Jeremías 17:9 - Chuj San Sebastian Bible

⁹ Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Chuj San Mateo Bible

⁹ ¿Toc ay junoc tas yelxo val ac'um musansatil, icha spensar eb' anima? Malaj sb'onab'il jun spensar eb' chi'. ¿Mach val syal yojtacaneli?

Jeremías 17:9 Iomraidhean Croise

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

A Ch'an̈ Schab'l Libro Samuel 11:15

Tzyaln David 'a scarta 'ixtic: 'A'c 'och win Urías 'a 'aj caw ow ya'n owl cha. Tzeyi'n 'el e b'a 'a stz'ey, sec tzchami, xchi ch'an̈ carta cha.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Salmos 64:7

A Dios 'oj 'a'nc lajwc eb' yet' sjul-lab', satc'ojlal wal yaj eb', ax slajw 'el eb'.

Pr 28:26

A junc may snab'en, a cob' jac tas yojtac a chi tzya'ch yipc sc'ojol; palta ax junc 'ay snab'en, tzc'anb'j snab'en 'a eb' jelan, a jun cha, wach' 'oj 'el'choc.

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Is 1:5

¿Tas yuj an̈ja e nib'n eyi' cot yailal 'a quib'an̈? ¿Tom tze nib'j an̈ja eyec' 'a yib'an̈? Nac cot nab'an tas yailal 'ix 'ec' 'a quib'n̈ec yuj Dios. Yuj cha, lajn on̈c 'icha junc 'anma to 'ay q'ue yab'il 'a sjolom, ax sniwnal 'ipn yel yip.

Is 1:6

'Icha to man̈x 'a xon jac sjacnil 'a sniwnal yuj syailal, tzchaj 'el 'a yoc masnto tzq'ue'ch 'a sjolom. 'Ay 'elnc sat, 'ay ton̈j malnac, 'ay pax wan sc'a'i. May pax yan̈l tzya'chi, may mach tz'a'n 'och jac spichl sat, may pax jac aceite tzya'ch 'a 'a yic tzpacb'i, 'ixta on̈ 'ajec.

Is 6:10

'Ac' somchjoc 'el snab'en jun tzo'n̈ eb' 'anma tic, 'icha to tza mac schicn eb' yet' sat eb', sec wach' matz yil eb'. Matz tac' yab'n eb', matz nachj 'el pax yuj eb', sec matz jaw eb' 'ayin, matz colchj eb' wu'uj, xchi Dios.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Jeremías 7:24

Palta ma'ix schaj eb' yab'i'. A yic eb', to caw pit xyutj sb'a eb', syiclni eb' sb'on tas tu xjaw 'a snab'en. Caw 'ix yixtj 'el sb'a eb', man̈x 'ic sna sb'a eb' jab'oc.

Mt 13:15

Yujto a eb' 'anma tic, tox xpitb' 'el eb'. 'Icha to macn schicn eb', 'icha to tzmutz' eb' sat, sec wach' matz yil eb', matz yab' pax eb'. Yuj cha, matz nachj 'el yuj eb', matz jel eb' snab'en, matz colchj eb' wu'uj, xchi Dios, xchi Isaías.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Mr 2:17

Ax yic 'ix yab'n Jesús jun cha, 'ix yaln 'a ewin 'ixtic: —Q'uinloc 'ay junc 'a'm remel ticnec, a eb' wach' sc'ojol, ¿tom 'ay tz'och yuj eb'? Cojn eb' ya'ay, a eb' 'ay tz'och yu'uj. 'Ixta waj an tic, a eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Ro 1:21

Yujto wach'xam yojc eb' to 'ay Dios, palta matz yal eb' sDiosaloc, may yel'ch 'a eb'. Matz yac' pax eb' yuj diosal 'a 'a. A jantcn̈ej tas tzna eb', caw may yel'chi. May snab'en eb', yujto q'uic'q'uinl yaj spixn eb'.

Ro 7:11

Yuj jun ley cha, 'ix wach' pitzw jun tzo'n̈ maysch'olnil 'ayin. Caw in 'ixtx yuj jun tzo'n̈ cha. A jun tzo'n̈ maysch'olnil chi 'ijnac cot chaml 'a wib'n̈ yuj jun ley cha.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.