Jeremías 17:2 - Chuj San Sebastian Bible

² 'Intax a eb' eyunnal ax tic, tzna cot eb' jun tzo'n̈ yet'l xajmb'al, yet' jun tzo'n̈ te sch'oxnb'il comn dios, junn̈j yaj yet' te te caw pim xi'il, jun tzo'n̈ 'ay 'a lum tzalctac caw chan̈ yaj cha'an̈,

Chuj San Mateo Bible

² A eb' eyuninal snacot juntzan̈ altar eb', snaanpaxcot juntzan̈ te te' yechel comon dios eb', te' ay d'a yichtac te te' c'ayum xiil d'a juntzan̈ tzalquixtac chaan̈ yajq'uei,

Jeremías 17:2 Iomraidhean Croise

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:3

'Ix sb'o chan̈ jun tzo'n̈ macsej 'a jolmctac witz jun 'ejm xo, atn jun tzo'n̈ satb'il 'el yuj Ezequías, atn smam; sb'on pax chan̈ yet'l xajmb'al yic comn dios tzcuch Baal, yet' jun tzo'n̈ yechl comn dios tzcuch Aserá; xyaln pax sb'a 'a jun tzo'n̈ c'anal, 'a 'uj yet' 'a c'u.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Is 1:29

'Ixta to b'i'an ax eyecn q'uixwc e b'a, yujto xlaj eyal e b'a 'a yechl jun tzo'n̈ comn dios, xeyi'n 'ejm e b'a 'a eb' te niwc mach' 'ay 'a calte'.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Dt 12:2

Ma'c poj smasnil yet'l 'aj tzlaj yal sb'a eb' 'anma chi 'oj 'em eyuj cha; tze ma'n juwc smacsej eb' 'ay 'a lum jolmctac witz, 'a tzalctac, yet' pax jun tzo'n̈ xo 'ay 'a yich te niwc te caw pim xi'il.

Jueces 3:7

Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'.