Jeremías 17:4 - Chuj San Sebastian Bible

⁴ Yowlal 'oj eyactc can jun lum tic, atn lum wa'jnac e macl lumoc. 'Oj ex wa'cn 'och schecb'oc eb' 'ajc'ojl yajch 'ayex, atn eb' cajn 'a lum lum man̈ 'ojcab'ilc eyu'uj. Tox 'ix jaw yowl in c'ojl 'a eyib'an̈, lajn wal 'icha junc niwquil c'ac' may xon b'a'n̈ tztupi, xchi Dios.

Chuj San Mateo Bible

⁴ Yovalil ol ex ic'joquel d'a sat lum e lum tic, aton lum ix vac' e macb'enej. Ol ex vac'canoch schecab'oc eb' ayoch ajc'olal d'ayex d'a jun luum man̈ eyojtacoc, yujto toxo ix cot yoval in c'ol d'ayex. A yoval in c'ol chi', lajan icha junoc c'ac' malaj b'aq'uin̈ stupi, xchi Jehová.

Jeremías 17:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

Nehemías 9:28

Palta a yic 'aych eb' 'a junc'ojlal jun 'ejm xo, 'ix meltzj pax eb' sb'on maysch'olnil 'a ojltac; yuj wal cha, 'ix actncan eb' 'a yol sc'ab' eb' 'ajc'ojol, atn eb' chi x'a'n 'och eb' 'a yailal. Palta xmeltzj pax eb' yawj 'ayach, sc'ann eb' a colwal jun 'ejm xo. Ach xo tic 'aych 'ec' 'a satcha'an̈, yuj a niwquil chamc'ojlal xa chaj ab' tas xyal eb', caw niwn 'ejm xa col-l eb'.

Is 14:3

Ex israel, a yic 'oj e colchj 'el yuj Jehová 'a scal e cusc'ojlal 'a 'aj 'ayx 'och mosoal,

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 50:11

Ax xo tzeya'ch junc c'ac' mto junc e taj 'a yol eyico', b'eyn̈ec 'ec' 'a yoc e c'ac' chi quilnoc. A Jehová a 'oj 'a'n cot jun yailal 'a eyib'an̈, 'oj e can t'ocn 'a scal jun niwquil yailal cha, xchi win schecb' Jehová.

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Jeremías 12:7

'Ix yaln Jehová 'ixtic: Tox 'ix can jun chon̈b' chamc'ojlb'il tic wu'uj. A eb' wic yaji, tox 'ix in patquilj can 'el eb', tox 'ix wa'ch eb' 'a yol sc'ab' eb' 'ajc'ojol.

Jeremías 15:14

'Oj ex wa'ch mosoal 'a eb' 'ajc'ojl cha, atn 'a jun chon̈b' mant eyojcoc xoni. Yujto a yowl in c'ojol, lajn wal 'icha junc te c'ac', caw 'oj e lajw 'ejm yu'uj, xchi Dios.

Jeremías 16:13

Yuj wal cha, 'oj ex wi'l 'a sat jun lum tic, ax ex wa'n can 'at 'a junx nacion̈ to man̈ eyojcoc, man̈ yojcoc pax eb' e mam eyicham. A wal ta', sc'ual, yac'wlil 'oj eyac' servil jun tzo'n̈ comn dios, caw man̈x 'oj 'o'ch in c'ojl 'ayex, xchi Dios, xa chi 'a eb'.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.

Jeremías 2:14

'Ix yaln pax Jehová 'ixtic: Ax chon̈b' israel ex tic, man̈ mosooc eyaji, man̈ checb'oc 'ajnc ex eyalj 'eli. ¿Tas yuj tzex 'ixtx 'icha mosoal jun?

Jeremías 22:28

Yuj cha, xin c'anb'n an Jeremías in tic 'ixtc yuj Jeconías: ¿Tom lajn xoj Jeconías tic 'icha junc lum jatl xalu, man̈x 'a jac yopiso, 'icha pax junc yamc'ab' to man̈x 'a mach tznib'ni? ¿Tas yuj tzjulx can 'at yet' eb' yunnal 'a junc lum lum to man̈ 'ojcab'ilc yuj eb'?

Jeremías 5:19

Toto 'ay mach 'oj c'anb'noc 'aych 'ixtic: ¿Tas laj wal yuj tzjaw jun tzo'n̈ yailal tic 'a quib'n̈ec yuj Jehová qui Diosalec? toto xchi eb', tzal 'a eb' 'ixtic: 'Ixta tzex yutej, yujto xeyactj can Jehová Dios, ax jun tzo'n̈ chuc diosal xeyac' servil 'a sat e lu'um. Yuj cha, 'ixta pax 'oj eyutc eya'n servil jun tzo'n̈ chuc 'anmal 'a junc xo chuc lumal, xa chi 'a eb', xchi.

Jeremías 5:29

¿Tom ma'oj wac' syailal eb' yuj jun tzo'n̈ tic? An Jehová in, an tzwala, to 'oj wac' spac yic eb' 'anma tzb'on 'icha jun tzo'n̈ tic.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Lm 1:12

Ex 'anma tzex laj b'ey 'a b'e, 'ochn̈ec wan lin̈an, tze nan jab'oc, ¿tom 'ay eyailal 'icha quic tic on̈? Yujto an̈ tic on̈, yel xo wal niwn tzcab' syal on̈. A Jehová a tz'a'n cot jun yailal tic 'a quib'n̈ yuj yowl sc'ojol.

Lm 5:2

Smasnil tas 'ay 'ayn̈ on̈, yol sc'ab' eb' chuc chon̈b'al xo 'aj 'ayq'ui. A catut on̈, yic xo eb' chuc 'anmal yaji.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Ez 7:24

Yuj cha, 'oj wi' cot eb' 'anma yel xo maysch'olnil 'a jun tzo'n̈ xo nacion̈, ax yica'an eb' jun tzo'n̈ tas 'ay 'a jun nacion̈ tic. 'Ixta 'oj 'aj wi'n 'ejm eb' tzb'an̈ sb'a yet' tas 'ay 'a 'a; man̈x 'a yel'ch 'oj 'ajcn jun tzo'n̈ 'aj tzyal sb'a eb' cha.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.