Jeremías 14:2 - Chuj San Sebastian Bible

² A eb' 'aj Judá, caw tz'oc' eb' yuj cusc'ojlal, man̈x 'a yip jun tzo'n̈ schon̈b' eb', axn̈ej 'a sat lum t'ocn 'ec' eb' 'anma'. Ax eb' 'aj Jerusalén, caw wal tz'el yaw eb' yuj yailal.

Chuj San Mateo Bible

² A eb' aj Judá tz'oc' val eb' yuj cusc'olal, man̈xa yip schon̈ab' eb', toxon̈ej teltumb'a eb' d'a sat luum yuj cusc'olal. Sq'ue val yav eb' aj Jerusalén yuj syaelal.

Jeremías 14:2 Iomraidhean Croise

Job 34:28

A eb' meb'a', yet' eb' 'ay tas 'ay sc'a'l tz'och yu'uj, 'ix c'och yel yaw eb' 'a Dios yuj eb' maysch'olnil cha. 'Ix yab'i, to caw 'oltac yel yaw eb'.

Salmos 144:14

Ax e no qui wacx on̈, 'unewoc cab' e no smasnil. May cab' no ton̈j tz'ec' yune'. May cab' pax mach tzcomn 'el yaw 'a yol caye xib'tn sb'a yuj owal.

Ex 2:24

'ix yab'n pax yoc' eb', yuj cha, 'ix snan cot strato yet' Abraham, Isaac yet' Jacob.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Is 24:11

A eb' 'anma', caw tz'oc' eb' 'a yoltc caye, yujto man̈x 'a yal uva. 'Ix lajw 'ejm smasnil tzaljc'ojlal, 'ix 'ochcn cusc'ojlal 'a sat lum lum tic.

Is 24:4

A lum lum tic, caw 'oj tacjoc lu'um, man̈x wach'c yilx 'oj 'ajoc, smasnil yolyib'n̈q'uinl tic 'oj tacjoc 'eli, smasnil eb' niwc winac, caw 'oj cus chan̈ eb'.

Is 24:7

Man̈x 'a yal uva tzlaj b'o'i, xlaj sat 'ejmi, yujto xlaj 'och syab'il te snun uva cha. A eb' 'anma to tzaljc'ojlal yaji, ax ticnec cusc'ojlal xo yaj eb'.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 33:9

Caw wal xcus chan̈ lum lu'um, xjuw yilx lum Líbano, xq'uixw can 'el lu'um, yujto c'uxn xicx chan̈ ste'al. Ax lum pan̈n Sarón, 'ix 'ochcn lum cusltac lumal, 'ixta pax lum Basán yet' lum switzl Carmelo, caw wal x'elcn jitn eb' lu'um.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Jeremías 12:11

Cusltac x'ajcn in chon̈b' yuj eb', caw wal tzcus tzwila. Smasnil jun nacion̈ tic, cusltac x'ajcni, man̈x 'a mach tznan jab'oc.

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Jeremías 18:22

'A' cot jun b'ulc eb' soldado 'elc'm 'a scal eb'. 'Ab'x cab' yel yaw eb' yuj yailal. Yujto sjoy eb' jun tzo'n̈ olan, sec tzin yamchj yuj eb', xyac' 'ejm eb' ch'an̈ yal 'a wojltac.

Jeremías 4:28

Caw cusltac 'oj 'ajcn lum lum tic, an̈jtona', caw cusltac yilx 'oj 'ajcn satcha'an̈. 'Ixta 'oj 'ajoc, yujto 'ixta tas 'ix in na'a. 'Ix waln can pax 'eli, to man̈x 'oj jelmjoc, yowlal 'oj 'el'choc.

Jeremías 46:12

Yojc xo smasnil nacion̈ to wan yel e q'uixwel, checl yel eyaw 'a smasnil yolyib'n̈q'uinal. Toxn̈ej tztenlaj sb'a eb' 'a'm owl yeq'ui, tzlaj b'alb'n 'ec' eb' 'a sat lu'um, xchi Dios.

Jeremías 8:21

Caw wal tzwab' syal yuj syailal eb' wit chon̈ab', caw xniwtj cusc'ojlal yet' xiwc'ojlal 'ayin.

Lm 2:8

A Jehová, 'ix ya'ch wal 'a snab'en sma'n 'ejm lan̈chjoc smuroal chon̈b' Sión. 'Ix cham wal snani tas tzyutj sma'n 'ejm lan̈chjoc, toxn may 'iljelal yu'uj, masnto 'ix 'el'chi. Junn̈j x'aj yem lan̈njoc jun muro chi yet' jun tzo'n̈ torre.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Lm 5:10

Caw wal tz'a qui tz'umal yuj c'ac' tzpitzw chan̈ 'ayn̈ yuj wejl on̈.

Os 4:3

Yuj cha, caw wal cusltac 'oj 'ajcn slum jun nacion̈ tic. 'Oj laj 'el yip eb' 'anma cajn 'a 'a. 'Oj laj cham no calte'al noc', no ch'ic, yet' smasnil e no chay 'ay 'a yojl a mar.

Jl 1:10

Caw xjuw 'el yilx smasnil lugar, 'icha to 'aych lum lum tic 'a cusc'ojlal. Xlajw 'ejm 'ixm trigo, xtacj 'el te uva, xtacj pax 'el te olivo.

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Jl 1:14

'Awtjec cot smasnil eb' 'anma', 'ochn̈ec 'a c'ajb'c'ojlal yet' eb'. Molb'tzejec e b'a 'a yatut Jehová qui Diosal, yet' smasnil eb' yichmtac wincal chon̈ab', yet' smasnil eb' 'anma 'a jun nacion̈ tic yic tzex tew 'a Jehová.

Jl 2:6

A eb' 'anma 'a junjn nacion̈, caw 'oj 'ib'xoc eb' yuj xiwlal, 'oj sacb'oc 'el sat eb' yic 'oj yilnc eb' no'.

Hageo 1:11

An xwij 'och wan ya'n n̈ab' 'a yib'n̈ tas 'awb'il eyu'uj, yet' 'a eb' lum jolmctac witz yet' 'a yib'n̈ smasnil sb'al lum lu'um. Yuj cha, tztacj 'ixm trigo, te uva, te olivo. Man̈x 'a pax n̈ab' tz'em 'a eyib'an̈, yet' 'a yib'n̈ e cajb'en noc', yet' 'a yib'n̈ smasnil e munljel, xchi Dios, xin chi 'a eb' wit israelal.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

A Ch'an̈ B'ab'el Libro Samuel 5:12

Ax eb' ma'ix cham cha, caw wal ya yaj eb' yuj jun tzo'n̈ yab'il chi tzlaj mal 'elt 'a eb' cha, caw wal tz'el yaw eb' yab'n syail.

A Ch'an̈ B'ab'el Libro Samuel 9:16

Yab'n wal 'ixtc q'uic'an, ax in checn cot jun win winc 'ayach. Ata 'oj cot win 'a scal eb' yic Benjamín. Tzac' q'ue aceite 'a sjolom yic tza si'n can 'och syajlilc in chon̈b' Israel. A win 'oj colnc 'el in chon̈b' tic 'a yol sc'ab' eb' filisteo, yujto tzcus in c'ojl yaln sb'a eb' 'anma tic, xchi 'a Samuel cha.