Jeremías 2:23 - Chuj San Sebastian Bible

²³ 'Oj cob' eyal 'ixtic: An̈ tic on̈, may on̈ x'och qui mul on̈, may on̈ xcac' 'emmquilal 'a jun tzo'n̈ comn dios, 'oj e chioc. Nac coti, tas xeyutj e b'eyb'al 'a yic 'ayx 'ec' 'a lum niwn pan̈an. Nac coti, tas wal 'ix 'el e b'on ta', ton̈j tzex comn oyb'x 'ec' 'a smasnil lugar yuj eya'n 'emmquilal 'a jun tzo'n̈ comn dios, 'icha tzyac' junc no nun cameyo tzoyb'x 'ec' sayn 'ec' no smam.

Chuj San Mateo Bible

²³ Tze comon alan icha tic: A on̈ tic maj co juel co b'a calan co b'a d'a comon dios, xe chi. Naeccoti, tas ix eyutej e b'a d'a lum ch'olquixtac. Ton̈ej tzex comon ec' jechechoc icha junoc noc' nun camello sayanec' noc' smam.

Jeremías 2:23 Iomraidhean Croise

Ester 8:16

Yuj cha, a eb' israel caw wal x'el leynjoc xyil eb', man̈x jantcoc stzaljc'ojlal eb', caw x'ijx chan̈ eb' xyab'i.

Salmos 36:2

Tzyalch sb'a eb' wach'il, man̈ 'ojcab'ilc smul eb' chi snani; palta matz yactj eb' sayn smuloc.

Salmos 50:21

Atn smasnil e mul tic, an xo ton̈j tzin 'och q'ueln 'ayex. Am wal e nani to lajn in eyet'oc. Q'uelc'mb'a 'oj waj eyet'oc, ax waln 'och e mul 'a e sat.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Pr 30:12

'Ay pax mach tznani to caw may xon jac smul, palta mantzac sb'o yaj smul 'a yib'an̈.

Pr 30:20

Caw tzsat pax in c'ojl wiln tas tzyutj sb'a 'ix 'ix tzmuln 'a yol sc'ab' yichmil. A yic tzlajw smuln 'ix, tz'achn 'ix, tzlajw cha, tzyaln 'ix 'ixtic: Toc 'ay tas tu xin b'o'o, xchi cob' 'ix.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Jeremías 16:10

A yic 'oj alnc jun tzo'n̈ paxti tic 'a eb' et chon̈ab', 'oj sc'anb'c eb' 'aych 'ixtic: ¿Tas yuj 'oj ya' cot Jehová jun niwquil yailal chi 'a quib'an̈? ¿Tas wal tu xqui b'o'o? ¿Tas qui mul x'och 'a Jehová qui Diosalec? 'oj schic eb'.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Jeremías 31:22

¿B'a'n̈ to 'oj eyoch wan eyoyb'x 'ec' 'icha junc 'ix 'ix tzoyb'x 'ec' yuj stenmtaquil? An Jehová in tic, 'oj wac' ujc junc tas to mant 'a 'aj tzuj 'a yolyib'n̈q'uinl tic, to a junc 'ix 'ix, a 'oj tan̈wnoc junc winac, xchi Dios.

Jeremías 7:31

Ax 'a lum span̈nil lum Ben-hinom, ata sb'o eb' jun yet'l xajmb'al yic Tofet yic tzya'n tz'a eb' yunnal yet' yisl ta'. Palta man̈oc in xwac' sb'o eb', may 'aj 'ix 'ec' 'a in nab'en jab'oc.

Jeremías 9:14

Caw 'ix yac' pitb'oc 'el eb' snab'en, ax 'a jun tzo'n̈ comn dios 'ix 'och tza'n eb', 'icha wal yaj scuyx can eb' yuj smam yicham.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Lc 10:29

Palta ax winac, ton̈j tznib'j win scol sb'a, yuj cha, xyaln pax win 'ixtc 'a Jesús: —¿Palta mach eb' wit 'anmal chi tzyal cha? xchi win 'a 'a.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.