Jeremías 19:11 - Chuj San Sebastian Bible

¹¹ Tzlajw cha, tzaln 'ixtc 'a eb': A Jehová tztac' yuj smasnil a tzaln 'ixtic: 'Oj in satl jun chon̈b' tic 'icha tz'aj sma'x poj junc lum ch'ub' to man̈xtzac stac' sb'o jun 'ejm xo. A 'a lum Tofet tic, a tic 'oj e muc eb' chamnc 'anma', yujto man̈x 'a 'aj wach' 'oj e muc eb'.

Chuj San Mateo Bible

¹¹ tzalan d'a eb' icha tic: A Jehová Yajal d'a Smasanil tz'alan icha tic: Ol in satel jun chon̈ab' tic, icha tz'aj smac'jipoj junoc lum ch'ub' maxtzac yal sb'o junelxo. A d'a lum Tofet tic ol e muquem eb' e chamnac, yujto man̈xa b'aj ol yal e mucan eb'.

Jeremías 19:11 Iomraidhean Croise

Salmos 2:9

'Oj ac' cuenta eb' chon̈b' yet' yowl a c'ojol, 'icha wal tz'aj spoj junc lum chen yuj junc q'uen c'ococh, 'ixta wal 'oj 'ajcn eb' o'oj, xchi 'ayin, xchi Yunnal Dios.

Pr 6:15

Yuj cha, caw yajn̈ej ax sjaw yailal 'a yib'n̈ eb'. Wal 'a jun mutz'satil ax slajw 'ejm eb', man̈x 'a wach' 'oj yutc sb'a eb'.

Is 30:14

'Oj e satx 'eli. Lajn 'oj eyaj 'icha junc niwquil xalu to tzma'x pojoc, man̈x 'a niwnc'ojlal 'a 'a. Caw choc' tz'aj spoji. A jun tzo'n̈ sc'axpil cha, man̈x 'a c'axpoc tztac' yoch lechlab'ilc a', man̈x 'a pax c'axpoc tztac' yi'n 'at stzac'ac' 'a yol cusnu, xchi Dios.

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Jeremías 19:12

An Jehová in, an tzwala, to 'ixta wal 'oj wutc jun chon̈b' tic, yet' jantc ex to cajn ex 'a 'a, lajn wal 'oj eyajcn 'icha Tofet.

Jeremías 19:6

Yuj cha, an Jehová in, an tzwala, to 'ay wal jun c'u 'oj jawoc, to a jun pan̈n tic, man̈x 'oj sb'ic Tofet, man̈x 'oj sb'ic span̈nil Ben-hinom, palta 'oj sb'ic span̈nil yic chamnc 'anma'.

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Jeremías 48:38

A 'a smasnil span̈nil yib'n̈ n̈a 'a Moab, yet' 'a smasnil yoltc caye, cojxn cusc'ojlal tz'ab'xi, yujto caw an Jehová in, an tzwala, to 'ix in satl Moab, 'icha wal tz'aj sma'x poj junc lum chen man̈x 'a sch'olnil.

Jeremías 51:63

A yic tzlajw awtn jun tzo'n̈ paxti tic 'a ch'an̈ un̈ tic, tza jaln 'och junc q'uen q'uen 'a ch'an̈, tzlajw cha, tza juln can 'at 'a yojl a niwn a Éufrates,

Lm 4:2

A eb' quelmtac winc 'a chon̈b' Sión, yel xo wal nib'b'il eb' 'a yib'n̈ q'uen oro caw wach', ax ticnec, lajn xoj tz'aj eb' yixtx 'icha junc lum chen ton̈j b'al b'ob'il yuj junc tz'acum.

A Tas Sc'ulejnac Eb' Schecab' Jesús Hechos 21:11

Xit' win on̈ sc'umc on̈. Yic wan qui c'umn qui b'a yet' win on̈, 'ix yi'n 'el win sjal-l snan̈l Pablo. 'Ix sjaln teln sb'a win yet'oc. Xlajw cha, xyaln win 'ixtic: —A Yespíritu Dios tzaln 'ixtic: A eb' israel 'a Jerusalén, 'ixtc 'oj yutc eb' sjaln pax jun 'ay yic jun jal-l tic. 'Oj lajwc cha, ax ya'n 'och eb' 'a yol sc'ab' eb' man̈ israeloc. 'Ixta tzyal Yespíritu Dios, xchi winac.

Apoc 2:27

'Icha yutjnac in Mam ya'n Wopiso an tic, 'ixta 'oj wutc wa'n yopiso eb'. Yuj cha, 'oj yac' eb' yajlil yet' junjn sq'uen c'ococh. Ax junjn nacion̈ cha, 'icha junc lum chen tzma'x pojoc, 'ixta 'oj 'aj yuj eb'.