Jeremías 2:20 - Chuj San Sebastian Bible

²⁰ A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Chuj San Mateo Bible

²⁰ Atax d'a peca' ix ex och ijan e pitan e b'a d'ayin. Maj yal e c'ol ix in e c'anab'ajej. Ix eyalani: Malaj co gana tzach cac' servil, xe chi. Axon̈ej ajmulal ix e c'ulej d'a tzalquixtac yed' d'a yichtac te te' c'ayum xiil.

Jeremías 2:20 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:32

Xlajw cha, snan Jeroboam jun q'uin̈ 'a yic olajn̈e yoch swajxquil 'uj yic junjn ab'il, 'icha jun q'uin̈ tz'ec' 'a chon̈b' Judá. 'Ix ya'n q'ue xajmb'al 'a yib'n̈ yet'l xajmb'al. 'Ixta pax sb'o 'a chon̈b' Betel, 'ix yac' xajmb'al 'a jun tzo'n̈ yechl quelm wacx 'ix sb'o'o. An̈jtona si'n pax 'och eb' yit chon̈b' ya'malc 'och sti eb' 'anma chi 'a jun tzo'n̈ yechl scomn diosal cha, sec a eb' tztan̈wni sdiosal eb' chi 'a yatutal 'a lum jolmctac witz cha.

A Ch'an̈ B'ab'el Libro Yic Yab'ixal Eb' Rey 14:23

'Ix sb'o pax eb' yet'l 'emmquilal 'a lum jolmctac witz, yet' 'a yich smasnil te te caw pim xi'il. Tzlin̈n chan̈ eb' q'uen q'uen yechloc, yet' te te sch'oxnb'il comn dios tzcuch Asera.

Salmos 107:14

'Ix yi'n 'elt eb' 'a scal q'uic'q'uinal, 'a 'aj 'ay yet'l chamel, sn̈i'chtan 'el q'uen cadena chi 'a eb'.

Salmos 2:3

Tzlaj 'el yaw eb', tzlaj yalnc eb' 'ixtic: Qui'c 'el qui b'a 'a yol sc'ab', ax qui colnec qui b'a 'a jun snab'en tic, xchi eb'.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Ex 19:8

'Ix ta'w eb' smasnil 'ixtic: —A smasnil tas tzyac' Jehová qui b'o', 'oj qui b'o 'on̈, xchi eb'. Xlajw cha, 'ix 'atx Moisés yal 'a Jehová yuj tas xyal eb' chon̈b' cha.

Ex 24:3

Xlajw cha, 'ix pax 'emt Moisés 'a lum jolm witz cha, 'ix yaln 'a eb' 'anma yuj smasnil checnb'il 'ix yal Jehová. 'Ix ta'w smasnil eb' 'anma chi 'ixtic: —Smasnil tas 'ix yal Jehová, 'oj qui yiclc on̈, xchi eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Is 1:21

Ex 'aj Jerusalén, caw te'n eyaj 'a yic yalan̈, palta ax ticnec, 'icha wal junc 'ix 'ajmul 'ix, 'ixta ex 'ajcn 'a in sat. Caw wach' e b'eyb'al 'a pecti cha, tojl e nab'en, palta ax ticnec, milm ex cham 'anma'.

Is 10:27

A 'a jun tiempoal cha, atta 'oj yi'l jun eyictz 'aych 'a eyib'n̈ yuj eb'. 'Icha tz'aj yijx 'el te yugo 'ay q'ue 'a scal sch'ac junc wacax, c'un xoj yeli, yujto wan xo laj sc'a'i, 'ixta jun eyic cha.

Is 14:25

'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Jeremías 17:2

'Intax a eb' eyunnal ax tic, tzna cot eb' jun tzo'n̈ yet'l xajmb'al, yet' jun tzo'n̈ te sch'oxnb'il comn dios, junn̈j yaj yet' te te caw pim xi'il, jun tzo'n̈ 'ay 'a lum tzalctac caw chan̈ yaj cha'an̈,

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

Jeremías 30:8

An Jehová in, tztac' wuj smasnil, an tzwala: Caw 'oj in col 'elt eb' in chon̈b' 'a 'aj 'aych mosoal. Man̈x 'oj 'och eb' mosoal 'a eb' chuc chon̈b'al jun 'ejm xo.

Jeremías 5:5

'Oj in 'at paxtinc yet' eb' 'anma caw niwn yel'chi. A eb' cha, tecn yojc eb' tas tznib'j Jehová sDiosal eb', yet' tas tzyal 'a eb', xin chi cob'i'. Palta smasnil jun tzo'n̈ eb' cha, an̈jtona x'och eb' tenmtacl 'a Dios, ma'ix syiclj eb' tas 'ix yala.

Ez 16:28

Palta matz c'och sc'ojl yuj jun tzo'n̈ cha, 'ix muln pax yet' eb' winc 'aj Asiria; man̈ yujoc cha xc'och pax sc'ojol.

Ez 16:31

'Ix laj sb'o chan̈ jun tzo'n̈ mantiado chi 'aj tzlajw c'och caye, ax 'a plas, ata sb'o jun tzo'n̈ yet'l xajmb'al, palta man̈ lajnoc yet' eb' 'ix 'ajmul 'ix tzchaj stojol. May xon stojl chi tzcha'aj.

