Jeremías 16:6 - Chuj San Sebastian Bible

⁶ 'Oj cham eb' 'ichmtac 'anma', yet' eb' cotc 'unn 'a jun nacion̈ tic. May mach 'oj mucn eb', may mach 'oj 'oc' yuj eb'. May mach 'oj 'a'nc lajwc sniwnal, mto sjoxn 'el xil sjolm yuj sch'oxn scusc'ojlal yuj eb'.

Chuj San Mateo Bible

⁶ Ol cham eb' icham anima yed' eb' unin. Man̈xalaj mach ol mucan eb', malaj mach ol oc' yuj eb'. Malaj mach ol yac' echnaj snivanil, ma sjoxanel xil sjolom yuj sch'oxanel scusc'olal yuj eb'.

Jeremías 16:6 Iomraidhean Croise

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Is 24:2

A eb' ya'mal 'och sti eb' 'anma', lajn xoj 'oj 'ajcn eb' 'icha eb' comn 'anma'. Ax ewin patron̈, lajn 'oj 'ajcn eb' 'icha ewin moso, 'ixta pax eb' 'ix patron̈, lajn 'oj 'ajcn eb' 'ix 'icha eb' 'ix ya'mal servil. Ax eb' tzmanwji, lajn 'oj 'ajcn eb' 'icha eb' tzchon̈wji; lajnxoj 'oj 'ajcn eb' tz'a'n b'ocl junc tas 'icha eb' tz'och b'oquil.

Jeremías 13:13

'Oj lajwc cha, ax aln 'a eb' to an Jehová in, an 'ix wal 'ixtic: Smasnil eb' cajn 'a jun nacion̈ tic, caw 'oj wac' sat sc'ojl eb' yuj yowl in c'ojol, eb' yin̈tl David 'aych reyal, eb' ya'mal 'och sti eb' 'ayin, eb' tzyalch sb'a in checb'oc, yet' smasnil eb' cajn 'a Jerusalén. 'Icha tz'aj sat sc'ojl eb' caw niwn 'an̈ tzyuq'uej, 'ixta 'oj wutc wa'n sat sc'ojl eb'.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 41:5

'ix jaw 80 eb' winc xcot 'a Siquem, 'a Silo, yet' 'a Samaria. Joxb'il 'el xil sti eb' yu'uj, tzilquixtac spichl eb' 'aychi, lajwnac sniwnal eb', mun a eb' 'ixta xyutj sb'a. Yet' eb' 'ixm trigo, yet' incienso, yic tzya'n eb' xajmb'al-l 'a Jehová 'a yatut.

Jeremías 47:5

A smasnil eb' 'anma 'a chon̈b' Gaza, 'oj sjoxl eb' xil sjolm yuj cusc'ojlal, ax eb' 'ay 'a chon̈b' Ascalón, caw sictac xoj 'oj 'aj eb'. Ax xo cajn ex 'a span̈nil sti a mar, ¿b'a'n̈ 'oj eyoch wan eya'n lajwc e niwnal yuj e ch'oxn 'el e cusc'ojlal?

Jeremías 48:37

Smasnil eb' winac, tox 'ix sjoxl eb' xil sjolom, tox 'ix sjoxl eb' xil sti'. C'uxn spol lajwc eb' sc'ab', cojxn̈ej jun tzo'n̈ pichl n̈achtac sat 'aych yuj eb'.

Jeremías 7:29

¡Ex 'aj Jerusalén, joxc 'el xil e jolm yuj cusc'ojlal, tze juln can 'eli! ¡'Ixquec 'a lum tzalctac to caw cusltac, tze b'itnan jun tzo'n̈ b'it yic cusc'ojlal! Yujto an Jehová in, caw xcot wowl 'ayex, tox ex wactj cani, xchi Dios.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Lv 19:27

Man̈ setnxojoc tzeyutj e joxn 'el xil e jolom, man̈ e joxl pax xil e ti'.

Lv 19:28

An Jehová in, an tzwala. Man̈ e jop lajwc e b'a yuj cusc'ojlal yuj junc chamnc 'anma'. Man̈ e comn 'a'c 'och yechl junc tas 'a e niwnal.

Am 6:11

Yujto 'oj yac' Jehová ma'xoc 'ejm smasnil niwc n̈a yet' eb' te cotc n̈a, c'uxn 'oj satl smasnil.

Mt 9:23

Ax yic xc'och Jesús 'a yatut win yajl cha, 'ix yilni 'ay eb' wan yutz'n yamay. Ax eb' 'anma', til wal yoc' eb'.

Dt 14:1

An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.

Apoc 20:12

Ax xwiln eb' chamnc smasnil, eb' niwn yel'chi, yet' eb' may yel'chi, lin̈n 'ec' eb' 'a yojltac Dios smasnil. Xlajw cha, xjacw jun tzo'n̈ ch'an̈ libro. 'Ay pax junx 'ix jacwi, atn jun libro yic q'uinl 'a jun 'ejmn̈ej. 'Ix b'eyc'ojlax eb' yuj tastc sb'ojnac jun jun. A tzyala, tastc tz'ib'b'il 'a jun tzo'n̈ libro cha.

Apoc 6:15

Ax eb' rey 'a yolyib'n̈q'uinal, 'ix laj sc'ub'c 'el sb'a eb' 'a yol niwc n̈aq'ue'en, yet' 'a scal q'uen 'a tzalctac. 'Ixta xyutj pax sb'a jantcn̈ej eb' niwc winac, eb' rico, eb' yajal yet' eb' 'ay yel'chi. Eb' moso man̈ yico'oc sb'a, toxn̈ej eb' mun yic sb'a, c'uxn xlaj 'at eb' 'elc smasnil.