Jeremías 17:1 - Chuj San Sebastian Bible

¹ 'Ix yaln pax Jehová 'ixtic: A wal e maysch'olnilal ex 'aj Judá, caw wal may tz'aj sat 'a e nab'en, yet' 'a sch'ac jun tzo'n̈ yet'l e xajmb'al, caw may tz'aj sat e mul cha. Tzcancn yechl 'a 'ayx 'icha junc letra tz'ajx can 'och 'a junc q'uen q'uen yuj junc q'uen cincel mto yuj junc q'uen diamante.

Chuj San Mateo Bible

¹ Ix yalan Jehová icha tic: Ex aj Judá, maxtzac el e chucal d'a e pensar. Max satlaj e chucal chi' d'a schiquintac eyaltar. Scan yechel icha letra tz'ochcan d'a junoc q'uen q'ueen yuj q'uen cincel ma yuj q'uen diamante.

Jeremías 17:1 Iomraidhean Croise

Pr 3:3

Man̈ actc can a b'eylb'an chamc'ojlal yet' yiclumal, molcn wal 'a a nab'en, man̈ ac' sat a c'ojl 'a 'a.

Pr 7:3

Nab'iln̈ej cab' eb' o'oj, tza moln can wal eb' 'a a nab'en.

Is 49:16

Ach Sión, 'icha to tz'ib'b'il 'och a b'i 'a yol in c'ab', yuj cha, nab'ilchn̈ej wu'uj.

Jeremías 11:13

A wal eb' 'aj Judá cha, caw niwn sdiosal eb'. Lajn wal sb'isl 'icha sb'isl jun tzo'n̈ schon̈b' eb'. An̈jtona pax eb' 'aj Jerusalén, caw niwn jun tzo'n̈ yet'l xajmb'al eb' sb'o cha'an̈, 'icha xo sb'isl scayeal yol chon̈ab', 'ixta x'aj sb'isl 'aj tzyac' tz'a eb' incienso 'a Baal, atn jun comn dios yajb'entac.

Jeremías 2:22

An Jehová in, an tzwala: Wach'xam cob' tze b'icl e b'a yet' q'uen yalta'an̈, mto cob' niwn sawon tzeya'ch 'ayex, palta a e mul cha, caw 'ayn̈j 'ec' 'a wojltac, may xon tzex 'aj e sacb'i.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Os 12:11

A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

Os 7:2

Toc tzna eb', toto nab'il smul eb' chi wu'uj. A ticnec, a smaysch'olnilal eb' chi oyn xo 'och 'a 'a, yujto checln̈ej yaj smul eb' 'a in sat.

Os 8:11

A eb' 'aj chon̈b' Efraín, til wal jun tzo'n̈ yet'l xajmb'al xlaj sb'o eb', yuj yel smul eb' yalni, palta yuj jun tzo'n̈ yet'l xajmb'al cha, tzwach' 'a'n 'och eb' smul.

Lv 4:25

Tzlajw cha, ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no cha. A jantc to schic'l no tzcani, tzsecx can 'ejm 'a yich jun yet'l xajmb'al cha.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.