Jeremías 2:21 - Chuj San Sebastian Bible

²¹ 'Icha wal tz'aj yawx te uva caw wach', 'ixta 'ix wutj ex wawni, lajn ex 'icha te 'in̈t uva caw wach'. Ax ticnec, ¿tas yuj caw lajn xoj tzex 'aj 'el'ch 'icha junc te tz'usup?

Chuj San Mateo Bible

²¹ Icha val tz'aj yavchaj te' uva te vach', icha chi' ix aj ex vavani, lajan ex icha yin̈atil te' uva te vach'. ¿Tas yuj lajanxon̈ej tzex ajcan icha te' caltacte'al uva?

Jeremías 2:21 Iomraidhean Croise

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Salmos 44:2

Yet' a poder 'ix a pechn can 'el eb' chuc chon̈b'al 'a slu'um. 'Ix a satn can 'el jun tzo'n̈ niwc chon̈b' cha. Ax eb' qui mam quichm on̈, a eb' 'ix ac' cajnc jun lugar tic.

Salmos 80:8

Mamin Jehová, a 'a Egipto 'ix 'ej cot jun te snun uva; 'ix a pechn 'el jun tzo'n̈ chuc nacion̈al 'a sat slu'um, ax 'a slum eb' chi 'ix awj can pax te uva cha.

Salmos 80:9

'Ix a'nej can 'aj 'ix awj te cha, caw wal yajn̈ej 'ix 'em sch'an̈l yib' te', xb'ut'j 'el sat lum lum chi yuj te'.

Ex 15:17

'Ij on̈ 'at 'a lum jolmctac witz to ecn̈ej yaji, jun lugar to ach si'jnac can 'eli yic tzach 'aj cajn ta.

Is 1:21

Ex 'aj Jerusalén, caw te'n eyaj 'a yic yalan̈, palta ax ticnec, 'icha wal junc 'ix 'ajmul 'ix, 'ixta ex 'ajcn 'a in sat. Caw wach' e b'eyb'al 'a pecti cha, tojl e nab'en, palta ax ticnec, milm ex cham 'anma'.

Is 27:2

A 'a jun c'ul cha, 'oj yal Jehová 'ixtic: B'itnejc te 'awb'en uva to man̈x jantcoc swach'il.

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Is 5:4

¿'Ayt am jacx tzwutj te 'in b'oni? ¿'Ayt am ma'ix nachj wu'uj, tas wal tz'aj te yawxi? To cob' xin tan̈wj ya'n te sat caw wach', ax x'aji paj te sat tic.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Jeremías 11:16

Yujto a 'a yic yaln̈taxi, lajn ex 'icha junc te snun olivo caw yax xi'il, caw b'ut'jnac 'el yet' sat. Palta ax ticnec, 'oj ex wac' lajwc 'ejm 'icha tz'aj slajw 'ejm junc te te tzlo'chj 'el sc'ab' yuj junc niwquil yaxn̈ab' 'aych yic'al, mto tz'a te yuj raya.

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 5:10

¡'Och cab' eb' 'ajc'ojl satl te uva, palta man̈ smasnilc te tzsatl eb'! ¡Sb'ijl cab' eb' sc'ab' te' cha, yujto man̈x wico'oc te'!

Lm 4:1

Caw wal xq'uic'b' 'el yilx q'uen oro to caw wach', tox 'ix juw yilx stzictznil q'ue'en. Ax q'uen q'uen 'aych 'a scajnub' Dios, sactzicnac xoj yajcn eb' q'uen 'a yol caye.

Ez 15:2

Ach 'anma', ¿'aym 'aj tzab' yalxi to a te sch'an̈l uva 'ec'b'al yel'ch te 'a sc'ab' eb' te tzann̈j te'al?

Mt 21:33

'A'c 'och e chicn 'a junx 'ab'x tic 'oj wal 'ayex. 'Ay jun winc 'ix 'awn jun tzo'n̈ uva 'a slu'um. 'Ix smacn scol-lal. Sb'on jun te'lab' 'el yal uva cha. 'Ix sb'on pax q'ue jun yet'l eb' tan̈m uva chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Mr 12:1

Ax Jesús, 'ix syamn 'och yaln jun 'ab'x tic 'ixtic: 'Ay jun winac, 'ix 'awn jun tzo'n̈ uva 'a slu'um. Smacn scol-lal, sb'on jun 'aj tzte'x 'el yalil te'. 'Ix sb'on pax q'ue jun yet'l eb' tztan̈wni te', chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Lc 20:9

Xlajw cha, xyaln Jesús jun 'ab'x tic 'a eb' 'anma 'ayc' ta': —'Ay jun winc 'ix 'awn jun tzo'n̈ uva 'a slu'um. Xlajw yawn can winac, 'ix ya'n can win slum chi majnil yet' te 'awb'ente 'a jun tzo'n̈ eb' munljum winac. Xlajw cha, x'at win 'a junx lugar, najtl x'aj cajn win ta'.

Jn 15:1

'Ix yaln pax Jesús 'ixtc 'a eb' scuywum: —An tzin sch'ox cot jun te snun uva. Ax junc winc tzlaj mesn 'el sc'ab' te', a in Mam tzch'ox coti.

Dt 32:32

Caw wal tzalj eb' 'ajc'ojl chi sb'on maysch'olnil 'icha eb' 'aj Sodoma yet' eb' 'aj Gomorra. Ax stzaljc'ojlal eb', lajn̈ wal 'icha junc veneno.

Dt 4:37

A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

Josué 24:31

A eb' israel cha, caw yiclum xyutj sb'a eb' 'a Jehová yic pitznto Josué yet' eb', an̈jtona', caw wal yiclumto eb' 'a jun tzo'n̈ ley cha yic pitznto eb' 'ichmtac winc 'a scal eb', atn eb' 'ojtnac smasnil tas sb'ojnac Jehová yuj eb'.