Jeremías 2:11 - Chuj San Sebastian Bible

¹¹ Tom 'ay junc nacion̈ tox 'ix 'actn can sdiosal, wach'xam a sdiosal cha, man̈ caw Diosoc. Ax xo ax in chon̈b' ex tic, in eyactj cani, ex 'och tza'n yuj jun tzo'n̈ comn dios, wach'xam to tzex b'inax cob' wu'uj.

Chuj San Mateo Bible

¹¹ ¿Tom ay junoc chon̈ab' scomon actancan sdiosal, vach'chom a sdiosal eb' chi' man̈ Diosoc? A exxo ex in chon̈ab' ex tic, ix in eyactejcani. Vach'chom a in ix ex vac' val b'inajoc, palta axo d'a comon dios malaj yelc'ochi, ata' tzeyal e b'a.

Jeremías 2:11 Iomraidhean Croise

A Ch'an̈ B'ab'el Libro Yic Yab'ixal Eb' Rey 11:33

Yujto in yactj can Salomón, ax 'a jun tzo'n̈ comn dios, ata xyac' 'emmquilal, atn 'a Astarté 'ix sdiosal eb' sidonio, yet' 'a Quemós sdiosal eb' moabita, yet' pax 'a Milcom sdiosal eb' amonita. Caw man̈x wach'c tas tzb'o 'a in sat, man̈xtzac syiclj in ley yet' in checnb'il, 'icha yutjnac syiclni David, atn smam.

A Ch'an̈ Schab'il Libro Yic Yab'ixal Eb' Rey 1:3

Xlajw cha, 'ix yaln jun yángel Jehová 'ixtc 'a Elías 'aj Tisbe: 'Ixc muc'uc, 'at 'ilt eb' schecb' win sreyl chon̈b' Samaria, tzaln 'a eb' 'ixtic: ¿Tom may Dios 'a qui chon̈b' Israel, yuj cha, at 'a Baal-zebub sdiosal Ecrón ata tz'at e c'anb'c e b'a? xa chi 'a eb'.

2 Cr 13:9

'In xe pechl pax eb' ya'mal 'och sti eb' 'anma 'a Jehová, atn eb' yin̈tl can Aarón yet' eb' levita, 'in xe si'cn pax 'och eb' tz'och ya'malc 'och e ti 'a jun tzo'n̈ e comn diosal 'a yol eyico', 'icha tzb'eylb'ej jun tzo'n̈ xo nacion̈. Tzann̈j mach tzjaw yet' junc quelm wacax, yet' ucwn̈oc no mam calnelu, a xe ya'cn 'och ya'malc 'och e ti 'a jun tzo'n̈ e diosal cha, palta a jun tzo'n̈ cha, man̈ diosoc eb'.

Salmos 106:20

'Ixta xyutj eb' yactn yaln sb'a 'ayach, ax 'a jun yechl wacx to lom c'ultac, ata 'ix yac' 'ejm sb'a eb'.

Salmos 115:4

Ax pax sdiosal eb' chuc chon̈b'al tic, b'ob'il yet' q'uen plata mto oro, 'anma b'ojnac.

Salmos 3:3

Palta wojtac to in Colmal aji, ach tzin ej cha'an̈, tza'n in te'nal.

Is 37:19

Tz'anc sdiosal eb', yujto wal yel man̈ diosoc jun tzo'n̈ cha. 'Anma b'ojnac, te eb', q'uen eb'. Yuj cha, xtechj satn 'el ewin eb'.

Jeremías 16:20

¿Tom tztac' sb'on eb' 'anma sdiosal? Toto a eb' b'ojnac, wal yel, man̈ diosoc tzyal cha, 'oj schic eb' 'ayach, xin chi 'a Dios.

Jeremías 18:13

Xlajw cha, 'ix yaln pax Jehová 'ixtic: C'anb'j 'ec' 'a scal jun tzo'n̈ nacion̈, toto 'ay 'aj tox 'ix 'ab'x jun tzo'n̈oc paxti 'icha jun tic. A eb' et israelal tic, 'ay wal jun tas yel xo tu 'ix sb'o eb'.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Jeremías 2:8

A eb' ya'mal 'och e ti 'ayin, man̈x 'ic jaw eb' 'a wojltac. Ax eb' e cuywmal, man̈x 'ic in yojquej 'el eb'. A eb' yajl yaj 'a e chon̈ab', 'ix meltzj 'och eb' 'ajc'ojlal 'ayin, ax eb' in checb' cob'i', a 'a sb'i Baal, ata xpaxtin 'el eb'. 'Ix 'och tza'n eb' yuj jun tzo'n̈ comn dios to may jac yopiso, xchi Dios.

Jeremías 5:7

Yuj cha, tzyaln Jehová 'ixtic: ¿Tas to wal 'oj wutc wa'n niwnc'ojlal 'ayex? A eb' eyunnal, caw in yactj can eb', tzb'inan eb' jun tzo'n̈ sdiosal to man̈ diosoc. 'Ix wac' b'ut'joc eb' si'mb'il, palta ma'ix syiclj eb' 'ayin. An̈ja sb'on eb' 'ajmulal, axn̈ej 'a yatut eb' 'ix 'ajmul 'ix tzlaj syam sb'a eb'.

Ez 14:5

'Ixta 'oj wutc wi'n meltzjoc snab'en eb' israel yijnac 'el snab'en 'ayn yuj jun tzo'n̈ yechl cha.

Ez 5:7

Yuj cha, an Jehová in tic, an tzwal 'ixtic: ¿Tas yuj yel xo wal tu tzeyutj e b'a 'a yib'n̈ jun tzo'n̈ xo nacion̈ oyn 'och 'a e tz'ey? Ma'ix eyiclj in checnb'il yet' in ley, an̈jtona', matz eyiclj pax tas tzyal sleyl jun tzo'n̈ xo nacion̈ 'ay 'a e tz'ey.

Miqueas 4:5

Wach'xam smasnil jun tzo'n̈ xo chon̈ab', caw yiclum eb' a sdiosal yalni, palta 'ixta pax on̈ an̈ec tic, caw yiclum on̈c 'a Jehová qui Diosal 'a smasnil tiempo.

Ro 1:23

A Dios caw niwn yel'chi, may b'a'n̈ tzchami. Palta xyactj can eb', ax jun tzo'n̈ 'anma to chamlb'a yaji, a yechl eb' tzya'ch eb' sdiosaloc. Yet' pax jun tzo'n̈ yechl no ch'ic, no chan, yet' no chan̈e yoc, a jun tzo'n̈ yechl chi 'aj tzyal sb'a eb'.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Gl 4:8

A 'a yic yalan̈, mant eyojcoc Dios. Eya'jnac servil jun tzo'n̈ cob' eyaljnac e diosaloc, palta man̈ diosoc eb'.

Dt 32:16

Caw 'oj e tzuntzc cot yowl sc'ojl Dios, yujto 'oj eyac' 'ejm e b'a 'a jun tzo'n̈ yechl comn dios to yajb'il 'el yuj Jehová.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

A Ch'an̈ B'ab'el Libro Samuel 4:21

Ax jun 'unn cha, 'ix ya'n 'ix sb'ic Icabod. Xyaln 'ix 'ixtic: A ticnec 'ix 'ijx 'ec' sb'inab'ilal chon̈b' Israel, yujto 'ix 'ec' te scaxail strato Dios, xchi 'ix, yujto xcham win yalb' 'ix yet' win yichmil 'ix cha.