Jeremías 17:8 - Chuj San Sebastian Bible

⁸ Lajn wal eb' 'icha te te 'awb'il 'a sti a', tz'at sch'an̈l yib' te 'a 'aj tzb'ey a a cha. Wach'xam 'ay c'ac', palta may tz'i'n te', caw pimn̈j xil te'. A 'a yic may n̈ab', matz tac sc'ojl te', may xon tz'aj yoch wan te ya'n sat.

Chuj San Mateo Bible

⁸ Lajan val eb' icha te te' avab'il d'a stitac a a', sb'at val sch'an̈al yib' b'aj sb'ey a a' chi'. Malaj sna te' vach'chom te ay c'ac', c'ayumn̈ej xil te'. D'a stiempoal malaj n̈ab', malaj jab'oc tz'ic'an te', malaj b'aq'uin̈ syactej yac'an sat te'. Icha chi' yaj eb'.

Jeremías 17:8 Iomraidhean Croise

Job 29:19

Lajn in 'icha junc te te 'awb'il 'a sti junc a', ax sc'ab' sja'l wal schan chicb'chan̈ tz'em 'a 'ac'wal.

Job 8:16

A eb' 'anma maysch'olnil snab'en, lajn eb' 'icha junc te snichte tzpo'chj yuj yoc c'u, chucx lum lum 'aj tzpa'x chan̈ te sat cha.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Pr 11:28

A eb' tzya'ch sricoal yipc sc'ojol, 'oj 'em eb' 'icha tz'aj yem stacn̈il xil te te 'a yich, palta ax eb' tojl sb'eyb'al, 'oj yic' eb' yip 'icha tz'aj syaxb' sc'ab' te te'.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Jeremías 39:18

An tzwala, yujto in a'ch yipc a c'ojol, yuj cha, 'oj ach in col-l 'a yol sc'ab' eb', sec ma'oj ach smil cham eb', xchi Dios, xa chi 'a winac, xchi 'ayin.

Ez 31:3

'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Ez 47:12

A 'a sti a a chi 'a schapaq'uil, ata 'oj q'uib' chan̈ smasnil te 'awb'ente tzlox sat, ax te xil chi 'oj 'och remelal. 'A junjn 'uj ax ya'n te sat, ma'oj pucl pax xil te', yujto a 'a scal yib' te', ata tz'ec' a tz'elt 'a yol yatut Dios. 'Oj loxoc sat eb' te', ax yoch te xil chi remelal, xchi 'ayin.