Jeremías 14:16 - Chuj San Sebastian Bible

¹⁶ An̈jtona eb' 'anma 'aj tzyal eb' jun tzo'n̈ cha, 'oj cham eb' yuj owal, yet' yuj wejel, 'oj cham pax yistzil eb', yunnal eb', yet' pax yisl eb'. T'ocquixtac xoj 'oj 'ajcn sniwnal eb' 'a yol scayeal chon̈b' Jerusalén. Man̈x 'a mach 'oj mucnc eb'. 'Ixta wal 'oj yutc eb' stupn lajwc smul wu'uj.

Chuj San Mateo Bible

¹⁶ Yed' pax eb' anima b'aj syal eb' chi', ol cham eb' yuj oval yed' vejel. Ol cham eb' ix yetb'eyum eb' yed' yalyuninal. Toxon̈ej ol can teljab' snivanil eb' d'a yoltac scalleal chon̈ab' Jerusalén. Malaj mach ol mucan eb'. Icha chi' ol aj stupanel smul eb' ix yac'ochi.

Jeremías 14:16 Iomraidhean Croise

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Is 51:20

Tox x'el yip eb' eyunnal, 'ix can eb' 'a ch'an̈yal 'icha tzyac' no c'ultquil chej. Telctac tz'ajcn eb' scham 'a 'aj tzchaj sb'a caye, lajwnac eb' yuj yowl sc'ojl Jehová, yujto a tz'a'n cuenta eb'.

Is 9:16

A eb' yajl yaj 'a scal eb' 'anma tic, caw 'a'm 'es eb', ax eb' 'anma tzcob' jucb'tzax yuj eb', ton̈j tzsatc' eb'.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Jeremías 20:6

Ach wal ach tic Pasur, 'oj ejx 'at 'icha presoal 'a Babilonia yet' smasnil eb' cajn et' 'a yol atut. Ata 'oj a chami, ata 'oj a mucx yet' smasnil eb' a wach'c'ojl cha, atn eb' 'aj xalcn 'el jun tzo'n̈ 'es paxti', xchi Dios, xin chi 'a winac.

Jeremías 27:15

A Jehová 'ix alni, to man̈oc tz'a'n yal eb' jun tzo'n̈ cha, caw 'esn̈j tas tzyal-l eb' 'a sb'i Jehová. Toto tza yiclj tas tzyal eb', 'oj ejx 'el 'a tic yet' eb' tzyalch sb'a checb'al cha, eb' tz'a'n 'es 'aych cha, ax a cham yet' eb', xin chi 'a win rey cha.

Jeremías 4:18

Yuj e b'eyb'al yet' yuj tas xe b'o'o, yuj cha, tzjaw jun tzo'n̈ tic 'a eyib'an̈. Yuj wal e maysch'olnilal, yuj cha, caw tu ex 'aj 'el'chi, caw tzeyab' syal yu'uj, xchi Dios.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Jeremías 7:33

A sniwnal eb' 'anma 'oj cham 'a jun chon̈b' tic, 'oj 'och schib'joc no 'usej, yet' no calte'al noc'. Man̈x 'a mach 'oj xib'tnoc 'el no 'a eb'.

Jeremías 8:1

'Ix yaln pax Jehová 'ixtic: A 'a yic jun tiempoal cha, a wal eb' rey chamnac, 'oj 'ijxoc 'elt sb'acl eb' 'a yol sjul-l 'aj mucb'il, sb'acl eb' syajlil eb' 'aj Judá, yic eb' ya'mal 'och sti eb' 'anma', yic eb' xyalch sb'a in checb'oc, yet' yic eb' x'ec' cajn 'a Jerusalén tic.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Jeremías 9:20

Ex 'ix, macljec eyab' spaxti Jehová, 'a'c wal 'och e chicn 'a scuynb'il. Cuyc eb' 'ix eyune yoc' yuj cusc'ojlal, tzeyaln pax 'a eb' e wach'c'ojol, 'o' cab' eb' yuj chaml tzlaj uji.

Jeremías 9:22

'Ix yal Jehová 'ayn 'ixtic: Al 'a eb' to an Jehová in tzwal 'ixtic: A sniwnal eb' 'anma', b'ulctac 'oj 'ajcn 'a 'a'lic, 'icha tz'ajcn tzicn stza no noc', 'icha pax tz'ajcn tzicn 'ixm schon trigo 'a spatquil eb' polm trigo, man̈x 'a junc mach 'oj si'noc, xa chi 'a eb', xchi Dios 'ayin.

Ez 39:14

'Oj lajwc uque 'uj cha, ax si'x jaywn̈ocx eb' winc 'oj tojxoc. 'Oj laj 'ec' saync eb' yila', 'aj 'ayt sniwnal eb' 'anma chi mantzac laj mucxi. Ax eb' 'oj mucnc can jun tzo'n̈ sb'acl eb' mantzac mucx cha, sec 'ixta 'oj 'aj sb'ox can slum eb' cha.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Apoc 16:1

Xlajw cha, xwab'n yoch jun paxti 'a jun Lugar caw yicn̈ej Dios yaj sch'ocoj. Caw 'ip yaln 'ixtc 'a eb' ángel chi yucwn̈il: —'Ixquec, 'at secc 'ejm sb'al uque vaso chi 'a yolyib'n̈q'uinal. A sb'al cha, atn yowl sc'ojl Dios, xchi.