Jeremías 17:11 - Chuj San Sebastian Bible

¹¹ A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Chuj San Mateo Bible

¹¹ A eb' tz'och b'eyumal yuj ixtoj anima, lajan val eb' icha junoc noc' much sman̈elta n̈olob' man̈ yicoc. Ayic te tec'anto eb' ol ec'xoc sb'eyumal eb' chi', axo ol aj scheclaji to malaj spensar eb'.

Jeremías 17:11 Iomraidhean Croise

Salmos 49:13

'Ixta 'oj 'aj sat 'ejm eb' tzyal wach'l sb'a, ax cob' tas 'aych yipc sc'ojl eb', 'oj can yuj eb'.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Pr 13:11

A ricoal yajn̈j cha tzniwtj yuj maysch'olnil, yajn̈j wal cha tzsatx can 'ejmi; ax ricoal to c'ojnc'ojnil tzyam sb'a yuj munljel, caw tzniwtj cha'an̈.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Pr 21:6

A mach tz'och ricoal yuj ya'm 'esal, jab' wal tzyac' sgana yet' jun tzo'n̈ cha, ax scham yu'uj.

Pr 23:5

yujto a q'uen tumin, yajn̈ej tzlajw 'ejm q'ue'en, 'icha to tz'och sc'axil, tz'at jen̈njoc 'icha tzyac' no cotc salt'iw.

Pr 28:16

A junc yajl tz'ixtn eb' yit 'anma'il, may snab'en; ax pax junc yajl matz nib'n 'och c'ultac tumin, a jun cha, 'oj najtxb'oc sq'uinal.

Pr 28:20

A mach wach' snab'en, 'oj 'ijxoc cha'an̈; ax junc to tznib'j tz'och ricoal muc'uc, 'oj yab' sya'il.

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Pr 28:8

A mach tzniwtj sricoal yuj yune stumn tzyac' majnil, tzmolb'tzej wal sricoal cha, palta ax 'a eb' tz'o'ch sc'ojl 'a eb' meb'a', axta tzcani.

Jeremías 22:13

'Oltacch wali, yuj wal a maysch'olnilal, tza b'on chan̈ a despacho, yet' atut to niwc tz'ajb't 'a cha'an̈. Tzac' munljoc eb' 'anma', palta matz a toj sc'u eb'.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Miqueas 2:9

Tze pech 'elt eb' 'ix 'ix 'a yol yatut to 'aych yipc sc'ojol, a smacl eb' 'unn wa'jnac, 'in tzeyij 'ec' 'a jun 'ejmn̈ej.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Sofonías 1:9

An̈jtona', 'oj wa'ch pax syailal eb' cob' tz'a'n 'emmquilal 'ayin, 'icha tzyutj eb' chuc chon̈b'al ya'n 'emmquilal 'a sdiosal, to tz'och eb' 'a yol yet'l sdiosal chi yet' siylab', atn tas tzyij eb' 'a spatquil 'elc'al yet' 'a 'ixtj 'anma'il.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

Tito 1:11

Yowlal tztenx 'och wan eb' 'a tas tzyala, yujto tzann̈j junc n̈a 'aj tzlaj 'ec' eb', tz'ec' yac' eb' somchjc 'el snab'en eb' creyente cha. C'uxn tz'ec' yac' eb' cuyxc jun tzo'n̈ maysch'olnil, sec tzyac' ganar eb' stumn 'a spatc eb'.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.