Ez 16:41

'Oj sn̈ustz'a eb' yatut, ax sb'eyc'ojlan eb' yet' yailal 'a sat jun tzo'n̈ xo eb' 'ix 'ix. 'Ixta 'oj aj yoch wan sb'on 'ajmulal, ax yactn stojn eb' chamc'ojlab'il yuj cha.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Ez 23:5

A 'ix Ahola cha, xya'ch 'ix smul 'a yol in c'ab', sb'o 'ix 'ajmulal yet' ewin soldado 'aj Asiria.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Os 3:3

'Ix waln 'a 'ix 'ixtic: Niwn tiempo 'oj a can 'a watut 'a 'ichn̈jta', man̈x a say a mulc 'a yol in c'ab', man̈x a comn altc a b'a 'a junc xo winac. An̈jtona 'in, 'oj in tan̈wc yec' jun tiempoal cha, 'ixta to b'i'an ax qui'n pax qui b'a jun 'ejm xo, xin chi 'a 'ix.

Os 4:13

Xlaj 'at eb' 'a lum jolmctac witz yet' 'a lum tzalctac, axta xlaj sn̈us eb' te incienso, tzya'n pax eb' xajmb'al 'a yich eb' te álamo pim xi'il, 'a eb' te pocjiy yet' 'a eb' te ma'ach'. Yuj cha, xlaj ya'nc 'och sb'a yisl eb', yet' yalb' eb' 'a 'ajmulal.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Lv 26:13

An Jehová e Diosal in, an ex wij 'elt 'a Egipto, sec wach' man̈xtoc ex can munljoc 'a eb' 'aj Egipto cha. An wal 'ix wij 'el jun munljel caw ya chi 'a eyib'an̈, yic wach' man̈xtoc 'ayx 'och 'a yaln̈ schecnb'il junc xo nacion̈.

Nahúm 1:13

'Oj ex in col 'elt 'a yol sc'ab' eb' asirio, ax in n̈i'chtan q'uen cadena 'aych 'ayx yuj eb', xchi Dios.

Dt 12:2

Ma'c poj smasnil yet'l 'aj tzlaj yal sb'a eb' 'anma chi 'oj 'em eyuj cha; tze ma'n juwc smacsej eb' 'ay 'a lum jolmctac witz, 'a tzalctac, yet' pax jun tzo'n̈ xo 'ay 'a yich te niwc te caw pim xi'il.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 26:17

A ticnec, tox 'ix eyala, to a Jehová qui Diosalec yaji. 'Ix eya'n e ti', to 'oj eyoch tza'n yu'uj. Ax eyiclni smasnil schecnb'il, scuynb'il yet' pax sley; yuj cha, yicljec 'a smasnil tiempo.

Dt 4:20

Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 5:27

Wach' tzach 'at ach tic Moisés, 'at 'ab'i tas tzyal Jehová qui Diosalec cha. Ax yic tzach japxi, tzaln cab' on̈ tas tzyal Jehová chi 'ayach. An̈ xo tic qui masnil on̈, 'oj qui yiclc tas tzyal 'aych cha, xchi eb' 'ayin.

Josué 1:16

Xlajw cha, 'ix ta'w eb' 'a Josué 'ixtic: —A tas tzal 'ayn̈ on̈, 'oj qui yiclc on̈; a 'aj tzon̈ a checb't on̈, 'oj qui 'atn̈j on̈.

Josué 24:24

Xta'w pax eb' chon̈b' chi 'ixtc 'a Josué: —An̈ tic on̈, 'oj ca' servil Jehová qui Diosalec, 'oj qui yiclc tas 'oj yal 'ayn̈ on̈, xchi eb'.

Josué 24:26

Xlajw cha, stz'ib'n can 'a ch'an̈ libro 'aj 'aycn sley Dios, xyi'n cot jun niwquil q'ue'en, xya'n can 'och 'a yich jun te mach' 'ayc' 'a stz'ey scajnub' Jehová.

Apoc 17:1

'Ay jun 'a eb' ángel 'ay svaso yucwn̈il 'ix jawi. 'Ix yaln 'ixtc 'ayin: —Cotan̈, 'oj in ch'ox jun niwn yailal 'oj 'em 'a yib'n̈ jun 'ix yajl 'ajmul 'ix. Atn 'ix wocn q'ue 'a yib'n̈ jun tzo'n̈ a mar.

Jueces 10:6

Palta ax eb' israel, 'ix scha b'oj pax eb' maysch'olnil 'a yojltac Jehová. 'Ix laj yal sb'a eb' 'a jun tzo'n̈ yechl comn dios tzcuch Baal yet' 'a Astarot. Xlaj yalnc sb'a eb' 'a jun tzo'n̈ sdiosal eb' chon̈b' tic: atn Siria, Sidón, Moab, Amón yet' schon̈b' eb' filisteo. 'Ix yactn can eb' yoch 'emmquilal 'a Jehová.

Jueces 2:11

Yuj cha, caw 'ix 'och smul eb' israel sb'on tas man̈ wach'c 'a sat Jehová. 'Ix yac' 'ejm sb'a eb' 'a jun comn dios tzcuch Baal.

Jueces 2:13

yujto 'ix 'actx can yuj eb', ax 'a comn dios Baal, ata xyac' 'ejm sb'a eb', yet' 'a junx comn dios tzcuch Astarot.

A Ch'an̈ B'ab'el Libro Samuel 12:10

Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.