Jeremías 15:5 - Chuj San Sebastian Bible

⁵ Ex 'aj Jerusalén, ¡toc 'ayt mach 'oj 'o'ch sc'ojol, 'oj cusoc, mto 'oj 'och 'il eyu'uj!

Chuj San Mateo Bible

⁵ Ex aj Jerusalén, ¿machto val ol oc' sc'ol d'ayex? ¿Machto val ol cus sc'ol eyuuj? ¿Machto val ol och ilc'olal eyuuj?

Jeremías 15:5 Iomraidhean Croise

Job 19:21

Ex in wach'c'ojol, 'o'ch cab' e c'ojl 'ayin, yujto a Dios 'ix 'a'n 'och in yailal.

Salmos 69:20

Yuj wal jun tzo'n̈ b'uchwal paxti cha, yuj cha, a tzwutj wab'ni to xjat in pixn yab'n syail; man̈x in 'anma'oc, man̈x 'a pax wip. Nab'an̈ej 'ix in say mach tz'a'n sniwnal in c'ojol, yet' mach tz'o'ch sc'ojl 'ayin.

Ex 18:7

Yajn̈j wal cha, 'ix 'elt Moisés 'a yol smantiado 'at scha sn̈i', 'ix 'em n̈ojn sc'och 'a yojltac sn̈i cha, stz'ub'n 'elt sti'. Ax yic xlajw sc'anb'lan eb' sc'ojol, 'ix 'och eb' 'a yol smantiado Moisés.

Is 51:19

'Ix jaw chac'aj yailal 'a eyib'an̈: 'Ix ma'x 'ejm e chon̈ab', xlajw cha, 'ix 'ijx 'ec' tas 'ay 'ayex. Til wal 'anma xcham yuj wejel, 'ay pax eb' xcham yuj owal. ¿Mach to wal eb' 'oj 'o'ch sc'ojl 'ayex? ¿mach to wal eb' 'oj 'a'nc sniwnal e c'ojol?

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Jeremías 16:5

'Ix yaln pax Jehová 'ayn 'ixtic: Man̈ ach 'och 'a yol junc n̈a 'a 'aj wan stan̈w 'ac'wl jun tzo'n̈oc 'anma yuj junc chamnc 'anma'. Man̈ ach 'oc'oc', man̈ a ch'oxl pax a cusc'ojlal yu'uj, yujto an Jehová in, an tzwala, to 'ix wij 'el in junc'ojlal yet' in chamc'ojlal 'a jun chon̈b' tic, man̈xtzac 'o'ch in c'ojl pax 'a 'a.

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Lm 1:17

An̈ 'aj Sión on̈c tic, 'ix cob' b'a'cht qui c'ab' yic tzcalnec qui b'a 'a junc mach, palta may xon junc mach x'a'n sniwnal qui c'ojlec. A Jehová 'ix aln 'a eb' cajn 'a qui tz'eyec, yic tzya'n eb' owl quet'ec. Caw wal spatquilj can 'el eb' chon̈b' Jerusalén tic, xchi winac.

Nahúm 3:7

A smasnil mach 'oj eyiln 'ochi, caw 'oj 'at eb' 'elc 'ayex. Ax yaln eb' 'ixtic: A wal chon̈b' Nínive, caw xlajw 'ejmi. ¿Mach to wal 'oj 'o'ch sc'ojl 'a 'a? ¿'Ajto wal 'oj yic' mach 'oj 'a'nc sniwnal sc'ojol? 'oj schic eb'.

Jueces 18:15

Xlajw cha, 'ix 'at eb' 'ilm lum chi 'a yatut jun quelm levita cha, atn 'a yatut Micaía. 'Ix c'och eb', xya'n eb' stzatzl sc'ojol.

A Ch'an̈ B'ab'el Libro Samuel 10:4

Ax ya'n ewin stzatzl a c'ojol, 'oj yac' eb' chab'oc 'ixm pan chi 'ayach. Tza chaj 'ixm 'a eb'.

A Ch'an̈ B'ab'el Libro Samuel 17:22

Yajn̈j cha, xya'n can David 'ab'enal tastc yet' chi 'a yol sc'ab' jun win tztan̈wni tastc 'ayc' 'a scamplamento cha. Caw carela x'at 'a 'aj 'ay eb' soldado cha. Ax yic xc'och 'a eb', 'ix sc'anb'n 'a eb' yu'tac cha, yic tzyab'ni toto wach' sc'ojl eb'.

A Ch'an̈ B'ab'el Libro Samuel 25:5

Yuj cha, 'ix schecn 'at lajn̈wan̈ eb' winc 'ayc' yet'oc yic tz'at 'ajxc stzatzl sc'ojl Nabal chi yu'uj, 'ix yaln 'ixtc 'a eb':