Jeremías 19:8 - Chuj San Sebastian Bible

⁸ 'Oj 'ochcn jun e chon̈b' tic 'a cusltac lumal, ax yochcn b'uchnb'ilal. A eb' 'oj 'ec' 'a tic, 'oj sat sc'ojl eb' yu'uj, caw 'oj xiw eb' yiln 'ochi.

Chuj San Mateo Bible

⁸ Ol ochcan e chon̈ab' tic tz'inan lumal, xivub'tac ol ajcanoc. A eb' ol ec' d'a tic, ol xiv eb', ol sat sc'ol eb' yilani, ol b'uchvaj eb' yuj tas ol ajcan chi'.

Jeremías 19:8 Iomraidhean Croise

A Ch'an̈ B'ab'el Libro Yic Yab'ixal Eb' Rey 9:8

A jun n̈a 'ix 'ochcn wico'oc tic, wach'xam caw nib'jub'tac ticnec, palta caw jun b'uln̈ 'oj 'aj slan̈chj can 'ejmi. A smasnil eb' 'oj 'ec' 'a stz'ey, caw 'oj sat sc'ojl eb' yilni, ax stzetzn eb' yilx 'ochi, ax yaln eb' 'ixtc junjn 'a 'a: ¿Tas laj yuj 'ixtc xyutj Jehová jun chon̈b' tic yet' pax jun yatut tic? 'oj schic eb'.

Jeremías 18:16

Yuj wal cha, ax yochcn jun e nacion̈ tic 'a cusltac lumal. 'Oj b'uchxoc 'a smasnil tiempo. Smasnil mach 'oj 'ec' 'a 'a, toxn̈ej 'oj syuc eb' sat yuj satjub'tacl yilx 'oj 'ajoc.

Jeremías 25:18

'Ix wac' yuc' eb' 'aj Jerusalén yet' eb' 'ay 'a jun tzo'n̈ chon̈b' 'a yol yic Judá, yet' sreyl eb', yet' pax eb' 'aych yajlil, yic tzlajw 'el eb' yu'uj, yet' yic tzlan̈chj 'ejm can schon̈b' eb'. A eb' 'ix 'iln eb', caw xiw eb' yiln 'och eb', 'ix b'uchwj eb' 'a eb', 'ix catb'tzax eb' yuj eb' 'icha tas wan yuj ticnec.

Jeremías 49:13

An Jehová in, an tzwac' in ti': A chon̈b' Bosra, 'oj cancn 'a cusltaquil, caw 'oj xiw eb' 'anma yiln 'ochi, 'oj b'uchxoc yuj eb', ax scatb'tzan can eb'. Ax jun tzo'n̈ xo chon̈b' 'a yol yic Edom, 'oj ma'xoc can 'ejm lan̈chjoc eb' 'a jun 'ejmn̈ej, xchi.

Jeremías 50:13

Yujto 'oj cot wal wowal, man̈x 'a xon junc mach 'oj cancn cajn 'a jun chon̈b' cha. Cusltac lum 'oj 'ajcni. Smasnil mach 'oj b'ey ta', caw 'oj xiw eb' yiln yuj jantc yailal 'oj jawc 'a yib'an̈.

Ez 27:36

A smasnil eb' chon̈wjum tzcot 'a jun tzo'n̈ xo nacion̈, caw tzsat sc'ojl eb' yilni. Caw wal 'ay smay yilx x'aj slajw 'el 'a jun 'ejmn̈ej, 'oj schic eb', xchi Dios.

Lv 26:32

'Oj wac' lajwc 'ejm e chon̈b' cha, ax eb' 'ajc'ojl yajch 'ayex, a eb' 'oj wul cajnoc can paxi, 'oj laj sat sc'ojl eb' yiln jun cha.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.

Dt 28:37

'Oj sat sc'ojl jun tzo'n̈ xo nacion̈ eyu'uj, tu eyilx 'a sat eb'. 'Oj e b'uchx yuj eb' 'anma 'aj 'oj ex yi't Jehová.

Dt 29:22

A eb' eyin̈tl b'aq'uin̈ yet' eb' chuc chon̈b'al 'oj cot 'a najat, 'oj yil eb' smasnil jun tzo'n̈ yailal cha, yet' jun tzo'n̈ yab'il 'oj ya' cot Jehová 'a yib'n̈ lum lum cha,