Jeremías 16:10 - Chuj San Sebastian Bible

¹⁰ A yic 'oj alnc jun tzo'n̈ paxti tic 'a eb' et chon̈ab', 'oj sc'anb'c eb' 'aych 'ixtic: ¿Tas yuj 'oj ya' cot Jehová jun niwquil yailal chi 'a quib'an̈? ¿Tas wal tu xqui b'o'o? ¿Tas qui mul x'och 'a Jehová qui Diosalec? 'oj schic eb'.

Chuj San Mateo Bible

¹⁰ Ayic ol alan jun lolonel tic d'a eb' etchon̈ab' tic, ol sc'anb'ej eb' d'ayach: ¿Tas yuj ol yac'cot jun nivan yaelal chi' Jehová d'a quib'an̈? ¿Tas chucal ix co c'ulej? ¿Tas co mul ix och d'a Jehová co Diosal? xcham eb'.

Jeremías 16:10 Iomraidhean Croise

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Jeremías 2:23

'Oj cob' eyal 'ixtic: An̈ tic on̈, may on̈ x'och qui mul on̈, may on̈ xcac' 'emmquilal 'a jun tzo'n̈ comn dios, 'oj e chioc. Nac coti, tas xeyutj e b'eyb'al 'a yic 'ayx 'ec' 'a lum niwn pan̈an. Nac coti, tas wal 'ix 'el e b'on ta', ton̈j tzex comn oyb'x 'ec' 'a smasnil lugar yuj eya'n 'emmquilal 'a jun tzo'n̈ comn dios, 'icha tzyac' junc no nun cameyo tzoyb'x 'ec' sayn 'ec' no smam.

Jeremías 2:35

Wach'xam 'ixta tze b'o'o, palta tzeyal 'ixtic: An̈ tic, caw wach' on̈, may qui mul, man̈ 'ayc cot yowl sc'ojl Dios 'a quib'an̈, xe chi. An xo an Jehová in tic, 'oj wa' cot yailal 'a eyib'an̈, yujto matz eyojquej 'el e mul.

Jeremías 44:3

yuj wal smaysch'olnilal eb' 'anma x'el sb'oni. 'Ix stzuntzj cot eb' yowl in c'ojol, yujto 'ix yac' 'ejm sb'a eb' 'a jun tzo'n̈ comn dios, 'ix ya'n eb' incienso xajmb'al-l 'a jun tzo'n̈ cha, atn jun tzo'n̈ comn dios 'aj may yaln eb' yico', an̈jtona ax tic, yet' eb' e mam eyicham, may xon eyaln eyic 'a jun tzo'n̈ cha.

Jeremías 5:19

Toto 'ay mach 'oj c'anb'noc 'aych 'ixtic: ¿Tas laj wal yuj tzjaw jun tzo'n̈ yailal tic 'a quib'n̈ec yuj Jehová qui Diosalec? toto xchi eb', tzal 'a eb' 'ixtic: 'Ixta tzex yutej, yujto xeyactj can Jehová Dios, ax jun tzo'n̈ chuc diosal xeyac' servil 'a sat e lu'um. Yuj cha, 'ixta pax 'oj eyutc eya'n servil jun tzo'n̈ chuc 'anmal 'a junc xo chuc lumal, xa chi 'a eb', xchi.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Os 12:8

Tzyaln eb' 'ixtic: On̈ 'ochc ricoal. Wach'xam rico on̈c xo, palta may mach tztac' ya'n yowlal 'ayn̈ec, yic tzyaln eb' to on̈ 'ochc ricoal yuj ca'm 'esal, xchi cob' eb'.