, yujto 'oj eyac' 'ejm e b'a 'a jun tzo'n̈ yechl comn dios to yajb'il 'el yuj Jehová.